Adliya Vazirligi

❗️Пенсия ёши ошиши ҳақидаги гап-сўзларда жон борми?

Бундан тўрт кун олдин, яъни 2024 йил 23 сентябр куни Вазирлар Маҳкамасининг “Давлат пенсия таъминоти тизимини ислоҳ қилиш концепциясини ишлаб чиқиш бўйича ташкилий чора-тадбирлар тўғрисида”ги 600-сонли қарори қабул қилинди.

Қарорда Бош вазир ўринбосари — иқтисодиёт ва молия вазири Жамшид Қўчқоров бошчилигидаги 15 нафар раҳбарлардан иборат Ишчи гуруҳига 2025 йил 1 мартга қадар Давлат пенсия таъминоти тизимини ислоҳ қилиш концепцияси лойиҳасини ишлаб чиқиш вазифаси юкланди.

Бу қарордан кейин пенсия ёши оширилармиш деган миш-мишлар ҳам тарқалди. Лекин қарасангиз, қарорнинг матнида бундай гап-сўзлар йўқ. Хўш, ўзи бу миш-мишларда ҳақиқат борми?

Ушбу ҳолатни Саидали Мухторалиев атрофлича тушунтириб берди.

Гап шундаки, 2024 йилнинг июль ойида Президент ҳузуридаги Стратегик ислоҳотлар агентлиги томонидан мамлакатдаги пенсия тизимини жиддий ислоҳ қилиш таклиф этилганди. Унда Ўзбекистондаги пенсия таъминоти тизимини ислоҳ қилиш ва эътибор беринг, пенсия тайинлаш шартларини ҳамда пенсия ёшини умр давомийлигига мос ҳолда қайта кўриб чиқиш тавсия қилинган эди.

Агентлик таҳлилларидаги Пенсия жамғармаси даромадларига нисбатан ҳаражатлар кескин ошиб бораётгани ҳамда борган сари давлат бюджетидан кўпроқ молиялаштириш юз бераётгани каби “ташвишли” маълумотлардан пенсия ёшини қайта кўриб чиқиш деганда, уни ошириш назарда тутилганини билиш мумкин.

Ошириш деганда, аёллар учун ҳозирги 55 ёшни масалан, 56 ёки 58 ёшга, эркаклар учун ҳозирги 60 ёшни мисол учун 63 ёки 65 ёшга ўзгартириш кабилар бўлиши мумкин.

Демак, миш-мишларда ҳақиқат бор.

Шахсан мен пенсия ёши оширилишига қаршиман. Бироқ, сайлов яқинлиги учун сиёсий партияларнинг сайловолди дастурларида бу масалага қандай ёндошилганига қизиқдим ва Халқ демократик партиясининг дастурида мана бу вазифа жой олганини кўрдим: ➖“пенсияни ёшини ўзгартирмасдан сақлаб қолиш бўйича сиёсатни давом эттириш”.

Демак, ХДП пенсия ёшининг оширилишига қарши ва бу албатта яхши. Лекин кўрамиз, партия бу позициясини баралла айта олармикан ва охиригача кураша олармикан?

Партиялар етакчилари сайловолди дебатларда бу мавзуга ҳам албатта тўхталишлари керак.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

#Таълим #Биласизми

🚫 Қонунчиликка кўра, педагогнинг зиммасига товар ва хизматларни сотиб олиш мажбуриятини юклаш, шу жумладан иш ҳақидан унинг ёзма розилигисиз товар ва хизматлар учун маблағ ушлаб қолиш тақиқланади.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

Endilikda tekshirishlarda baholovchilar ham ekspert sifatida ishtirok etishi mumkin

