O‘zLidep-Zomin

Тадбиркорлик субъектлари билан судлар ўртасида электрон маълумот алмашиш йўлга қўйилади

Президент Шавкат Мирзиёев 27 февраль куни суд фаолиятини янада яхшилаш, очиқлик ва рақамлаштириш даражасини ошириш чора-тадбирлари юзасидан йиғилиш ўтказди.

Суд ишларини юритишда қоғоз шаклидан бутунлай воз кечиш мақсадида “Рақамли суд” концепцияси амалга оширилади. Бунинг учун Олий суд ҳузурида Ахборот технологиялари маркази ташкил этилади. У судларга зарур бўлган ахборот тизимлари ва дастурий маҳсулотлар яратиш, сунъий интеллектни жорий этиш ҳамда ахборот хавфсизлигини таъминлаш билан шуғулланади.

Мамлакатимиз Конституциясига кўра, Олий судга қонунчилик ташаббуси ваколати берилган. Шунга асосан, тадбиркорлик, инвестиция, инфратузилма, ер, солиқ, кредит, меҳнат муносабатлари каби энг кўп учраётган масалаларни таҳлил қилиб, ҳар ойда ҳукуматга, ҳар чоракда парламентга таклиф киритиб бориш муҳимлиги таъкидланди.

@a_xaitov

☑️ Ўзбекистон ва Покистон ўртасида ўзаро манфаатли ҳамкорлик янги босқичга кўтарилади.

Ўзбекистон ва Покистон ўртасида стратегик шерикликни кенгайтиришнинг устувор йўналишлари белгиланди

Президентимиз Шавкат Мирзиёев ва Покистон Ислом Республикаси Бош вазири Шаҳбоз Шариф тор доирада ва расмий делегациялар иштирокида музокара ўтказдилар. Ўзбекистон-Покистон стратегик шериклик муносабатларини янада кенгайтириш ва мустаҳкамлашнинг барча йўналишлари кўриб чиқилди.

Таъкидланганидек, кейинги йилларда кўп қиррали ҳамкорлик жадал ривожланиб бормоқда. 2024 йилда товар айирбошлаш ҳажми 400 миллион доллардан ошди, қўшма корхоналар сони 130 тага етди. Карачи ва Тошкентда савдо уйлари очилди. Тошкент ва Лаҳор ўртасида тўғридан-тўғри авиақатновлар тикланди.

Музокараларда савдо-иқтисодий ҳамкорликни кенгайтириш масалаларига алоҳида эътибор қаратилди. Қабул қилинган "йўл харитаси" асосида товар айирбошлаш ҳажмини 2 миллиард долларга етказиш бўйича ўзаро мувофиқлашган чоралар кўриш муҳимлиги таъкидланди.

Имтиёзли савдо тўғрисидаги битим доирасида товарлар рўйхатини кенгайтириш, фитосанитария ва карантин талабларини, божхона тартиб-таомилларини ўзаро соддалаштириш, стандартларни яқинлаштириш, электрон савдо платформаларини интеграция қилиш, харидларда иштирок этиш имкониятини таъминлаш, банклараро ҳисоб-китоблар механизмларини такомиллаштириш ва бошқалар устувор вазифалар сифатида белгиланди.

Ўзбекистон ва Покистон етакчилари транспорт жиҳатидан ўзаро боғлиқликни кучайтириш ва транзит салоҳиятини рўёбга чиқариш масалаларига алоҳида тўхталдилар. Кейинги бир неча йилда "Ўзбекистон – Афғонистон – Покистон" мултимодал йўлаги орқали юк ташиш ҳажми 5 баробар кўпайгани мамнуният билан қайд этилди. Юк айланмаси ҳажмини янада ошириш мақсадида қўшма транспорт-логистика компаниясини ташкил этишга келишиб олинди.

Музокаралар якунида кўп қиррали Ўзбекистон-Покистон ҳамкорлигини янада ривожлантириш ва мустаҳкамлашга қаратилган Қўшма декларация ҳамда икки томонлама Олий даражадаги стратегик шериклик кенгашини тузиш тўғрисидаги баённома имзоланди.

@a_xaitov

Халқ билан мулоқот: Ишчи гуруҳнинг навбатдаги манзили Навоий вилояти

Олий Мажлис Қонунчилик палатаси депутатлари, маҳаллий кенгаш депутатлари ва партия ҳудудий кенгаш вакилларидан иборат ишчи гуруҳ Навоий вилоятида ўрганишлар олиб боряпти. Дастлабки учрашув вилоят марказидаги кичик саноат зонаси ҳудудида жойлашган “Навпромлитмаш” корхонасида ўтказилди.

Партия ишчи гуруҳи вилоятдаги бошқа туман ва шаҳарларда ҳам бўлишиб, кенг жамоатчилик вакиллари, депутатлик гуруҳлари аъзолари, сайловчилар билан жонли мулоқотлар ўтказяпти ва муаммоларни ўрганмоқдаа.

“XXI asr” газетасининг 2025 йил 27 февраль сонидан.

@a_xaitov

😎 Қуйи бўғин фаолияти сарҳсоб қилинди

🔍O’zLiDeP Мирзачўл туман Кенгаши таркибида ўз сафларига 11147 нафар маслакдошларни бирлаштирган 91 та бошланғич партия ташкилоти фаолият олиб бормоқда. Айни кунларда мирзачўллик партиядошларимиз ҳам қуйи бўғин раисларининг ҳисоботларини эшитиб, келгуси иш режаларини белгилаб олмоқдалар.

🔍Батафсил

#uzlidep #faoliyat

🖥 Расмий саҳифаларимизга уланинг

#Live

O‘zLiDeP фракциясининг навбатдаги мажлиси бўлиб ўтмоқда

😎 OʻzLiDeP фракциясининг навбатдаги йиғилиши бошланди. Унда фракция аъзолари Давлатимиз раҳбари раислигида мамлакатимиз ҳарбий хавфсизлиги ва мудофаасини мустаҳкамлаш масалаларига бағишланган йиғилиш ҳамда юртбошимизнинг 17-18 феврал кунлари Кувайт Давлати Амири Шайх Мишъал ас-Сабоҳнинг таклифига биноан амалга оширган расмий ташрифи юзасидан фикр алмашмоқда.

🔵 Мажлис давомида ушбу масалаларнинг мамлакат тараққиёти ва халқаро ҳамкорлик нуқтаи назаридан аҳамияти муҳокама қилинмоқда.

#uzlidep #fraksiya

🖥 Расмий саҳифаларимизга уланинг