Termiz tumani hokimligi

Siyosiy-ma’rifiy bilim — samarali davlat fuqarolik xizmatini ko‘rsatishda muhim

O‘zbekiston va dunyoda ro‘y berayotgan voqea-xodisalardan davlat fuqarolik xizmatchilarini xabardor qilib borish maqsadida har hafta juma kunlari siyosiy-ma’rifat soati onlayn o‘quv mashg‘ulotlari o‘tkazib kelinmoqda.

Bugungi o‘quv soatida ham Termiz tumani hokimligi apparati xodimlari hamda korxona va tashkilotlar vakillari O‘zbekiston va xorijdagi muhim jarayonlar dayjesti, ma'naviy-ma'rifiy hamda “Mahalladan gapiramiz”, “Mutolaa vaqti” ruknlaridan iborat videolavhani tomosha qilishdi.

Mazkur o‘quv soati Davlat xizmatini rivojlantirish Agentligi tomonidan tashkil etilayotgan bo‘lib, to‘liq shaklda ilm.argos.uz platformasi hamda You tube`dagi ushbu havola orqali tomosha qilishingiz mumkin.

Termiz tumani hokimligi Axborot xizmati

Telegram | Facebook | Instagram | YouTube | Web-site | Twitter

“Tashabbusli budjet” jarayonida ayrim tashkilotlarning ishtiroki cheklandi

Oliy Majlis Senati Kengashining 2025-yil 13-yanvardagi KQ-V-34-sonli qaroriga asosan “Tashabbusli budjet” jarayonini o‘tkazish bo‘yicha amaldagi tartibga tegishli o‘zgartirishlar kiritildi.

Qarorga ko‘ra, “Tashabbusli budjet” doirasida ijtimoiy loyihalarga ko‘proq e’tibor qaratish hamda fuqarolarni qiynab kelayotgan muammolarni moliyalashtirish maqsadida:

1️⃣ moliyaviy mustaqil bo‘lgan oliy ta’lim tashkilotlarining “Tashabbusli budjet” jarayonlaridagi ishtiroki cheklanishi;

2️⃣ “Tashabbusli budjet” doirasida barcha turdagi avtomobillar, rahbar xodimlar uchun mebel jihozlari hamda jamoat xavfsizligini ta’minlashga oid jihozlar (radar, jamoat joylaridagi kuzatuv kameralari va boshqalar)ni xarid qilish taqiqlanishi belgilandi.

Qarorning to‘liq matni bilan ushbu havola orqali tanishish mumkin.

Surxondaryo.uz | Telegram | Facebook | Instagram | YouTube | X

Prezidentimiz investitsiya va bozorlarni egallash uchun jahonda qattiq kurash ketayotganini qayd etdi.

Loyihalar uchun chetdan mablag‘ olib kelish qanchalik qiyin bo‘layotganini, uni samarali ishlatish kerakligini barcha rahbarlar tushunishi shart.

Belgilab berilgan vazifalar ijrosi ustidan nazoratni kuchaytirish, aniq mexanizmini belgilab, eng quyi bo‘g‘ingacha tushirish topshirildi.

Vazirlar, tarmoq rahbarlari, viloyat hokimlari oldiga tumanlarga tushib, o‘z ishini joyida tashkil qilish vazifasi qo‘yildi.

Yig‘ilish davomida vazirlik va hududlar rahbarlarining hisobotlari tinglandi.

Surxondaryo.uz | Telegram | Facebook | Instagram | YouTube | X

Investitsiyalarni o‘zlashtirishda haligacha byurokratiya ko‘pligi tanqid qilindi. 

Shu munosabat bilan Bosh vazir boshchiligida moliya institutlari bilan ishlash bo‘yicha alohida Favqulodda shtab tashkil qilinishi belgilandi. Shtab har bir loyihani ichiga kirib, aniq ishlarni amalga oshiradi, har hafta loyihama-loyiha muhokama o‘tkazadi.
〰〰〰

Endi faqat eksportga ishlaydigan erkin iqtisodiy zonalar tashkil etilishi belgilandi. Ushbu zonalarda xorijiy brendlar bilan yuqori qiymatli, tashqi bozorlarda talabi bor mahsulotlar ishlab chiqariladi. Xorijiy tajribada ham bu o‘zini oqlagani ta’kidlandi.