Keyingi yillarda mamlakatimizda sud-ekspertlik va baholash faoliyatini yanada rivojlantirish, qonun ustuvorligini taʼminlash hamda insonning huquq va erkinliklarini himoya qilish, shuningdek mamlakatimizning xalqaro reytinglar va indekslardagi koʻrsatkichlarini yaxshilashga qaratilgan keng koʻlamli islohotlar amalga oshirilmoqda.
Mazkur islohotlar davomi sifatida joriy yilning 26-avgust kuni “Baholash faoliyati yanada takomillashtirilishi munosabati bilan Oʻzbekiston Respublikasining ayrim qonun hujjatlariga qoʻshimchalar va oʻzgartirish kiritish toʻgʻrisida”gi Qonun Prezident tomonidan imzolandi.
Mazkur qonun bilan “Baholash faoliyati toʻgʻrisida”gi Qonunga baholovchi nazorat qiluvchi yoki huquqni muhofaza qiluvchi organlar tomonidan oʻtkaziladigan tekshirishlarda va boshqa tadbirlarda faqat baholovchi tashkilot hamda ushbu organlar oʻrtasida tuzilgan shartnoma asosida ekspert sifatida ham ishtirok etishi mumkinligini nazarda tutuvchi oʻzgartirish kiritildi.
Unga koʻra, “Baholash faoliyati toʻgʻrisida”gi Qonunga baholovchi nazorat qiluvchi yoki huquqni muhofaza qiluvchi organlar tomonidan oʻtkaziladigan tekshirishlarda va boshqa tadbirlarda faqat baholovchi tashkilot hamda ushbu organlar oʻrtasida tuzilgan shartnoma asosida ekspert sifatida ham ishtirok etishi mumkinligini nazarda tutuvchi oʻzgartirish kiritildi.
Bundan tashqari “Sud ekspertizasi toʻgʻrisida”gi Qonunga kiritilgan qoʻshimchaga koʻra, kamida 3 yil ish stajiga ega boʻlgan sud ekspertlari baholash toʻgʻrisidagi hisobotlarda qoʻllanilgan usullarning ilmiy jihatdan asoslanganligi nuqtai nazaridan sud ekspertizasini oʻtkazishi mumkin.
Shu bilan birga, sud ekspertining tekshirishlarni oʻtkazishda uning xulosasiga nisbatan belgilangan talablarga va tegishli sohadagi qonunchilik hujjatlariga rioya etish boʻyicha majburiyati ham belgilandi.
Mazkur Qonun bilan kiritilgan oʻzgartirish va qoʻshimchalar xorijiy davlatlarning tajribalarida ham mavjud boʻlib, jumladan, Germaniya, Buyuk Britaniya, Irlandiya, Rossiya Federatsiyasi, Ukraina, Qirgʻiziston, Ozarbayjon, Qozogʻiston va Belarus respublikalarining amaliyotlarida koʻrish mumkin.
Masalan, Qirgʻizistonda “Baholash faoliyati toʻgʻrisida”gi qonunning 18-moddasida ekspert sifatida jalb qilingan baholovchi tomonidan baholashni oʻtkazish uchun Qirgʻiziston Respublikasi protsessual qonunchiligiga muvofiq chiqarilgan baholashni tayinlash toʻgʻrisidagi qaror asos boʻlishi nazarda tutilgan.
Shuningdek, Xorvatiyaning “Koʻchmas mulkni baholash toʻgʻrisida”gi qonunining 3-moddasida koʻchmas mulkni baholash doimiy sud ekspertlari va doimiy sud baholovchilari tomonidan amalga oshirilishi belgilangan.
Bu oʻz navbatida, amaliyotni bir xillashtirish, shu jumladan, baholash toʻgʻrisidagi hisobotlarning ishonchliligini tekshirish chogʻida muammolarni bartaraf etish, fuqarolarning ortiqcha xarajatlarini kamaytirish hamda respublikamizda mol-mulkning haqiqiy qiymatini aniqlashga doir yagona yondashuvni joriy etilishiga xizmat qiladi.

Muborakxon Tojiyeva
Adliya vazirligi masʼul xodimi

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

#Муносабат
❗️Жорий йилнинг 11 сентябрь куни ижтимоий тармоқларда “Сурхондарёлик милиция майори Ўзбекистонда ДАН ходимларига режа берилишини тасдиқлади”  сарлавҳаси билан тарқалган хабар юзасидан муносабат.

