Mening dunyoyim

Tepadagi uzuuun postni oʻqishga eringanlar uchun: 👇

Erkaklar bizning himoyachimiz, biz ularning emas. Ularning oʻz fikri, aqli, dunyoqarashi bor, ularni xotinlari boshqarmaydi. 😁

@Gulichannel

Erkaklarning “aqli kaltami?”
Musulmon olamida erkaklarni ayollardan bir pog‘ona oldinga qo‘yishga o‘rganganmiz. Ayniqsa, hozir feministik qarashlar avj olgan paytda bu gap takror-takror esga olinayapti. Bu juda ham to‘g‘ri, har qanday oilada erkaklar oila ustuni va himoyachisi bo‘ladi. Ammo, o‘zbek jamiyatimizda, erkaklarni hurmat qilish deganda, negadir ularni ayash, ularni yosh boladek himoya qilish, hattoki, ba’zi masalalarda ularni ongsiz mavjudotdek ko‘rsatish ko‘paygan. Erkaklarning har qanday ayb, hatto, gunoh ishida ham ularni ayblamaymiz.

Masalan, ikki aka-uka janjallashib yuzko‘rmas bo‘lib ketishsa, aka-ukani xotinlari ajratib yubordi deyishadi.


O‘g‘il ota-onasidan xabar olmay qo‘ysa yoki qariganida g‘amxo‘rlik qilmasa, xotini aynitdi, ota-onasidan sovitdi deyishadi.


Er boshqa bir ayolga ilakishib qolsa, o‘sha megajin ko‘zini suzdi, oydek erimni yo‘ldan urdi, deyishadi.


Er ichkilikka berilib, maishatga mukkasidan ketsa, xotini uyidan bezor qilgan, shuning uchun ichadida bechora, deyishadi.


Er opa-singlisiga mehribon bo‘lmasa, xotini aynitgan, deyishadi.


Erni topish-tutishi yomonlashib ishlari orqaga ketsa, xotini bor topganini sovurdi, deyishadi….


Bunday misollarni bir qancha keltirish mumkin. Bu gaplarni eshitib, erkaklarni ayollar qo‘lidagi aqli hech nimaga yetmaydigan, xotini qayoqqa yetaklasa ketaveradigan “latta qo‘g‘irchoq” deb tasavvur qilaman shaxsan men.
Lekin qani, bu yerda biz ulug‘laydigan, hammadan ustun qo‘yadigan “erkak” obrazi? Ularni hamma joyda xotinlari boshqarar ekan-u, nega unda biz ularni, yo‘lboshlovchimiz deymiz?

Yoki erkak kishi sal mazasi qochsa, atrofida 3-4 kishi parvona bo‘ladi, hamma injiqliklarini ko‘taradi. 70ga kirgan onasi-yu, 50ga kirgan xotini-yu, qiz farzandlari yelib yugurib xizmatida bo‘ladi. Ammo biz “zaifa” deb biladigan ayol kishi toki yiqilib, joyidan qayta turolmaydigan bo‘lmagunicha kasalligini bildirmaydi ham, bildirsa ham unga hech kim g‘amxo‘rlik qilmaydi, na eri, na aka-ukasi, na o‘g‘illari.
Qani bu yerda “himoyachi”, “qalqon” erkak obrazi?

Hatto, koʻpgina oilalarda, dadangga aytma, xafa boʻladi, yuragi yomon boʻp qoladi, koʻtarolmaydi deb muammolarni hal qilishni ham ayollar oʻz zimmalariga oladi.

Erkaklarni bunchalik yosh bola holida ko‘rmaylik. Axir, ular bizga qalqon, qoyadek mustahkam suyanchig‘imiz.
Oilamiz erkaklariga haqiqatdan ishonaylik, suyanaylik, qachondir, kimdir ularni aynitadi deb emas, mening erim, o‘g‘lim, akam, ukam hech qachon bunday qilmaydi deya olaylik.

@Gulichannel

O‘tgan safar postimda nega turmush qurish yoshi kichrayib borayapti, deb savol bergandim. Buning sabablaridan biri, balki, asosiy sababidir, sirtqi ta’limning joriy etilganligi deb o‘ylayman.

