Продам твой канал за сутки.

Любой по федеральной программе.

Продам канал с доходом 138090

Всего за 55 000. Срочно нужны деньги.

Telegram Analytics

TGStat хизмати янгиликларидан бохабар бўлиш учун обуна бўл!

Statistika Saralanganlar

МАЛИКА ТАВФИҚ ШЕЪРИЯТИ.

@Malika_Salimova_sheriyati

Kanal geosi va tili: O‘zbekiston, O‘zbekcha

Toifa: Kitoblar

𝙈𝙖𝙡𝙞𝙠𝙖𝙏𝙖𝙫𝙛𝙞𝙦

Сизни кимдир ёмон кўришига ягона сабаб, бу ўша инсон сизга ўхшашни жуда ҳам исташида...

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Kitoblar

Statistika

Postlar filtri

O‘chirilganlarni yashirish

Repostlarni yashirish

МАЛИКА ТАВФИҚ ШЕЪРИЯТИ.

9 Mar, 13:34

* * *

Унутганман дейсиз.
Ўшал заҳоти,
Биттага кўпаяр гуноҳларингиз.
Ёлғонни сув қилиб ичасиз, аммо,
Алдай олмайдида нигоҳларингиз.

Соғинмадим дейсиз.
Соҳта табассум,
Кетмоқ жойиз бўлса, иҳтиёрингиз.
Нега қаролмайсиз кўзларимга тик,
Нега титраяпди бармоқларингиз.

Кетмоқчи бўласиз ҳатто ўгрилиб,
Сувдек тўкилади қасамларингиз.
Ишқим кишан бўлиб оёғингизга,
Ерга ботиб борар қадамларингиз.

Кун келиб барига пушмон тенг шерик,
Қараб тураверар ўтинчларга жим.
Ҳеч ким сизни дея юрмайди тирик,
Сизни деб жонидан кечмагай ҳеч ким.

Малика Тавфиқ

@Malika_Salimova_sheriyati

1.2k 0 48 4 39

МАЛИКА ТАВФИҚ ШЕЪРИЯТИ.

9 Mar, 08:19

* * *

Тунлар Ҳилолисиз бағри қародир,
Ошиқ маъшуқасиз кўнгли яродир.
Бизга сизнингчалик кимлар бевафо,
Сизга бизнингчалик кимлар фидодир.

Гулнинг хусни бир пул хўшбўй атирсиз,
Қирлар қир бўлурми пастқам, адирсиз.
Бизга сизнингчалик қадрдон йўқдир,
Сизга бизнингчалик кимлар қадрсиз.

Асли сизни суйиб бўлдик гуноҳкор,
Суймаса, суйкалма демаслар бекор.
Бизга сизнингчалик кимлар зулмда,
Сизга бизнингчалик кимлар хокисор.

Дунё тиним билмас, дунё чархпалак,
Совуқлар сўнгида баҳордан дарак.
Бизга сизнингчалик беэътибор ким,
Сизга бизнингчалик кимлар жонҳалак?

Бежизга узилмас бир япроқ жони,
Бежиз яратмаган Еру-Самони.
Бежиз сиздан бизни этмагай айро,
Ёлғизлар ёридур Ёлғиз Худони!

Малика Тавфиқ

@Malika_Salimova_sheriyati

1.4k 0 31 3 32

МАЛИКА ТАВФИҚ ШЕЪРИЯТИ.

9 Mar, 03:16

* * *

Соатлар тўхтаса сенинг ёнингда,
Фасиллар алмашмай қўйса ўрнини.
Жимгина жой топсам ширин жонингдан,
Кечирсанг, кўнглингни олган ўғрини.

Жиноят санама ошиқлигимни,
Гуноҳ билма сенсиз яшолмасам гар.
Ахир бу дунёда билсанг ҳеч кимни,
Ҳеч ким соғинмаган ҳудди мен қадар.

Малол ола кўрма ҳар бир нафасда,
Ҳар юрак зарбида таралса исминг.
Ва ё тушларингга кириб беҳосдан,
Кўзим қароғига жойласам жисминг.

Рад этма! Бу билсанг ўлим жазоси,
Тирик эканимга этма пушаймон.
Қисмат жудоликка қўйса имзосин,
Бир умр кунда бир ўлиб яшайман!

Малика Тавфиқ

1.7k 0 69 6 49

МАЛИКА ТАВФИҚ ШЕЪРИЯТИ.

9 Mar, 01:20

00:18

Video oldindan ko‘rish uchun mavjud emas

Telegram'da ko‘rish

@Malika_Salimova_sheriyati

1.8k 0 37 11

МАЛИКА ТАВФИҚ ШЕЪРИЯТИ.

