Jaloliddin Rumiy Aforizmlari📚

Такрор айтаман: мактабни тарбия маскани сифатида кўришни бас қилишимиз керак! Мактабда фақат билим берилиши, ҳаётий сабоқлар ўргатилиши керак. Тарбия деган нарса ота-она, оилага юклансин тамоман!

Мактаб ва олийгоҳларда фақат ва фақат тартиб-интизом, қонун-қоидалар ҳукм суриши, уларни бузганлар сўзсиз жавобгарликка тортилиши керак.

Мадомики исломни барча ижтимоий муаммолар ечими сифатида кўрмас эканмиз, қонун устуворлиги орқалигина жамиятни бошқариш мумкин.

Таълим масканларида ҳиссиётларга ўрин йўқ! Ўқисанг ўзинг учун ўқийсан, вазифаларни бажармасанг жабрини ўзинг тортасан, қабилида иш тутилиши керак.

Ўқитувчилар ҳам одам, уларнинг ҳам ўз ҳаёти, шахсий муаммолари бор. Нега ўқувчинг жиноятга қўл урди, деб унинг бошини қотириш зўравонликдан бошқа нарса эмас.

Санжар Саид

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Аёл йўлда кетаётиб, ерга нималарнидир чизаётган бир болага кўзи тушиб:
- Ҳой бола, нима қиляпсан? - деди
- Жаннатни бўлаклаб сотяпман.

Боланинг бу жавоби аёлни хурсанд қилди.
- Менга ҳам сотасанми?
- Ҳа, сотаман.
- Неча пул туради?
- 20 лира.

Аёл болага пулни бериб, ўша куни ухлаб туш кўрибди, тушида аёл жаннатда юрганмиш.

Эртаси кун кўрган тушини эрига айтиб берибди, эри шошилганча ўша боланинг олдига бориб, худди аёли каби савол сўрабди.
- Ҳой бола, нима қиляпсан?
- Жаннатни бўлиб сотяпман.
- Менга ҳам сотасанми?
- Ҳа, сотаман.
- Неча пул туради?
- 1 000 000 лира.
- Вой, сан нималар деяпсан, кечагина аёлимга 20 лирага сотдин-ку?
- Амаки аёлингиз жаннатни олиш учун эмас, кўнглимни олиш учун 20 лира бердилар, сиз эса жаннатни олиш учун беряпсиз.

Жаннатга эришиш шунчалик осон, шунчалик қийин,  жаннат на арзон на қиммат. Жаннатни олмоқ учун эзилган, қийналган, зулм остидаги инсонларнинг кўнглини олмоқлик керак.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

#ибрат

Искандар Зулқарнайн вафотидан олдин уч нарсани васият қилган экан:
1. Тобутини давлатининг энг зўр табиблари қабрга кўтариб боришини;
2. Бор бойликлари, жавоҳиру олтинларини қабргача борадиган йўлга сочиб қўйишларини;
3. Тобутидан икки қўлини чиқариб қўйишларини.

Сарой пешволари ҳайрон бўлиб, бунинг сабабини сўрашибди. Искандар Зулқарнайн қуйидаги жавобни берган экан:
• Замонанинг энг зўр табиблари тобутимни кўтаришсин сўнг одамлар кўришсин ҳар қанча зўр табиб даволамади, Аллоҳдан келган ажал олдида улар ожиздирлар, ўлим ҳақ;
• Бор бойликларимни йўлга сочиб қўйинглар, сўнг одамлар кўришсин, ҳар қанча мол-дунё йиғиб ҳам, инсон уни охиратига ортиб олиб кетолмаслигини.
• Қўлларимни тобутдан чиқариб қўйинглар, сўнг одамлар кўришсин, қандай катта лавозимда, давлат султони бўлиб, қандай катта бойликларга эга бўлиб, саройларда яшаган бўлсамда, қабрга қуруқ қўл билан кетаётганимни.

Бу дунёда фақат яхшилик қолади. Яхшилик қилишдан хеч қачон чарчаманг.

☝️ДЎСТЛАРИНГИЗГА ҲАМ УЛАШИНГ!!!
#rumiy

👉 @Rumiy_AforizmlariUz 📚 /
Ma'nolarning tuganmas jilosi

Бир янги уйланган йигит тақдиридан қувониб, хотинини амакисига мақтаб қолибди. Амакиси жиянига насиҳат қилиб ўтирмай, оқшомда ўз уйига меҳмон бўлиб боришини тайинлабди.

Жияни келгач, амаки хотинига тарвуз олиб келишни буюрибди. Хотин олиб келибди. Амаки тарвузни кўриб: "Буниси яхши эмас, бошқасини олиб кел", дебди. Хотин итоат билан иккинчисини олиб келибди. Шу тарзда эрнинг хоҳишига қараб, ўн марта бошқа тарвузга қатнабди. Аммо лом-мим демабди...

Жияннинг таклифи билан эртасига амаки меҳмонга борибди. Жиян ҳам хотинига тарвуз келтиришни буюрибди. Биринчи тарвузни кўриб: "Бу яхши чиқмайди, бошқасини олиб кел", дебди. Жувон итоат билан иккинчи тарвузни олиб келибди. Жиян бундан мамнун бўлиб, амакисига "Кўрдингизми?" дегандай кулиб қарабди-да, "Бу ҳам бўлмайди, бошқасини олиб кел", дебди. Учинчи тарвузни ҳам бўлмайдига чиқариб, қайтармоқчи бўлганида жувон:
– Нима, бир арава тарвуз тушириб қўйганмисиз, ҳали унисини, ҳали бунисини олиб кел, деяверасиз. Бор-йўғи учта тарвуз бор уйда, ёқмаса, туринг-да, яхшисини ўзингиз танлаб олинг. Мен танлашни билмайман! – деб норозилигини баён қилибди.

Шунда амаки жиянига деган экан:
– Кўрдингми, жиян, сен кўпам мақтанавермагин. Менинг уйимда бир донагина тарвуз бор эди. Хотиним яхши феълли, фаросатли бўлгани учун менга эътироз билдирмай, ўша битта тарвузни ўн марта олиб келди. Лекин бирон марта итоатсизлик билан гап қайтармади, лабини ҳам бурмади.

Фаросатли аёл йўғини ҳам саришта қилади, фаросатсиз эса борини ҳам эплолмайди!

#rumiy

👉 @Rumiy_AforizmlariUz 📚 /
Ma'nolarning tuganmas jilosi