Men 24 yoshimda turmushga chiqqanman (2017-yil), o‘sha paytda kursdoshlarim orasida adashmasam, 4-bo‘lib to‘yim bo‘lgandi 18 ta qiz orasida. Bu degani, u paytda 24 yosh qariqizlarning yoshi emasdi. 😁 Chunki kollej va litseylar 3yillik ta’lim tizimida edi va agar universitetga birinchi yildayoq o‘qishga kirsangiz 19 yoshda bo‘lasiz, birinchi yil o‘qishga kirish esa oson emasdi, u paytda beshtalab yo‘nalishga topshirish ham yo‘q edi. Odatda, sovchilar 3-kursdan kelishni boshlardi, bu paytda siz allaqachon 21-22 yoshni urib qo’ygan bo‘lardingiz. Chunki, sirtqi ta’lim yo‘q, boshqa shaharda o‘qiyotgan qizni kelin qilish kimgayam kerak? Ayniqsa, kantraktga o‘qiyotgan bo‘lsa o‘qishni tugatguncha hech kim yaqinlashmasdi.

Xullas, o‘sha paytda faqatgina o‘qishga kirmagan yoki bo‘lmasa o‘qiyotgan shahariga kelin bo‘ladigan qizlarning to‘yi 20-22 yoshda bo‘lardi. Kollejni tugatiboq 19 yoshda kelin bo‘lganlarni ko‘rsak, shunchaki vauv derdik (shoshgan qiz ma’nosida). Bir so‘z bilan aytganda, o‘qiyotgan qizga hech kim tegmasdi.

Hozir o‘rta-maxsus ta’lim 2 yillik va o‘qishga kirish nisbatan oson. Sovchi kelsa bemalol tegib ketaverish mumkin, chunki jaa qiynalsa sirtqi qivolish mumkin. Yigitlar uchun ham xuddi shunday, ham sirtqida o‘qib, ham ishlab pul topsa bo‘ladi, demak, oila qursa ham eplab ketish mumkin. Shuning uchun turmush qurish yoshi borgan sari kichrayib bormoqda. Balki, bu yaxshidir, bir tomondan.

Ammo, masalaning ikkinchi tomoni, agar, o‘qishni tugatmay turib oila qurishni istamasa-chi, agar, rostdan ham yetuk mutaxassis bo‘lib o‘z ishining ustasi bo‘lib keyin turmushga chiqmoqchi bo‘lsa-chi? Bemalol, deysizmi? Lekin hozirgi vaziyatda, ya’ni jamiyat bosimi ostida bu ishning iloji kamdek ko‘rinadi, bu birinchi navbatda o‘qiyman degan qizlar uchun minusga ishlamoqda. Yoningdagi o‘rtog‘ing 18 yoshda to‘yi bo‘lib ketgan, sen esa haliyam magistratura o‘qiyman deysan, bo‘ldi erga bervoraman, o‘qishni eringnikida davom ettirasan, deydigan holatlar ko‘payib ketmoqda. Turmushga chiqmagan 4-kurs qizni ko‘rsa nimaga shu paytgacha… degan savollar ko‘paymoqda. Aslida, ularning yoshi bizni davrimizdagi qizlardan kichkina, ammo ko‘p narsaga ulgurishgan, xolos.

Xulosa qiladigan bo‘lsam, qizlaringizni diplom uchun, yaxshi joydan sovchi kelishi uchun shunchaki o‘qitmang, odamlarning gap-so‘zi uchun istamasa-da turmushga berishga shoshilmang, haqiqiy mutaxassis bo‘lishiga yordam bering. Ularning bilim olishlari uchun eng qulay payt sizning bag‘ringizda bo‘lgan paytidir.