Ижтимоий тармоқларда тарқалган мазкур ҳолат бир йил аввал, яъни 2023 йилнинг 29 август куни содир бўлан. Сурхондарё вилояти ИИБ ЖХХ ЙҲХБ саф майдонида ЙПХ ходимлари билан ўтказилган хизмат олди йўриқномаси вақтида ЙПХБ командирининг хизмат бўйича ўринбосари майор Б.Избосаровнинг 1-сафарбарлик гуруҳи инспектори сафдор Ж.Абдураҳмонов билан ўзаро тортишувли ҳолати юзасидан вилоят ИИБ масъуллари томонидан ўрнатилган тартибда хизмат текшируви ўтказилганлигини маълум қиламиз.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

❗️Эндиликда сертификати йўқ чет тили ўқитувчиси ишдан бўшатиладими?

Мана 2023/2024 ўқув йили ҳам якунига етди. Келаси ўқув йилидан бошлаб мактабларда яна бир қатор ўзгаришлар бўлиши мумкин. Мазкур ўзгаришлардан бири мактабларидаги чет тили ўқитувчи ўз фани бўйича хорижий ёки миллий сертификат олишидир.

Вазирлар Маҳкамасининг 2021 йил 19 майдаги 312-сон қарори 9-банди 5-хатбошисига қарасак, 2024/2025 ўқув йилига қадар умумий ўрта, ўрта махсус ва профессионал таълим муассасаларида фаолият юритаётган барча хорижий тиллар ўқитувчилари камида Б2 даражадаги миллий ёки унга тенглаштирилган мос даражадаги халқаро сертификатга эга бўлиши лозимлиги белгиланган.

Демак, келаси ўқув йилига қадар мактабларнинг чет тили ўқитувчилари ўз фанлари бўйича камида Б2 даражадаги миллий ёки унга тенглаштирилган мос даражадаги халқаро сертификат олишлари талаб этилади.

Шунга кўра, агар чет тили ўқитувчилари 2024/2025 ўқув йили бошлангунича чет тили сертификатини олмаса, улар билан тузилган меҳнат шартномаси бекор қилиниши мумкин.

Бунда иш берувчи улар билан тузилган меҳнат шартномасини Меҳнат кодексининг 161-моддаси иккинчи қисми билан (ходимнинг малакаси етарли бўлмаганлиги сабабли эгаллаб турган лавозимига ёки бажараётган ишига мувофиқ эмаслиги) бекор қилиши мумкин бўлади.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

❗️ТАЙИНЛОВЛАР

Ўзбекистон Республикаси Президентининг тегишли фармонлари билан:

– Саида Шавкатовна Мирзиёева Ўзбекистон Республикаси Президентининг ёрдамчиси лавозимига;

– Азиз Юлдашевич Магрупов Ўзбекистон Республикаси Президентининг ёрдамчиси лавозимига;

– Равшан Аюбович Гулямов Ўзбекистон Республикаси Президентининг иқтисодий ривожланиш масалалари бўйича маслаҳатчиси лавозимига;

– Алишер Саидаббасович Султанов Ўзбекистон Республикаси Президентининг энергетика хавфсизлиги масалалари бўйича маслаҳатчиси лавозимига;

– Шухрат Мадаминович Ғаниев Ўзбекистон Республикаси Президентининг аграр ривожланиш масалалари бўйича маслаҳатчиси лавозимига;

– Музаффар Муротович Камилов Ўзбекистон Республикаси Президентининг дин ва миллатлараро муносабатлар масалалари бўйича маслаҳатчиси лавозимига;

– Ғофуржон Ғаниевич Мирзаев Ўзбекистон Республикаси Президентининг кадрлар сиёсати масалалари бўйича маслаҳатчиси – Ўзбекистон Республикаси Президенти ҳузуридаги Давлат хизматини ривожлантириш агентлиги директори лавозимига;

– Дониёр Бахтиёрович Кадиров Ўзбекистон Республикаси Президентининг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси лавозимига;

