Jaloliddin Rumiy Aforizmlari📚

Мен бир куни туш кўрдим. Тушимда қувноқ ва шодон юрган ўликлар жамоаси ортидан кетаётган маъюс кекса чолга нигоҳим тушди. Мен ундан:
- Маҳзунлигингиз сабаби недандир? - деб сўрадим. У жавобан:
- Анави шод-у ҳуррам юрганларга атаб аҳиллари яхшиликлар қилиб, садақалар улашиб турадилар. Менга атаб эса ҳеч ким садақа қилмайди.
Унга дедим:
- Зурриётингиз йуқми?
- Нега энди, албатта, зурриётим бор. Унинг иши дарёда. У матоларни ювиб, кун кечиради.

Уйқудан уйғонгач, дарё томон йўл олдим. Ва у ерда марҳумнинг ўғлини учратдим. Матоларни тош устига қўйиб "тор, тор" деб юваётган эмиш.
Ундан қизиқиб сўрадим:
- Ўғлим, бу нима деганинг?
- Эҳҳ, ризқим торлигидан, етишмовчиликдан нолияпман-да, ота, - деди.
- Вафот этган отангга атаб ҳеч садақа қилдингми? - деб сўрадим.
- Дунё молидан ҳеч вақойим бўлмаса, қандай қилиб уларга садақа қилай?
- Арзимаган оддий нарсанг бўлса ҳам, чиқариб, садақа қилиб юборгин, болам.

Йигит менинг гапларимдан ғазабланиб, челагидаги сувдан уч чўмич олдида, қирғоқ томон улоқтириб деди:
- Мана шу, отамга қилган садақам бўлсин. Мен бундан ортиқ нарсани садақа қилолмайман.

Шу туни мен яна ўша кекса одамни тушимда кўрдим. У жудаям масрур ва қувноқ эди. Мен ундан:
- Ҳозир аҳволингиз қандай? - деб сўрадим.
- Ўғлим менга деб озгина сув атади. Сувнинг менга нафи тегиб, ғамимни парчалаб ювиб кетди. Сўнгра мен Аллоҳдан ўғлимнинг ҳалол ризқини кенг қилишини сўраб дуо қилдим.
- Ўғлингизни қуйган сувида сизга ажр ва савоб келтирадиган ҳеч қандай қимматбаҳо нарса бўлмаган эди-ку. Кошки эди бирон бир кишининг чанқоғини қондирган бўлса.
- Ўғлимнинг оз миқдордаги атаган суви дарёдан чиқиб қолган ва охирги нафасини олаётган миттигина балиқчага етиб бориб, уни дарёгача оқизиб кетди. Шундай қилиб, озгинагина сув хушсиз ётган балиқчани ўлимдан қутилиб қолишига сабабчи бўлиб қолди. Мана шу ўғлим томондан келган хайрлиги туфайли Аллоҳ таоло мени кароматлади. Мен эса Аллоҳ таолога дуо қилиб, ўғлимни бу дунёсида ҳам, охиратида ҳам хайрлик билан ризқлантиришини сўраб дуо қилдим.

Орадан бир неча ойлар ўтгач, йигитнинг мол-давлати ортиб, бой ва бадавлат бўлиб кетганига ўзим гувоҳи бўлдим.

Озгина бўлса ҳам, ато этишдан ҳаё қилманг. Маҳрум қолишдан, озгина бўлса ҳам, берилган садақа хайрлироқдир. Ота-онанинг меҳри уларнинг вафотидан сўнг ҳам давом этаверар экан. Чунки Аллоҳ азза ва жалла ота онамиз вафот этгандан кейин ҳам уларнинг меҳри бизга етиб туриши учун бизга бир эшикни очиб қўяр экан.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Қадр-қимматинг қачон тушади?

Хўш, қадр-қимматинг қачон тушади? Қачонки, сени тарбия қилишда машаққат чеккан зотларга овозингни баланд кўтарсанг, ўшанда тушади. Фарзанд, ўзини минг машаққат билан тарбия қилган, ювиб-тараган, ўқитган, меҳр берган ота-онасини доим ҳурмат қилиши, уларнинг хизматларида шай туриши, асло уларга овозини баланд кўтармаслиги, қўпол гапирмаслиги керак. Эътиборингизга бир ибратли ҳикояни ҳавола этамиз.