@Gulichannel

Sirtqi ta'lim
Mening fikrimcha, eng keraksiz va natijasiz ta’lim turi bu sirtqi ta’limdir. Bunday o‘ylashimning bir nechta sabablarini keltiraman.
Birinchidan, sirtqi ta’limda hech qachon yangi bilim va ko’nikmalar olib bo‘lmaydi. Yiliga ikki marta 20 kunlik dars, shuning ham bir haftasi imtihonlarga ketadi, bunda biror narsa o‘rganib bo‘ladimi? Agar kimdir sirtqida o‘qib ham muvafaqqiyatga erishdim, degan bo‘lsa, ishonavering, u bu bilimlarni universitetda olmagan, aksincha, o‘qishga kirguniga qadar egallagan bo‘ladi.
Ikkinchidan, sirtqi ta’lim talabalarining barchasida o‘qishdan muhimroq boshqa ishlari bor, kimdir ishlaydi, kimnidir oilasi bor, kimnidir chaqalog‘i bor, (agar bekorchi bo'lsa, bu ham bir muammo) xullas, ular uchun mana shu yiliga ikki martalik o‘qish ham ortiqchalik qiladi, iloji bo‘lsa bormaslikka harakat qiladi. Bu esa korrupsiyaga yo‘l ochadi.
Uchinchidan, sirtqi ta’lim resurslarni bekorga sarflashdan boshqa narsa emas. Universitet ham natijasiz, xo‘jako‘rsinga o‘tilayotgan darslar uchun o‘qituvchilarga maosh to‘laydi, elektr energiya va boshqa resurslar sarflanadi. Talaba esa shu 20 kun uchun ijaraga uy topishi, yo’l kira, oziq-ovqat kabi xarajatlarni qiladi, lekin nima uchun? Hech nima uchun.
Sirtqi ta’lim davlat uchun foydali bo‘lishi mumkin, chunki, qilmayotgan ishi uchun shartnoma to‘lovlarni qabul qiladi ya’ni kam ishlab ko‘p tishlaydi. Talaba uchun ham foydalidek ko‘rinadi, chunki shunchaki kantrakt to‘lab qo‘yib, oxirida diplomli bo‘lib chiqadi. Lekin bu tizim kelajakda nafaqat yaxshi mutaxassislarni kamayib ketishiga, balki, jamiyatdagi o‘qishga nisbatan qarashlarning salbiy tomonga o‘zgarib ketishiga olib kelishi mumkin.
Menimcha, sirtqi ta’lim kerak, faqatgina avvalgidek, shu sohada ishlayotgan mutaxassislarning yanada malakasini oshirish uchun, ya’ni sohada stajga ega bo‘lgan mutaxassislar uchun saqlanib qolishi kerak. Shunda ham yiliga ikki marta shunchaki borib kelish emas, sohadagi muammolarni o‘rganib, ularga yechim izlaydigan, bir-birlari bilan fikr almashadigan joy bo‘lishi kerak. Lekin 11-sinfni bitirib borgan o‘quvchilarni o‘qitmasligi kerak.
Uning o‘rniga online ta’limni kengaytirish kerak. Kamroq resurs sarflab, lekin yil bo‘yi bilim olishning eng qulay yo‘li bu. Oliy ta’lim bilim va ko‘nikmalar egallaydigan joy bo‘lishi kerak, shunchaki diplomli bo‘lib yaxshi joyga kelin yo kuyov bo‘lishni mo‘ljallaydiganlar joyi emas.

@Gulichannel

Қорун эга бўлган мулкдан кўпроғига эга бўлинг! Сулаймоннинг салтанатидан каттароқ салтанатни қўлга киритинг!

Ҳақиқат қўлловга муҳтож замонда, уни қўллаш учун буларнинг барини илкингизда тутинг! Ўлим онлари келган пайтда эса уларни Аллоҳ йўлида қолдиринг!

Аммо фақирлик жаннат йўлидир, дея ишониб яшаш жунун ва ақлсизликдир.

©️ Шайх Муҳаммад Ғаззолий

P.S.: Фақирлигим фахрим, деб одамларни овутишга уринаётганларнинг гапига алданманг. Ишонаверинг, шу гапни айтадиганлар камида Каптивада юради. Мусулмон одам пулдор бўлиши керак, бадавлат бўлиши керак. Шунинг учун ҳамки, ўзи ва бошқа мусулмон биродарларини зулмдан қутқариш учун. Агар дунё миллиардерлари рўйхатида яҳудийлар эмас, мусулмонлар етакчилик қилганида эди, бугунги кундаги каби зулм ва истибдодга учрамаган бўлишар эди!