8 Mar, 20:32

* * *

Эзилганда дил эзилди ҳатойимдан,
Ҳар не бўлсам бўлурман шу савдойимдан.
Ўзни ўтга ўтин қилар мард бормикан,
Бу дардларни тилаб олдим Худойимдан,

Эл оғзида ўлан бўлди менинг ҳолим,
Шу ҳолда ҳам ўгрилмади бағризолим
Ярим ойга андозадир қадди долим,
Бу дардларни тилаб олдим Худойимдан

Тиғ устида тик турурман тавонимда,
Битта исминг фақат ашъор забонимда,
Қасдинг қанча менинг ипдек шу жонимда,
Бу дардларни тилаб олдим Худойимдан!

Ўтинчларга жавоб бўлди жамолинг ёр,
Ҳар недан ҳам соғинчларинг энди бисёр.
То умрбод васлинг тилаб жилла бир бор,
Бу дардларни тилаб олдим Худойимдан!

Малика Тавфиқ

@Malika_Salimova_sheriyati

1.8k 0 33 23 36

МАЛИКА ТАВФИҚ ШЕЪРИЯТИ.

8 Mar, 20:31

Tilab oldim — Sherzod Karim&Asilzoda

@Malika_Salimova_sheriyati

1.7k 0 10 6

МАЛИКА ТАВФИҚ ШЕЪРИЯТИ.

8 Mar, 11:31

Ayol — @Zuliw_Altmus

Ayol...

Ayyollarimiz Baxtimizga doimo omon bo'ling
Boringizga Shukur!

🌸🌸🌸🌸🌸🌸🌸🌸🌸🌸

@Zuliw_Altmus🎙
Malika Salimova ✍

1.9k 0 58 4 24

МАЛИКА ТАВФИҚ ШЕЪРИЯТИ.

8 Mar, 10:08

08.03.2024

Сен билан бу олам мунаввар,
Навосан, сабосан, ҳаёлсан.
Ҳамиша мукаррам, мўтабар,
АЁЛСАН азизам, АЁЛСАН!

Малика Тавфиқ✍
Комрон Кабулов🎙

3k 0 66 37

МАЛИКА ТАВФИҚ ШЕЪРИЯТИ.

8 Mar, 08:50

* * *

Кўп нарса керакми аёл зотига?
Манимча бир томчи меҳр бўлса бас.
Нур бўлса қоронғу ҳаёлотига,
Манимча бошқаси унга керакмас.

Тиллога тўлдирманг бармоқларини,
Бахтли бўлиш гумон бойликдан буткул.
Манимча чоғ этиб димоғларини,
Тонглар ёстиғига қўйинг атиргул!

Севги исхорлари ҳуш ёқар,бироқ,
Оддий бир каломдан бошлари осмон !
"Иссиқ кийиндингми кўча совуқроқ.
Сен менга саломат кераксан,ишон !ʺ

Майли қозонига гўшт тушмас ҳар кун,
Либос ўзгармасин бир йилда бир бор.
Елкангиз қизғанманг,суяниш учун,
Турмушнинг муштлари берганда озор.

Ишонинг, кўп нарса керакмас унга,
Унутманг, шишадан ясалган кўнгил.
Баъзида бир кулиб қарашингизга,
Жонини бермаса, мана ман кафил.

Кимгадир керакман,дея яшасин,
Асранг қадрсизлик қийноқларидан !
Савоб ёзилармиш ҳар бўса учун,
Сизни дуо қилган дудоқларидан.

Малика Тавфиқ

@Malika_Salimova_sheriyati

3k 0 99 3 39

МАЛИКА ТАВФИҚ ШЕЪРИЯТИ.

8 Mar, 04:54

00:24

Video oldindan ko‘rish uchun mavjud emas

Telegram'da ko‘rish

@Malika_Salimova_sheriyati

3.5k 0 173 1 26

МАЛИКА ТАВФИҚ ШЕЪРИЯТИ.

8 Mar, 01:50

00:18

Video oldindan ko‘rish uchun mavjud emas

Telegram'da ko‘rish

@Malika_Salimova_sheriyati

4.5k 1 148 30

МАЛИКА ТАВФИҚ ШЕЪРИЯТИ.

8 Mar, 00:22

ГЎЗАЛЛИК, НАФОСАТ, МУХАББАТ БАЙРАМИ МУБОРАК СИЗГА АЗИЗ ОПА-СИНГИЛЛАРИМИЗ!