– Комил Исмоилович Алламжонов Ўзбекистон Республикаси Президенти Администрацияси Ахборот сиёсати департаментининг раҳбари лавозимига;

– Одил Қаландарович Абдурахманов Ўзбекистон Республикаси Президенти Администрацияси Ижтимоий ривожланиш департаментининг раҳбари лавозимига;

– Кахрамон Кучкарович Куранбаев Ўзбекистон Республикаси Президенти Администрацияси Ёшлар сиёсати департаментининг раҳбари лавозимига;

– Алишербек Азизович Пайгамов Ўзбекистон Республикаси Президенти Администрацияси Ташқи алоқалар департаментининг раҳбари лавозимига;

– Нодиржон Абдуқундузович Абдурахимов Ўзбекистон Республикаси Президенти Администрацияси Режалаштириш ва ахборот таъминоти департаментининг раҳбари лавозимига;

– Уткиржон Ғайратович Кодиров Ўзбекистон Республикаси Президенти Администрацияси Ҳудудлар билан ҳамкорлик қилиш ва таҳлилий материалларни тайёрлаш департаментининг раҳбари лавозимига;

– Улугбек Учкунович Курбанов Ўзбекистон Республикаси Президенти протоколининг раҳбари лавозимига;

– Шерзод Икромович Асадов Ўзбекистон Республикаси Президентининг Матбуот котиби лавозимига;

– Саидлазиз Саидасилович Саидкаримов Ўзбекистон Республикаси Президенти Администрацияси Назорат инспекциясининг бошлиғи лавозимига тайинланди.

t.me/adliya_vazirligi

#Сўраган_эдингиз_жавоб_берамиз

❓Савол: Алимент ва моддий ёрдам оламан. Эримнинг ойлиги яхши. Бироқ алимент жуда кам тушади. Буни текширтириш учун кимга мурожаат қилиш керак? (Самарқанд шаҳридан Н. Аҳмедова)

Жавоб: Оила кодексига мувофиқ, алимент суд томонидан белгиланганда алимент тўловчининг ҳар ойдаги иш ҳақи ва (ёки) бошқа даромадининг:

🔸 бир болага – тўртдан бир қисми;
🔸 икки болага – учдан бир қисми;
🔸 уч ва ундан ортиқ болага – ярмиси миқдорида ундирилади.

💰 Ҳар бир бола учун ундириладиган алимент миқдори меҳнатга ҳақ тўлаш энг кам миқдорининг 26,5 фоизи (ҳозирги кунда 259 700 сўм)дан кам бўлмаслиги керак.

🔺 Давлат ижрочиси алимент бўйича пул маблағларининг қарздорнинг иш ҳақидан тўғри ушлаб қолиниши ва ўз вақтида ўтказилиши юзасидан ундирувчининг аризасига кўра ёки ўз ташаббуси билан текшириш ўтказиши мумкин.

✅ Шу сабабли, Сиз алимент пуллари тўғри ушлаб қолинаётганлигини текшириш учун давлат ижрочисига мурожаат қилишга ҳақлисиз.

⚠️ Қарздорнинг даромадлари ва мулкий аҳволи ҳақида нотўғри маълумотлар берганлик ёки қарздор ўзининг иш жойи ва бошқа даромадлар олиш жойи ҳақида маълум қилмаганлиги жавобгарликка тортишга асос бўлади.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

#Қонунчиликдаги_янгиликлар

❗️Рўйхатдан ўтказиш давлат рақами белгиларини беришда ундириладиган тўловлар ставкаларига ўзгартириш киритилди

“Рўйхатдан ўтказиш давлат рақами белгиларини ва қатъий ҳисобдаги бланкаларни беришда, автомототранспорт воситалари, уларнинг тиркамалари (ярим тиркамалари)ни рўйхатдан ўтказишда, қайта рўйхатдан ўтказишда, мажбурий техник кўрикдан ўтказишда, шунингдек имтиҳонларни олишда ундириладиган тўловлар ставкаларига ўзгартиришлар киритиш тўғрисида”ги буйруқ (396-сон, 10.08.2023 й.) ички ишлар вазири томонидан имзоланди.