Ёши тўқсондан ошган бир онахон бор эди. Онахоннинг ўғли ҳикояни шундай давом эттиради:
“Кунлардан бир куни бизникига қариндошларимиздан бири келди. Онам менинг ҳузуримда (уйимда) эдилар. Уйга кириши биланоқ онамни кўриб: “Машааллоҳ! Онангиз ҳузурингиздаларми?” деди. Яъни сизнинг уйингиздаларми”, деди. Мен унга: “Йўқ, аксинча, мен у кишининг ҳузурларидаман” дедим. Шунда онажоним: “Йўқ, ўғлим. Кичкиналигингизда сиз бизнинг ҳузуримизда эдингиз. Биз кексайдик. Шунинг учун энди биз сизнинг ҳузурингиздамиз. Ахир сиз Аллоҳ таолонинг “Агар уларнинг бири ёки ҳар иккиси ҳузурингда кексалик ёшига етсалар...” деганини ўқимаганмисиз?!” дедилар. Мен онамга: “Гўёки мен бу оятни биринчи марта эшитаётгандекман, онажон” дедим”.

Ҳа, азизлар, ота-она кексайгани сайин улардаги ҳар бир нарса заифлашиб боради. Тана аъзолари, суяклари мўртлашади, заифлашади, кўнгиллари ҳам нозиклашиб боради. Аммо оталик, оналик муҳаббатлари, туйғулари, меҳрлари асло заифлашмайди. Сиз эса дўстим, борган сари қувватга тўлиб борасиз. Шундай экан, ўзингизнинг совуқ муомалангиз билан улардаги бу туйғуни сўндириб қўйманг! Бундан жуда ҳам эҳтиёт бўлинг!
Аллоҳ таоло барча ўтган ота-оналарни раҳматига олсин! Борларининг умрларига, ризқларига барака берсин! Ҳар биримизга ота-онамизнинг хизматларини қилиб, дуоларини олиб, икки дунёнинг бахту саодатига эришишимизни насиб айласин!

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Мен бир куни туш кўрдим. Тушимда қувноқ ва шодон юрган ўликлар жамоаси ортидан кетаётган маъюс кекса чолга нигоҳим тушди. Мен ундан:
- Маҳзунлигингиз сабаби недандир? - деб сўрадим. У жавобан:
- Анави шод-у ҳуррам юрганларга атаб аҳиллари яхшиликлар қилиб, садақалар улашиб турадилар. Менга атаб эса ҳеч ким садақа қилмайди.
Унга дедим:
- Зурриётингиз йуқми?
- Нега энди, албатта, зурриётим бор. Унинг иши дарёда. У матоларни ювиб, кун кечиради.

Уйқудан уйғонгач, дарё томон йўл олдим. Ва у ерда марҳумнинг ўғлини учратдим. Матоларни тош устига қўйиб "тор, тор" деб юваётган эмиш.
Ундан қизиқиб сўрадим:
- Ўғлим, бу нима деганинг?
- Эҳҳ, ризқим торлигидан, етишмовчиликдан нолияпман-да, ота, - деди.
- Вафот этган отангга атаб ҳеч садақа қилдингми? - деб сўрадим.
- Дунё молидан ҳеч вақойим бўлмаса, қандай қилиб уларга садақа қилай?
- Арзимаган оддий нарсанг бўлса ҳам, чиқариб, садақа қилиб юборгин, болам.

Йигит менинг гапларимдан ғазабланиб, челагидаги сувдан уч чўмич олдида, қирғоқ томон улоқтириб деди:
- Мана шу, отамга қилган садақам бўлсин. Мен бундан ортиқ нарсани садақа қилолмайман.