Асли гул сен учун яралган,
Кимлардир пойинга сочсин деб.
Мажнунтол сочлари таралган,
Висолда бағрини очсин деб.

Неча мард, неча алп қоматлар,
Тиз чўккан бир гўзал қошида.
Мен деган неча дев келбатлар,
Гиргиттон ҳур - пари бошида!

Сенмасми нотавон масканни,
Истаса бир зумда боғ этган.
Истаса йигитни чил-парчин,
Истаса кўксини тоғ этган.

Сенмасми сочлари мушк-анбар,
Тил билан лабида боли бор.
Кўргандан жон сўрар муқаррар,
Юзида бир дона ҳоли бор!

Сенмасми фаросат, онг билан,
Неча қалб риштасин боғлаган.
Сенмасми кафтдайин кўксига,
Оллоҳим икки жон жойлаган.

Пурвиқор тоғлар ҳам тиз чўкар,
Забт этса йигитнинг мардига.
Лек ўша марди ҳам дош бермас,
Тўлғоқнинг онийлик дардига.

Ўша сен ҳофизни сайратиб,
Шоирнинг сўзини шеър қилган.
Чин севса бағрингда яйратиб,
Алдаса қадрини ер қилган!

Ибосан, вафосан, ҳаёсан,
Сеҳрнинг қудрати сендан кам.
Не ажаб бир бўлак суякдан,
Оллоҳим мўжиза яратган!

Сен билан бу олам мунаввар,
Навосан, сабосан, ҳаёлсан.
Ҳамиша мукаррам, мўтабар,
АЁЛСАН азизам, АЁЛСАН!

Малика Тавфиқ

@Malika_Salimova_sheriyati

4.9k 0 210 5 48

МАЛИКА ТАВФИҚ ШЕЪРИЯТИ.

8 Mar, 00:19

* * *

Аёлсиз уйингиз чироқсиз маскан,
Гулларнинг ифори кирмаган гўша.
Бахтларнинг бошида турган ким экан,
Аёлдир мўътабар, аёлдир ўша!

Дунёга келинг деб дунё дард чеккан,
Сизни яшанг дея жонини тиккан,
Юрар йўлингизга меҳрини эккан,
Аёлдир мўътабар, аёлдир ўша!

Биттагина жони минг битта бўлак,
Берар юрагидан ушатиб юрак.
Тинчу-ҳаловоти кетган бедарак,
Аёлдир мўътабар, аёлдир ўша!

Уйингиз саришта, хотирингиз жам,
Кулиб уйғонади йиғлаб ухлаб ҳам,
Энг гўзал ватан у, энг сирли олам,
Аёлдир мўътабар, аёлдир ўша!

Қошида қироллар бошини эккан,
Васлига ошиқлар борини тиккан,
Қалбларда мухаббат оловин ёққан,
Аёлдир мўътабар, аёлдир ўша!

Каму-кўстингизга балогардон ҳам,
Дўст бўлса содиқ у, ёр бўлса санам,
Ҳатто фироқлари чиройли бирам,
Аёлдир мўътабар, аёлдир ўша!

Кулса, Қуёш чиқар тоғлардан ошиб,
Йиғласа дарёлар кетади тошиб,
Яшар умрингизга умрлар қўшиб,
Аёлдир мўътабар, аёлдир ўша!

Бир оғиз сўз билан бошлари осмон,
Ёки бир сўз билан бўлади вайрон,
У билан ҳаёт соз, ёруғ хонадон,
Аёлдир мўътабар, аёлдир ўша!

Она у, дуоси сизни соғ тутган,
Сингил у соғиниб интизор кутган,
Ёрингиз, бегим деб ўзин унутган,
Аёлдир мўътабар, аёлдир ўша

Бешикдек тебрата олар дунёни,
Истаса шох қилар юрган гадони,
Санъат асаридир қодир Худони,
Аёлдир мўътабар, аёлдир ўша!

Малика Тавфиқ

@Malika_Salimova_sheriyati

4.8k 0 189 29

МАЛИКА ТАВФИҚ ШЕЪРИЯТИ.

7 Mar, 18:24

✍ Malika Salimova — 🎙@Komron_Kabulov

#Архив

Мени яна севармидинг, айт?

✍ Малика Тавфиқ
🎙 Комрон Кабулов

2.2k 0 42 6 37

МАЛИКА ТАВФИҚ ШЕЪРИЯТИ.

7 Mar, 04:02

00:20

Video oldindan ko‘rish uchun mavjud emas

Telegram'da ko‘rish

@Malika_Salimova_sheriyati

2.9k 0 49 6 24

МАЛИКА ТАВФИҚ ШЕЪРИЯТИ.