🔰Шунга кўра, 2023 йил 1 ноябрдан тўлов ставкалари қуйидаги миқдорда белгиланди:

1️⃣ Автотранспорт воситаларига рўйхатдан ўтказиш давлат рақами белгилари (РЎДРБ) учун – БҲМнинг 3,5 баравари миқдорида;

2️⃣ Мототранспорт воситалари, мотороллерлар ва тиркамаларга РЎДРБ учун – БҲМнинг 1,75 баравари миқдорида;

3️⃣ Транзит РЎДРБ учун – БҲМнинг 25 фоизи миқдорида;

4️⃣ Яроқсиз ҳолга келган, бузилган ёки шикастланган бир жуфт РЎДРБ ўрнига янги РЎДРБ бериш учун – БҲМнинг 3,5 баравари миқдорида;

5️⃣ Яроқсиз ҳолга келган, бузилган ёки шикастланган бир дона РЎДРБ ўрнига янги РЎДРБ бериш учун – БҲМнинг 1,75 баравари миқдорида.

☑️ Шунингдек:

🔹йўқотилган бир дона ёки бир жуфт РЎДРБ ўрнига янги бир жуфт РЎДРБ бериш учун БҲМнинг 3,5 баравари миқдорида ундирилади;

🔹йўқотилган бир дона РЎДРБ (мототранспорт воситалари, мотороллерлар ва тиркамалар (ярим тиркамалар) учун) ўрнига янги бир дона РЎДРБ бериш учун БҲМнинг 1,75 баравари миқдорида ундирилади;

🔹РЎДРБни 12 ой муддатдан сўнг яна бир йил муддатга сақлаганлик учун БҲМнинг 1 баравари миқдорида ундирилади.

Мазкур буйруқ 2023 йил 1 ноябрдан кучга киради.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

#Қонунчиликдаги_янгиликлар

❗️Адвокат бўлиш учун 2 йиллик иш стажи талаби бекор қилинди

“Адвокатура тўғрисида”ги Ўзбекистон Республикаси Қонунининг 3-1-моддасига ўзгартириш киритиш ҳақида”ги қонун (ЎРҚ–862, 09.08.2023 й.) Президент томонидан имзоланди

🔰Қонунга киритилган ўзгартиришга кўра:

▶️ Адвокат мақомига эга бўлишга талабгор шахс лицензия олиш учун адвокатлик тузилмасида (адвокатлик бюросида, адвокатлик фирмасида, адвокатлар ҳайъатида, юридик маслаҳатхонада) камида 3 ой муддат стажировка ўташи керак ҳамда малака имтиҳонини топшириши шартлиги белгиланди.

❕Илгари: талабгор шахс юридик мутахассислик бўйича камида 2 йиллик иш стажига эга бўлиш лозим эди.

📌 Қонун расмий эълон қилинган кундан эътиборан кучга киради.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

#Сўраган_эдингиз_жавоб_берамиз

Савол: Ўғлим 17 ёш, хорижга сафарга кетмоқчиман, вақтинча автомашинамни ўғлимга ишончнома билан беришим мумкинми? (Фарғона вилояти Олтиариқ туманидан А.Турсунов)

Жавоб: Транспорт эгасининг яқин қариндошлари (ота-она, эр (хотин), болалар, ака-укалар, опа-сингиллар) мазкур транспорт воситасидан фойдаланиши ва бошқаришида ишончнома талаб этилмайди.

Бунинг учун транспорт воситаси эгасининг фуқаролик жавобгарлигини мажбурий суғурта қилиш бўйича суғурта полисида мазкур яқин қариндошлар кўрсатилган бўлиши лозим.

Бироқ Сиз айни вазиятда ўғлингизга ишончнома бера олмайсиз. Чунки у ҳали 18 ёшга тўлмаган.