Шу туни мен яна ўша кекса одамни тушимда кўрдим. У жудаям масрур ва қувноқ эди. Мен ундан:
- Ҳозир аҳволингиз қандай? - деб сўрадим.
- Ўғлим менга деб озгина сув атади. Сувнинг менга нафи тегиб, ғамимни парчалаб ювиб кетди. Сўнгра мен Аллоҳдан ўғлимнинг ҳалол ризқини кенг қилишини сўраб дуо қилдим.
- Ўғлингизни қуйган сувида сизга ажр ва савоб келтирадиган ҳеч қандай қимматбаҳо нарса бўлмаган эди-ку. Кошки эди бирон бир кишининг чанқоғини қондирган бўлса.
- Ўғлимнинг оз миқдордаги атаган суви дарёдан чиқиб қолган ва охирги нафасини олаётган миттигина балиқчага етиб бориб, уни дарёгача оқизиб кетди. Шундай қилиб, озгинагина сув хушсиз ётган балиқчани ўлимдан қутилиб қолишига сабабчи бўлиб қолди. Мана шу ўғлим томондан келган хайрлиги туфайли Аллоҳ таоло мени кароматлади. Мен эса Аллоҳ таолога дуо қилиб, ўғлимни бу дунёсида ҳам, охиратида ҳам хайрлик билан ризқлантиришини сўраб дуо қилдим.

Орадан бир неча ойлар ўтгач, йигитнинг мол-давлати ортиб, бой ва бадавлат бўлиб кетганига ўзим гувоҳи бўлдим.

Озгина бўлса ҳам, ато этишдан ҳаё қилманг. Маҳрум қолишдан, озгина бўлса ҳам, берилган садақа хайрлироқдир. Ота-онанинг меҳри уларнинг вафотидан сўнг ҳам давом этаверар экан. Чунки Аллоҳ азза ва жалла ота онамиз вафот этгандан кейин ҳам уларнинг меҳри бизга етиб туриши учун бизга бир эшикни очиб қўяр экан.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

ИХЛОС НИМА?

Ихлос қалб ва жисм ҳаракатининг бир-бирига мос тушмоғидир. Бироқ, жисмингиз қалбингиздагига қарши бирор иш қилса, унда бу ихлос бўлмайди. Ва ихлос Aллоҳ субҳанаҳу ва Таоло Ўзи ва бандаси ўртасида сақлайдиган махсус нарсадир. Aллоҳ субҳанаҳу ва Таоло айтади: "Ихлос менгагина маълум бўлган сирлардан бирики, мен уни Ўзим яхши кўрган бандаларимнинг қалбига жойладим. Бирор бир фаришта йўқ, уни кўрадиган ва ёзиб оладиган. Ва на шайтон уни кўриб, йўлдан оздиролмайди.
Демак, ихлос банда ва унинг Робби ўртасида бўлар экан. Aзон чақирганда намозга шошасиз ва биринчи қаторда уни ўқийсиз. Бу ишларнинг барини адо этсангиз, одамлар орасида тақводор кўринишингиз мумкин. Aммо бу ҳолатда қалбингиздаги ихлос бўлмайди. Балки сиз уни одамлар сизни «тақводор» деб аташлари учун ва ёки уларни дунёвий ҳаракатларингизга ишонтириш учун бажараётган бўлишингиз мумкин.
Шу сабабли, жисмингиз бир тараф бўлади, қалбингиз эса бошқа бир тараф. Ва бу "риё" деб таърифланади. Шу аснода Aллоҳ субҳанаҳу ва таоло бир инсон яхши амалларни айтилиши(тилга олиниши) учун қилади, деб масал келтиради. Aллоҳ унга " Сен бу ишни айтилиши( тақводор, деб аташлари) учун қилдинг ва у айтилди", дейди. "О, у жуда тақводор ва жуда..." деб айтишади одамлар.
Демак, сиз ўша хатти-ҳаракатни фақатгина айтилиши(одамлар томонидан) учун бажарган бўлсангиз, - у айтилди. (Яъни , ўзингиз хоҳлаган нарсани олдингиз.) Бироқ, кимдир бирор ишни айтилиши учун эмас, балки чин кўнгилдан Aллоҳ йўлида қилса... Қишлоғимизда оёқ кийими йўқ, оми бир одам ўзи етиштирган ҳосилини тўплайди. 9 та идишни ўзи учун бир тарафга ва 1 та идишни эҳсон учун бир тарафга қўяди. Aёли эҳсон тарафда ўтиради ва қачонки, муҳтож одам келса, эҳсондан бир қисмини берар ва ундан" Отам учун дуо қилинг", "Онам учун Фотиҳа сурасини ўқинг" , "Холам учун Фотиҳа сурасини ўқинг" деб сўрарди. Эр эшитса, аёли ўзининг оиласини умуман тилга олмаяпти, на эрининг отасини, на онаси-ю холасини. У айтган барча инсонлар ўзининг қариндошлари. Шундан сўнг, жаҳли чиқади. Кейин ҳосилни терган эр аёли эҳсондан бераётган муҳтожга" Буни ол, бу экинлар кимникилигини Aллоҳ билади(улар хотинига тегишли эмас)", деб айтади. Мана шу Ихлос бўлади.
Aллоҳ амаллар чин юракдан бажариладими ёки фақат жисм биланми, барини билади.

