* * *
Бу совуқлар мени ейман дер,
Бу тунларнинг бор менда ўчи.
Осмон олис, қаттиқман дер Ер,
Сен кўнглимдан кетганда кўчиб.
Гиёҳ керак бўлгучи даво,
Шахсан Ибн Сино ҳам керак.
Оғир дардга қилиб мубтало,
Сен кўнглимни этганингда тарк.
Қози, хакам, суд бўлиб олиб,
Менга ўлим жазосини ёз!
Буюк ишқим бир пулга олиб,
Сен кўнглимдан кеча олсанг воз!
Шунча кучли бўлмасди оғриқ,
Кўксим ёриб, юракни ўйсанг.
Лек озорга айланар борлиқ,
Сен кўнглимни соғинмай қўйсанг!
Йиғлаш бўлса, йиғлайман тинмай,
Ва Оролни бергум тўлдириб.
Жаллод каби раҳмни билмай,
Сен кўнглимни қўйсанг ўлдириб!
Қайта ура бошлару юрак,
У дунёдан келаман қайтиб.
Яна юз йил яшасам керак,
Сен кўнглимга келсанг ауф айтиб.
Малика Тавфиқ
@Malika_Salimova_sheriyati
Бу совуқлар мени ейман дер,
Бу тунларнинг бор менда ўчи.
Осмон олис, қаттиқман дер Ер,
Сен кўнглимдан кетганда кўчиб.
Гиёҳ керак бўлгучи даво,
Шахсан Ибн Сино ҳам керак.
Оғир дардга қилиб мубтало,
Сен кўнглимни этганингда тарк.
Қози, хакам, суд бўлиб олиб,
Менга ўлим жазосини ёз!
Буюк ишқим бир пулга олиб,
Сен кўнглимдан кеча олсанг воз!
Шунча кучли бўлмасди оғриқ,
Кўксим ёриб, юракни ўйсанг.
Лек озорга айланар борлиқ,
Сен кўнглимни соғинмай қўйсанг!
Йиғлаш бўлса, йиғлайман тинмай,
Ва Оролни бергум тўлдириб.
Жаллод каби раҳмни билмай,
Сен кўнглимни қўйсанг ўлдириб!
Қайта ура бошлару юрак,
У дунёдан келаман қайтиб.
Яна юз йил яшасам керак,
Сен кўнглимга келсанг ауф айтиб.
Малика Тавфиқ
@Malika_Salimova_sheriyati