Bunday zonaning birinchisi Namanganda tashkil qilinib, to‘qimachilikka ixtisoslashadi.

Iqtisodiy kompleks rahbarlariga erkin iqtisodiy zonalar bo‘yicha mavjud tizimni qayta ko‘rib chiqib, ularni eksportga ixtisoslashtirish bo‘yicha taklif kiritish topshirildi.

Surxondaryo.uz | Telegram | Facebook | Instagram | YouTube | X

Viloyat hokimlariga har oy tadbirkorlar bilan yarmarka o‘tkazib, o‘zida yangi-yangi mahsulotlarni ishlab chiqarish tizimini yo‘lga qo‘yish topshirildi.

Hozir amalga oshirilayotgan 75 milliard dollarlik yirik investitsiya loyihalarining 28 milliard dollarini mahalliy mahsulotlar orqali qoplash mumkinligi hisob-kitob qilingan.

Mutasaddilarga tarmoqlar va viloyat hokimlari bilan birgalikda tuman va korxonalar kesimida 2025-yilda yangi mahsulotlarni ishlab chiqarish bo‘yicha dastur tayyorlash topshirildi.

Surxondaryo.uz | Telegram | Facebook | Instagram | YouTube | X

Ayrim tuman hokimlari investitsiya va eksport masalasini o‘z holiga tashlab qo‘ygani qayd etildi.

16 ta tuman va shahar hokimlariga hayfsan e’lon qilindi.

Hududida ivestitsiyalarni jalb qilish, qishloq xo‘jaligini rivojlantirish va boshqa yo‘nalishlardagi faoliyatda jiddiy kamchiliklarga yo‘l qo‘ygani uchun Sirdaryo viloyati hokimi lavozimidan ozod etildi.

Endilikda investitsiya bo‘yicha yangi nazorat tizimi bo‘lishi belgilandi.

Bunda Bosh vazir bu yilgi 42 milliard dollar xorijiy investitsiya bo‘yicha oyma-oy rejani tasdiqlaydi, viloyat, shahar va tuman hokimlari, tarmoq rahbarlari haftada ikki kun investitsiya bilan shug‘ullanadi.

Mutasaddilar tinmay hududlarga borishi, tadbirkorlar bilan uchrashishi, masalasini joyida hal qilishi shartligi ko‘rsatib o‘tildi.

Surxondaryo.uz | Telegram | Facebook | Instagram | YouTube | X

Tadbirkorlikni rivojlantirish kompaniyasi surxondaryolik tadbirkorlarga 6 yilda 1,2 trln so‘mlik moliyaviy yordam ko‘rsatdi

“Tadbirkorlikni rivojlantirish kompaniyasi” AJ 2018-2024-yillarda Surxondaryo viloyatida tadbirkorlar faoliyatini qo‘llab-quvvatlash maqsadida amalga oshirilgan ishlar sarhisobi haqida axborot berdi. Xususan, ushbu davr davomida 2 627 nafar tadbirkor bilan hamkorlik natijasida 25 022 ta yangi ish o‘rinlari yaratildi.

Kompaniya bu boradagi ishlarni davom ettirayotgan bo‘lib, tadbirkorlarga quyidagi moliyaviy yordamlarni taklif etadi:

➖kredit, lizing, bank kafolati, akkredivlar uchun garov yetmaganda 5 mlrd so‘mgacha kafillik;
➖ulushdorlik asosida 5 mlrd so‘mgacha kapitalga ulush kiritish;
➖salohiyatli loyihalarni moliyalashtirish uchun 20 mlrd so‘mgacha moliyaviy qarz;
➖bino va uskunalar olib berishi uchun 20 mlrd so‘mgacha xizmatlar ipotekasi;
➖kredit foizining bir qismini qoplash uchun 5,4 foizgacha kompensatsiya;
➖kredit va lizing ajratish uchun 5 mlrd so‘mgacha resurs;
➖ajratilgan mikrokreditlarning 100 mln so‘mgacha qismini qayta moliyalashtirish.