Шайх Мутавалли Шаъровий

☝️ДЎСТЛАРИНГИЗГА ҲАМ УЛАШИНГ!!!
#rumiy

👉 @Rumiy_AforizmlariUz 📚 /
Ma'nolarning tuganmas jilosi

ЎША ЗИНОКОР ХОР БЎЛИБ ЎЛДИ

Танишларимдан бири айтиб қолди: «Мен авваллари жоҳил эдим. Ҳаром ишларга ўта муккамдан кетган эдим. Сўнгра бу ишларимдан Роббимга тавба қилдим ва қайтиб бу йўлга асло юрмадим. Аниқ ва равшан айтаманки, иффатли, сaмимий, муҳаббатли аёл билан бир соатлик ҳаёт бузуқ аёллар билан ўтказилган миллион соатдан афзалдир!»

Таржимон изоҳи:
Қайси инсон сасиб-қуртлаб ётган гўштни ея олади? Ўз никоҳидаги аёл туриб, зино қилаётганлар ҳолати айнан шунга ўхшайди. Кимлардандир қолиб кетган, туфли латтаси каби ҳамма артиб ташлаб кетадиган аёл қаёқда-ю, никоҳимиздаги покиза аёл қаёқда? Қайси кимса ўзининг аёли, синглиси, қизи ва набираси билан зино қилишларини истайди? Ҳеч ким! Сен зино қилиш истагида ёнаётган аёл ҳам кимнингдир аёли ёки қизи эканини унутма! Самура ибн Жундаб розияллоҳу анҳудан ривоят қилинади: «Расулуллоҳ соллаллоҳу алайҳи васаллам туш кўрдилар. У зотнинг олдиларига Жаброил ва Микоил алайҳиссаломлар келишди. Набий алайҳиссалом айтадилар: «Йўлга тушдик ва тандирга ўхшаган нарса олдига келдик. Ундан шовқин-сурон эшитилиб турарди. Қарасак, унинг ичида яланғоч эркак ва аёллар бор экан. Уларга тагларидан олов келиб тураркан. Олов келганда, қичқирар эдилар... Тандирга ўхшаган бино ичидаги яланғоч эркак-аёллар зинокор эркак-аёллардир» (Бухорий ривояти). Қасд қилаётган жойингни, ўзингга тайёрлаётган маконингни билиб олдингми? Бир инсонни танир эдим, эри бор аёлларни йўлдан уриши билан мақтаниб юрар эди. Бирдан касал бўлиб жуда тез муддатда ўлиб қолди...

Яна бир одам бор. Ҳаётининг мазмуни зино қилиш. Нима имкони бўлса зинога сарфлар эди. Икки қизи ҳам фаҳш кўчасига кириб, зино ботқоғига ботди... Ўзингнинг ҳалол никоҳингдаги покиза аёлинг, роҳатбахш фарзандларингга не етсин?! Шу ўринда халқимизда тарқалган ўта қабиҳ бир сўз ҳақида айтмоқчиман: «Бева аёлнинг жинсий ҳожатини чиқарсанг, савоб бўлади». Бу мутлақ ножоиз ва шариат хилофи бўлган, айтган инсон гуноҳкор бўладиган қабиҳ сўздир. Бева аёлга ёрдам қилиш ўрнига тўшакни кўзлайдиган кимсадан ҳам разилроқ одам борми? Ўша бева ўзингнинг аёлинг ёки қизинг бўлса рози бўлармидинг? Беваларга Аллоҳ ризоси учун самимий ёрдам бериш, мабодо жинсий эҳтиёжи бўлса никоҳ ила яшаш лозим. Мана шу шариатимиз ҳукмидир.

«Шайх Нобулсийдан қиссалар ва ҳиссалар» китобидан.

☝️ДЎСТЛАРИНГИЗГА ҲАМ УЛАШИНГ!!!
#rumiy

👉 @Rumiy_AforizmlariUz 📚 /
Ma'nolarning tuganmas jilosi