Қонунчиликка кўра, 18 ёшга тўлган шахсларга автотранспорт воситаларини бошқариш ҳуқуқи берилади.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

O‘zbekiston Respublikasi Markaziy banki xorijiy valyutalarning o‘zbek so‘miga nisbatan 9 avgust kuni amalda bo‘ladigan qiymatini belgiladi.

Unga ko‘ra, dollarning rasmiy kursi 10,15 so‘mga tushdi va 11 664,86 so‘mni tashkil qildi.

Yevro kursi 6,47 so‘mga kamaydi, 12 796,35 so‘m etib belgilandi.

Rossiya rublining kursi 0,58 so‘mga ko‘tarildi hamda 121,39 so‘mni tashkil etdi.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

#Биласизми

✅ Бошқа ҳудудда яшовчи шифокорлар олис ва чекка ҳудудларда жойлашган оилавий шифокор пунктлари ва оилавий поликлиникаларга ишга қабул қилинганда камида 3 йил ишлаб бериш шарти билан 30 млн сўм миқдорида бир марталик бошланғич ёрдам пули, уй-жойи бўлмаганларга эса 3 йил давомида хизмат уй-жойлари берилади ёки БҲМнинг 2 баравари (660 минг сўм) миқдорида ҳар ойлик ижара тўловлари компенсация қилинади.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

#Сўраган_эдингиз_жавоб_берамиз

❓Савол: “Хусусий фирмада қоровул бўлиб ишлайман. Ойлигимиз жуда кам, 500 минг сўм атрофида. Иш жойим хусусий бўлгани учун ойликни ошириш бўйича бирор тартиб борми? Мен қаерга мурожаат қилишим керак бўлади?”

Жавоб: Президент фармонига асосан, Ўзбекистонда меҳнатга ҳақ тўлашнинг энг кам миқдори 980 минг сўмни ташкил этади. Шунингдек, мазкур фармонда иш берувчиларга иш ҳақи миқдорларини қонунчилик ҳужжатларида белгиланган меҳнатга ҳақ тўлашнинг энг кам миқдоридан кам бўлмаган ҳолда тўлашни таъминлаб, иш ҳақи миқдорларини меҳнатга ҳақ тўлашнинг энг кам миқдорига мувофиқ ошириш тавсия этилган.

Шунингдек, Меҳнат кодексининг 245-моддасида, иш вақтининг ойлик нормасини ишлаб берган ва меҳнат шартномасида белгиланган меҳнат вазифасини бажарган ходимнинг меҳнатига ҳақ тўлашнинг ойлик миқдори қонунчиликда белгиланган меҳнатга ҳақ тўлашнинг энг кам миқдоридан кам бўлиши мумкин эмаслиги белгиланган.

Юқоридагиларга кўра, Сиз ишлаётган хусусий фирмада штатлар жадвали тасдиқланган бўлиши керак, мазкур жадвалга асосан Сизнинг эгаллаб турган лавозимингизга тўланиши лозим бўлган миқдор кўрсатилган бўлиши лозим. Агарда иш жойингизда бир ставкада ишлаётган бўлсангиз, бир ойда сизнинг энг кам ойлик маошингиз 980 минг сўмдан кам бўлмаслиги, ярим ставкада ишлаётган бўлсангиз 490 минг сўмдан кам бўлмаслиги керак.

Сиз бир ставкада ишлаётган бўлсангиз, сизга тўланаётган 500 минг сўм ойлик маоши қонунчиликка зид ҳисобланади, бордию ярим ставкада ишлаётган бўлсангиз, сизга тўланаётган ойлик миқдори тўғри.

Бундай ҳолда Сиз иш берувчига, яъни фирма раҳбариятига ёзма равишда мурожаат қилиб ойлигингизнинг нима сабабдан камлигини тушунтишларини ва ҳуқуқий асослантиришларини сўрашингиз мумкин.