Birinchi oiladagi voqealar 1994-2000 yillar oraligʻida deyarli har kuni takrorlangan. Oila boy boʻlib ketmagan boʻlsa-da, hamma hurmat qiladigan, odamlar har doim maqtab gapiradigan, qayerga borishmasin hurmat bilan tilga olinadigan oila boʻlishgan, ham erni, ham xotinni birdek hurmat qilishadi.
Bu qahramonlar mening Dadam ❤️ va Ayam ❤️

Ikkinchi oila shu kunlarda eshitganim va menga begona boʻlsa-da, juda taʼsirlantirgan voqea qahramonlari. Ularning kelajakda qay ahvolga tushishi hali noma'lum 😕
Har kimsaga insof va vijdon bersin, Allohim!

🎈🎈🎈
Yosh oila, kichik yoshdagi bolalar, er va xotin shahar markazida kvartirada alohida turishadi. Erning qishlogʻidan shaharga har kuni har xil odamlar keladi va albatta, shu uyga kirib choy ichib, ovqat yeb ketishadi. Har kuni har xil, baʼzan bitta, ba'zan 10 ta kutilmagan mehmonni kutishga uy bekasi shunchalik oʻrganib ketganki, bundan hecham nolimaydi. Bor budini qoʻyib shirinsoʻzlik bilan mehmon qilib joʻnataveradi. Ularning hammasini tanimaydi, uyga kirgizib keyin tanishadi, baʼzan kasal, baʼzan nogiron, baʼzan toʻydan, baʼzan azadan kelayotgan har xil odamlar. Erkak, ayol, bola, qariya, kasal, sogʻlom hammasi bu uyni topib kelaverishadi. Ertalab soat 8da kelib nonushta qilib shahardagi yumushlariga chiqib ketishadi, uy bekasi ular qaytgunicha ovqat tayyorlab turadi, ular qaytib kelib ovqatlanib yana qishlogʻiga joʻnab ketishadi. Bu jarayon yillar davom etadi. Na oʻzlari uchun ortiqcha narsa olishga, na pul yigʻishga, na yangi narsa olishga harakat qilishmaydi. Kelgan odamni koʻnglini ogʻritmay, ogʻirini yengil qilishni xohlashadi.

🎈🎈🎈
Yosh oila, kichik yoshdagi bolalar, er va xotin shahar markazida kvartirada alohida turishadi. Ota-ona yigʻib terib, katta farzandiga alohida uy olib berib, kichik kelin tushishi bilan alohida qilib chiqarib yuborishgan. Oʻgʻil topishi yaxshi boʻlmagan paytda roʻzgʻoriga yordam qilib turishadi, mashina ham olib berishgan qoʻshimcha daromad boʻlsin deb. Ota-ona hovlisidagi noqulaylik sabab bir necha kunga oʻgʻlining uyida yashab turishiga toʻgʻri kelib qoldi. Bir necha kun turishdi. Bir kuni kelinning telefonda aytayotgan gaplarini eshitib qolishdi.
- Umuman yoqtirmayapman bu yerda oʻtirishlarini, hadeb aql oʻrgataveradi, ataylab qovogʻimni solib yuribman, yoqtirmayotganimni bilishsin. Bolamni koʻtarib qoʻshninikiga chiqib ketaman, soatlab kelmayman, gaplashmayapman, tezroq daf boʻlishsin.
Ota-ona kelinning bu gaplarini eshitib jimgina bu uydan chiqib ketishdi.

Sirli sarguzasht
1-qism https://t.me/Gulichannel/92
2-qism https://t.me/Gulichannel/104

Oʻgʻlim Mironshoh 😍 sen tugʻilganingda ilk bor onalik baxtini his qildim. Sen mening hayotim mazmuni, yuragimning parchasi, jonimning ichisan. Sen nafaqat oʻgʻlim, balki, sirdoshim doʻstimsan. Aya, siz doʻstimsizku deb boshlagan har qanday gapingni eshitsam erib ketaman. Seni mard, tanti, saxiy, adolatli boʻlib yetishishingni Allohdan soʻrayman.
Umring uzun boʻlsin, bolajonim, hayotimga quvonch va mazmun baxsh etganing uchun rahmat ❤️‍🔥

@Gulichannel