ABITURIYENT | UZB

Агар тепадаги ботдан жавоб келмаётган бўлса (бирданига запрос кўпайиб кетгани учун сервери қотиб қолди шекилли), унда мана ботлардан фойдаланиб кўринг:

@QRCodeRoBot
@CodeScanBot

Ёки мана бу ерда айтилган усул орқали ҳам жавобларни билиш мумкин:
https://t.me/xushnudbek/6902

Ёки шунчаки abitur.dtm.uz сайтидаги шахсий кабинетингизга телефон рақами орқали кириб, натижаларни кўриш мумкин.

Паролни эслай олмаётган бўлсангиз, унда мана буни ўқиб чиқинг, паролни тиклаш жуда осон:
https://t.me/xushnudbek/6692


👉 @xushnudbek 👈

​​❓Тест натижаларини қандай билиш мумкин?

Кеча тест топширган 100 мингдан ортиқ абитуриентлар интиқлик билан ўз натижаларини кутишмоқда. Чунки қоидага кўра, абитуриент тўплаган балл худди ўтган йилдагидек тест топширилган куннинг эртасига эълон қилинади. Ўқишга кирган ёки кирмаганлиги эса барча тест синовлари якунлангандан кейин чиқади.

Кўпчилик абитуриентлар ўз натижасини қаердан билиш мумкинлигини сўрашмоқда. Бу жуда осон.

Абитуриент рухсатномасининг пастки ўнг бурчагида QR код бор. Ана ўша QR код остига махсус ҳавола (линк) яширинган бўлади. Ўша ҳавола очилса, абитуриентнинг тест натижаси кўринади.

QR кодни қандай ўқиш мумкин?

1️⃣ Ҳозирги замонавий смартфонларнинг деярли барчасида QR кодни ўқиш учун телефон камерасининг ўзи кифоя қилади. Алоҳида қанақадир программа ўрнатиш шартмас. Шунчаки телефон камерасини ёқинг ва абитуриент рухсатномасининг пастки қисмидаги QR код устига камерани олиб боринг. Шунда телефон экранида ёзув пайдо бўлади ва abitur.dtm.uz сайтидаги махсус узун ҳавола чиқиб келади. Ўша ҳаволани браузер орқали очсангиз, натижангизни кўриш мумкин бўлади.

2️⃣ Агар мабодо телефонингиз камерасини QR код устига олиб борганингизда экранда ҳеч қандай ўзгариш бўлмаса, унда QR код ўқийдиган махсус илова юклаб олишингиз керак бўлади. Масалан, мана дастурни юклаб олишингиз мумкин:
https://play.google.com/store/apps/details?id=tw.mobileapp.qrcode.banner&hl=en_US

❗️Кечаги тест натижаси бугун бир неча соатлар ичида эълон қилиниши кутилмоқда. Озгина сабр қилишингизга тўғри келади.


👉 @xushnudbek 👈

YouTubeda "тест натижасини билишнинг жуда содда усули ҳақида" videosini ko‘ring
https://youtu.be/fvv5QGdXt6g

⚡️Абитуриентларга муҳим эслатмалар!

#abituriyent

Эртага, 2 сентябрдан бошлаб тест синовлари ҳамда айрим йўналишларга ижодий имтиҳонлар бошланади. 1 ярим миллион талабгорлар билимда ўз омадини синаб кўришади. Шунга кўра, Телеграмдаги «Xushnudbek.uz» канали абитуриентлар учун энг муҳим эслатмаларни йиғиб чиқди:

👉 тест синовлари 2 сменада бўлиб ўтади:

1-смена — 08:00 дан 11:00 гача;
2-смена — 17:00 дан 20:00 гача.

👉 абитуриентларни тестга киритиш:

1-смена — 06:30 дан;
2-смена — 15:30 дан бошланади.

❗️Абитуриентлар тестга камида 1 соат вақтлироқ боргани ўзлари учун фойдали.

❌ кечиккан абитуриентлар тест синовларига қўйилмайди;

👉 тестга кириш учун атиги 2 та ҳужжат кифоя қилади:

1) паспортнинг оригинали;
2) абитуриент рухсатномаси.

‼️ Паспорт нусхаси (копия), ҳайдовчилик ёки ҳарбий гувоҳнома каби ҳужжатлар ўтмайди. Албатта паспортнинг оригинали бўлиши керак;

👉 абитуриент рухсатномасини abitur.dtm.uz сайтидаги абитуриентнинг шахсий кабинетидан юклаб олиш мумкин (йўриқнома);

👉 агар шахсий кабинетга кира олмаётган бўлсангиз, унда янада осонроқ йўли abitur.dtm.uz/allow манзилидан ҳам юклаб олса бўлади;

☝️абитуриент рухсатномасида тест санаси, вақти, жойи, сектор ва гуруҳ рақами акс этган бўлади;

🖨 абитуриент рухсатномасини принтер орқали қоғозга чоп этиб олиш керак. Оқ-қора рангда чоп этса ҳам бўлади, рангли принтердан чиқариш шартмас;

❗️Абитуриент рухсатномаси абитуриент қайд варағи билан алмаштирмаслик керак. Ҳужжатнинг юқори қисмида «ABITURIYENT RUXSATNOMASI» деган ёзув бўлиши керак. Кўпчилик «ABITURIYENT QAYD VARAQASI» деган ҳужжат билан адаштириб қўйяпти;

📍 тестлар қайси стадион ва хиёбонларда бўлиши ҳамда уларнинг жойлашган жойини мана бу саҳифа орқали кўриш мумкин:
https://dtm.uz/page/stadionlar_2020

✏️ тестга ручка олиб бориш шарт эмас, ўша ерда тарқатишади;

👕 тестга кириш учун талаб этилган аниқ бир кийим (форма) йўқ. Абитуриентлар ўзига қулай кўринишда кийинишлари мумкин, кийим ранги ҳам муҳим эмас;

👉 тестда 2 та мутахассислик фанидан 30 тадан жами 60 та савол берилади. 1-фан учун 3,2 балл, 2-фан учун 3,1 балл. Максимал тўплаш мумкин бўлган балл - 189 балл.

⏰ тестга жами 3 соат вақт берилади (жавобларни бўяш шунинг ичида). Хорижий тилда имтиёзга эга бўлган абитуриентларга 1 та фан учун 1 ярим соат вақт берилади (жавобларни бўяш шунинг ичида);

⛔️ карантин талаблари сабабли жорий йилда тест синовларида ота-оналар учун кутиб туриш жойлари қилинмайди, шу сабабли имкон қадар кузатувчиларсиз боришга ҳаракат қилинг;

✅ узоқ туманлардан вилоят марказларига тестга бориб-келиш учун махсус автобуслар ташкил қилинади. Бу автобуслар мажбурий эмас, истаганлар шахсий машинасида ёки таксида бориши ҳам мумкин;

📹 тест жараёнларини test2020.uz сайти (ҳозир ҳам ишлаб турибди) ёки махсус телеканал орқали онлайн томоша қилиш мумкин.

@aoka_uz
#abituriyent2020