Xizmatlar savdosi tashqi savdo o‘sishini belgilab beruvchi asosiy omil bo‘lib qolmoqda
Joriy yilning yanvar oyida mamlakatimiz tashqi savdo aylanmasi 4,5 mlrd dollarni tashkil etib, oldingi yilning mos davriga nisbatan 7,1 foizga o‘sgan. Bunda, eksport hajmi 1,3 mlrd dollar, import esa 3,2 mlrd dollarni tashkil etgan. Tashqi savdo defitsiti 1,9 mlrd dollarga yetgan.
Umumiy eksportning o‘sishi 14,1 foizni, import o‘sishi esa 4,4 foizni tashkil etgan. Lekin oldin ham bu haqida yozganimdek, eksportning o‘sishi asosan xizmatlar sohasidagi yuqori o‘sish hisobiga shakllanmoqda.
Xususan, yanvar oyida 492 mln dollarlik xizmatlar eksport qilingan hamda bu umumiy eksportning 37,6 foizini tashkil etadi. Oldingi yil bilan taqqoslaganda xizmatlar eksporti 22 foizga o‘sgan (lekin agentlikning hisobotlaridagi birlamchi ma’lumotlar bilan xizmatlar eksporti 34 foizga o‘sgan bo‘lib chiqadi, menimcha 2024 yil uchun ma’lumotlar qayta ko‘rib chiqilgan, lekin qayta ko‘rib chiqilgan ma’lumotlarni agentlik saytida topishning imkoni yo‘q).
Birgina xizmatlar eksportining o‘zi jami eksportning 8,3 foiz bandga o‘sishini ta’minlagan. Ya’ni xizmatlar eksportidagi o‘sishsiz umumiy eksport 5,7 foizga o‘sgan bo‘lardi xolos. Oldingi yillardagi kabi xizmatlar eksporti ichida turizm xizmatlari yuqori sur’atlarda o‘sishda davom etmoqda. Xususan, yanvar oyida Turizm xizmatlari 36 foizga o‘sgan. Birgina turizm xizmatlaridagi o‘sish umumiy eksportning 6,4 foiz bandga o‘sishiga sabab bo‘lgan (qayta ko‘rib chiqilgan ma’lumotlar bilan turizmdagi o‘sish pastroq shakllangan bo‘lishi mumkin).
Shuningdek, yanvar oyida 44,3 mln dollarlik oltin eksporti amalga oshirilgan. Taqqoslash uchun, 2024 yilning mos davrida oltin eksport qilinmagan edi. Oltinsiz tovarlar eksporti esa 3,9 foizga o‘sgan xolos (birlamchi ma’lumotlar bilan hisoblaganda esa 1 foizga qisqargan).
Ta’kidlash kerakki, umumiy importning o‘sishida ham xizmatlar importining o‘sishi muhim ahamiyat kasb etmoqda. Xususan, import tarkibidan xizmatlar importi chiqarib tashlansa, unda importning o‘sishi 4,4 foizdan 1,6 foizgacha sekinlashadi. Xizmatlar importida asosiy o‘sish eksportdagi kabi turizmda yuz bermoqda. Xususan, yanvar oyida xizmatlar import 212,6 mln dollarni tashkil etib, oldingi yilning mos davriga nisbatan 55,7 foizga o‘sgan.
@Mirkonomika
Joriy yilning yanvar oyida mamlakatimiz tashqi savdo aylanmasi 4,5 mlrd dollarni tashkil etib, oldingi yilning mos davriga nisbatan 7,1 foizga o‘sgan. Bunda, eksport hajmi 1,3 mlrd dollar, import esa 3,2 mlrd dollarni tashkil etgan. Tashqi savdo defitsiti 1,9 mlrd dollarga yetgan.
Umumiy eksportning o‘sishi 14,1 foizni, import o‘sishi esa 4,4 foizni tashkil etgan. Lekin oldin ham bu haqida yozganimdek, eksportning o‘sishi asosan xizmatlar sohasidagi yuqori o‘sish hisobiga shakllanmoqda.
Xususan, yanvar oyida 492 mln dollarlik xizmatlar eksport qilingan hamda bu umumiy eksportning 37,6 foizini tashkil etadi. Oldingi yil bilan taqqoslaganda xizmatlar eksporti 22 foizga o‘sgan (lekin agentlikning hisobotlaridagi birlamchi ma’lumotlar bilan xizmatlar eksporti 34 foizga o‘sgan bo‘lib chiqadi, menimcha 2024 yil uchun ma’lumotlar qayta ko‘rib chiqilgan, lekin qayta ko‘rib chiqilgan ma’lumotlarni agentlik saytida topishning imkoni yo‘q).
Birgina xizmatlar eksportining o‘zi jami eksportning 8,3 foiz bandga o‘sishini ta’minlagan. Ya’ni xizmatlar eksportidagi o‘sishsiz umumiy eksport 5,7 foizga o‘sgan bo‘lardi xolos. Oldingi yillardagi kabi xizmatlar eksporti ichida turizm xizmatlari yuqori sur’atlarda o‘sishda davom etmoqda. Xususan, yanvar oyida Turizm xizmatlari 36 foizga o‘sgan. Birgina turizm xizmatlaridagi o‘sish umumiy eksportning 6,4 foiz bandga o‘sishiga sabab bo‘lgan (qayta ko‘rib chiqilgan ma’lumotlar bilan turizmdagi o‘sish pastroq shakllangan bo‘lishi mumkin).
Shuningdek, yanvar oyida 44,3 mln dollarlik oltin eksporti amalga oshirilgan. Taqqoslash uchun, 2024 yilning mos davrida oltin eksport qilinmagan edi. Oltinsiz tovarlar eksporti esa 3,9 foizga o‘sgan xolos (birlamchi ma’lumotlar bilan hisoblaganda esa 1 foizga qisqargan).
Ta’kidlash kerakki, umumiy importning o‘sishida ham xizmatlar importining o‘sishi muhim ahamiyat kasb etmoqda. Xususan, import tarkibidan xizmatlar importi chiqarib tashlansa, unda importning o‘sishi 4,4 foizdan 1,6 foizgacha sekinlashadi. Xizmatlar importida asosiy o‘sish eksportdagi kabi turizmda yuz bermoqda. Xususan, yanvar oyida xizmatlar import 212,6 mln dollarni tashkil etib, oldingi yilning mos davriga nisbatan 55,7 foizga o‘sgan.
@Mirkonomika