Аёлларнинг ичидаги гаплари:

Майлими?

Семириб, озиш учун минг бир усулларни қўллаб, олдингизда хижолат тортиб турганимда "Бунча семириб кетдинг-э-э-э” демасдан, “Менга қандай бўлсанг, шундай ёқасан, бўғирсоқ" деб айтинг, Майлими?

“Хотин”, "Ў", "Эй", "Ҳей", "Фишт" деб чақирманг. “Эркатойим”, “кичкинтойим”, “мойчечагим”, “маликам” деб исмимни айта қолинг, Майлими?

Касал бўлганимда "Касалдан бошинг чиқмайди" деб иддао қилманг. “Шу дориларни ичиб ол”, “Аллоҳим суйган бандаларига дард беради" “кўрмагандай бўлиб кетасан” деб гапларингиз билан тузатиб юборинг, Майлими?

Хато қилиб қўйсам, жаҳлингизни чиқарсам, уриб, сўкиб сочларимдан судраманг. Яхши гаплар билан тушунтириб, "Ўзинг ақллисан-ку, онашим" денг, Майлими?

Менга "Сочинг узун, ақлинг калта" деманг. “Ўқи, излан, ривожлан. Олдимда олима аёл туришини хоҳлайман” дея менга бир уй китоблар олиб келиб беринг“, Майлими?

Йиғласам, "Асабимини бузма увуллаб" деманг. "Йиғламагин, ягонам, ҳар бир тўккан кўз ёшинг учун Аллоҳдан сўраламан" денг, Майлими?

Мени Аллоҳ учун, қарилигимда ҳам, бетоблигимда ҳам, чиройим кетганида ҳам севинг, Майлими?

#rumiy

👉 @Rumiy_AforizmlariUz 📚 /
Ma'nolarning tuganmas jilosi