7 Mar, 02:39

00:44

Video oldindan ko‘rish uchun mavjud emas

Telegram'da ko‘rish

@Malika_Salimova_sheriyati

2.5k 0 50 3 36

МАЛИКА ТАВФИҚ ШЕЪРИЯТИ.

6 Mar, 21:42

🌚🧸

Кимнингдир ҳаттоки йиғиси ёлғон,
Кимлар қон қақшади қувонган сарим.
Сендан ўзга кимга айтай Художон,
Куракка тиғ санчса суянганларим!

✍ Малика Тавфиқ
🎙 Комрон Кабулов

2.5k 0 61 3 61

МАЛИКА ТАВФИҚ ШЕЪРИЯТИ.

6 Mar, 04:10

00:09

Video oldindan ko‘rish uchun mavjud emas

Telegram'da ko‘rish

@Malika_Salimova_sheriyati

3.1k 0 44 4 21

МАЛИКА ТАВФИҚ ШЕЪРИЯТИ.

6 Mar, 03:58

Ёдинг тиканзорим, ҳаёлинг алам,
Ёқимсиз сасингни ўчиролмайман.
Бутун дунё сени оқлаб турса ҳам,
Мен сени ҳеч қачон кечиролмайман!

Кўзим икки чироқ парвона эдинг,
Афсус чироқларни ўчиролмайман!
Ишқ десам, бор йўғи капалакмидинг,
Мен сени ҳеч қачон кечиролмайман!

Сени деган кўнгил, бошимга бало,
Кеч деб унга қасам ичиролмайман.
Бир кун жарохатлар топару даво,
Лек сени ҳеч қачон кечиролмайман!

Кўксимда типирлар ярадор бир қуш,
Уни озод қилиб учиролмайман.
Қани туш бўлсайдинг, шунчаки бир туш,
Мен сени ҳеч қачон кечиролмайман!

Малика Тавфиқ

.

@Malika_Salimova_sheriyati

2.5k 0 74 6 38

МАЛИКА ТАВФИҚ ШЕЪРИЯТИ.

6 Mar, 03:55

Агар севсанг эди мени мендайин,
Боримни юз бора фидо этардим.
Кечиб кетар кунинг бўлса ҳам тайин,
Умрбод бир сенга вафо этардим!

Юрсанг йўлларинга жоним тўшардим,
Қонинга қайнатиб қоним қўшардим.
Бир бора ишқингда адоман десанг,
Ишонсанг мен яна минг йил яшардим.

Совуқ, аёзлардан бўлардим паноҳ,
Ўзимга олардим дард келса ногоҳ,
Борки балоларга кўксимни тутиб,
Ўлиб, шу балодан этардим огоҳ.

Қани севсанг эди мени менчалик,
Чўққилар пойимга чўкардилар тиз.
Сўнг эса кет десанг, бошимни олиб,
Бу ёруғ дунёдан кетардим изсиз!

Севсанг, суйсанг эди мени менчалик,
Чўғ бериб, ол десанг, олиб ютардим.
Ёки шоир бўлиб кунни кун демай,
Тунни тун демасдан шеърлар битардим!

Агар тикан кирса товонларинга,
Зумда киприкларим билан терардим.
Тирик қолмоқ учун бир имкон бўлса,
Мен ўша имконни сенга берардим!

Ўтсанг изларингни кўзимга суриб,
Келсанг меҳр тўла кўнглим тутардим.
Ўлим ҳақ, жонингга ҳаридор келса,
Мен сени қолдириб, ўзим кетардим!

Севсанг, суйсанг эди мени менчалик...

Малика Тавфиқ

2.8k 0 112 12 53

20 ta oxirgi post ko‘rsatilgan.

10 688

obunachilar

Kanal statistikasi

Kanalda mashhur

* * * Кўп нарса керакми аёл зотига? Манимча бир томчи меҳр бўлса бас. Нур бўлса қоронғу ҳаёлоти...

@Malika_Salimova_sheriyati

ШУ ШЕЪРИМНИ ЖУДА ЯХШИ КЎРАР ЭДИЛАР ОНАЖОНИМ! Ўриклар гуллади кўринг онажон, Турналар қайтдилар в...

* * * Кунда бир бор йўқламасанг, йўқламай кет, Сендан бошқа қиладиган ишим йўқми, Омон бўлу, не...

* * * Маюс кўзларимга чучмома экиб, Лоладан эгнимга кўйлаклар тикиб, Қушлари тонгларда ғазалар ў...