Агарда фирма томонидан берилган жавобдан қониқмасангиз ва уни ҳуқуқий асослантирилмаган деб ҳисобласангиз, бу ҳолатда Меҳнат кодексининг 545-моддасига асосан меҳнат низолари бўйича комиссияга ёки бевосита судга мурожаат этишга ҳақлисиз.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

#Қонунчиликдаги_янгиликлар

❗️Агросубсидия олиш тартиби белгиланди

Ҳукумат қарори (331–сон, 03.08.2023 й.) билан Аграр ва озиқ-овқат соҳаларини субсидиялаш тўғрисидаги низом тасдиқланди

🎯 Низомга кўра, агросубсидия аграр ва озиқ-овқат соҳаларида фаолият юритаётган тадбиркорларни қўллаб-қувватлаш мақсадида ажратилади.

📝 Бунинг учун агросубсидия ажратишни тартибга солувчи ишчи гуруҳга ариза билан мурожаат қилинади.

➡️ Ишчи гуруҳ аризага мувофиқ агросубсидиянинг тегишли тури бўйича бажарилган иш ва хизматларни (маҳсулотларни) жойига чиққан ҳолда ўрганиб чиқади ҳамда агросубсидияни ажратиш ёки уни рад этиш тўғрисидаги хулосани ваколатли давлат органига тақдим этади.

🗓 Ваколатли давлат органи ишчи гуруҳ хулосасини ўрганиб чиқиб, хулоса келиб тушгандан бошлаб 3 иш кунида агросубсидия олувчи субъектга субсидия ажратилиши ёки ажратилмаслиги тўғрисида жавоб хати юборади.

☑️ Сўнг ваколатли давлат органлари томонидан 3 иш кунида агросубсидия олувчи субъектга субсидия ажратиш бўйича тўлов ҳужжатлари Ғазначилик хизмати қўмитасига жўнатилади.

💰Шунга кўра, Ғазначилик хизмати қўмитаси тўлов ҳужжатларини олгач 1 иш кунида тегишли субсидия суммасини агросубсидия олувчининг банк ҳисобварағига ўтказиб беради.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

#Сўраган_эдингиз_жавоб_берамиз

❓Савол: Бир ҳафтага оилавий дам олишга кетмоқчиман. Ўша кунлари фарзандим боғчага бормайди. Боғчага борилмаган кун учун пул тўлашим шартми? Бухоро вилояти Ғиждувон туманидан Ю. Назарова

Жавоб: Ота-оналардан бирининг ишдан (ўқишдан) бўш вақти даврида ёки бошқа сабабларга кўра бола боғчага келмаган ҳолларда жорий ой учун тўланиши лозим бўлган тўлов миқдори у келмаган кунлар учун ҳисобланган тўлов суммасига камайтирилади.

❗️Тўловни камайтириш учун ота-оналардан бири сабаби кўрсатилган ҳолда мактабгача таълим муассасаси раҳбарияти номига олдиндан ариза (билдиришнома) ёзиши шарт.

✅ Бунда боланиннг бир йилда кўпи билан 60 кундан ортиқ бўлмаган муддатгача мактабгача таълим муассасасига келмаслигига рухсат берилади.

🔘 Демак, мактабгача таълим муассасаси олдиндан ёзма огоҳлантирилган бўлса, бола боғчага бормаган кунлар учун пул тўланмайди.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w

#Тайинлов

Бир қатор ОТМга ректорлар лавозимга тайинланди

🔰Ҳукумат қарори (329-сон, 03.08.2023 й.) билан:

🔹Худайназар Бекназарович Юнусов Самарқанд давлат ветеринария медицинаси, чорвачилик ва биотехнологиялар университети ректори этиб;

🔹Жасур Алимджанович Ризаев Самарқанд давлат тиббиёт университети ректори этиб;

🔹Гафурджан Исраилович Мухамедов Чирчиқ давлат педагогика университети ректори этиб;

🔹Шавкат Сафарович Шарипов Жиззах давлат педагогика университети ректори этиб тайинланди.

Adliya Vazirligi» каналига уланиш учун қуйидаги линкни босинг👇
https://t.me/joinchat/AAAAAE9AwQyIhTG1ZPaA-w