Bog‘lanish uchun barcha ma’lumotlar yuqoridagi suratda keltirilgan.

Surxondaryo.uz | Telegram | Facebook | Instagram | YouTube | X

📢 Diqqat e’lon: Ikkita podstansiyada ta'mirlash ishlari davom ettiriladi va 12 ta mahallada elektr ta’minotida uzilishkar bo'ladi

⚙️ Elektr energiyasi yetkazib berish uzluksizligini ta’minlash maqsadida bugun, 15-yanvar kuni soat 12:00dan 17:00gacha Termiz tumani elektr taʼminoti korxonasi xodimlari tomonidan 35/10 kV'li "Tutzor" va 35/10 kV li "Taraqqiyot" podstansiyalarida ta’mirlash ishlari davom ettiriladi.

📍Shu munosabat bilan ushbu vaqt oralig‘ida Termiz tumanining Bunyodkor, Qoʼngʼirot, Mustaqillik, Namuna, "M.Eshtemirov", Uchqizil, Yangiyer, "At-Termiziy", Kelajak, Nurafshon, Yangiobod va  Orol mahallalarida elektr energiyasi ta’minotida vaqtincha uzilishlar bo‘lishi maʼlum qilinadi.

🙏 Termiz tumani elektr taʼminoti korxonasi keltirilgan noqulayliklar uchun uzr so‘raydi.

Termiz tumani hokimligi navbatchilik shtabi

Telegram | Facebook | Instagram | YouTube | Web-site | Twitter

Bugun 14-yanvar – Vatan himoyachilari kuni munosabati bilan Milliy gvardiyaning Termiz tumanida joylashgan Chavandozlar maktabi xodimlari tomonidan chekka hududlardagi maktablarda “Mening armiyam – mening faxrim” shiori ostida vatanparvarlik tadbirlari o‘tkazildi.

Mazkur tadbirlarda o‘quvchi yoshlar uchun Vatan himoyachilari kasbining ahamiyati, milliy armiyamizning qudrati va mard askarlarimizning qahramonliklari haqida ma’lumotlar berildi. Shu bilan birga, tadbir davomida yoshlarning vatanparvarlik ruhini oshirishga qaratilgan ma’ruzalar, ot sporti ko‘rgazmalari hamda madaniy dasturlar tashkil etildi.

Chavandozlar maktabi o‘z faoliyatida mamlakatimizda ot sporti turlarini rivojlantirish, yangi avlod chavandozlarini tayyorlash va ularni milliy qadriyatlarimiz ruhida tarbiyalashga alohida e’tibor qaratmoqda. Bu kabi tadbirlar yoshlarning jismonan sog‘lom va ma’naviy barkamol bo‘lib voyaga yetishishida muhim ahamiyat kasb etadi.

Telegram | Facebook | Instagram | YouTube | Web-site | Twitter

Termiz tumanida Qurolli Kuchlarimiz tashkil topganligining 33 yilligi nishonlandi

O‘zbekiston Respublikasi Qurolli Kuchlari tashkil topganligining 33 yilligi va Vatan himoyachilari kuni munosabati bilan Termiz tumanida joylashgan harbiy qismlarda bayram tadbirlari tashkil etildi.

Tadbirda tuman hokimining o‘rinbosari Raxmatillo Tog‘ayev ishtirok etib, harbiy xizmatchilarga tuman hokimining bayram tabrigini yetkazdi. U o‘z so‘zida harbiy xizmatchilarni bayram bilan samimiy tabriklab, osoyishta hayotimizni ta’minlash yo‘lidagi sharafli va mas’uliyatli xizmatlarida ularga muvaffaqiyatlar tiladi hamda tuman hokimligining sovg‘alarini topshirdi.

Tadbirni yanada mazmunli o‘tkazish maqsadida Ma’naviyat va ma’rifat markazi hamda tuman Madaniyat bo‘limlari tomonidan harbiylar uchun bayram konsert dasturi tashkil etilib, ularga ko‘tarinki kayfiyat ulashildi.

Ushbu tadbir Vatan himoyachilariga bo‘lgan ehtiromning yuksak ifodasi bo‘ldi.

Telegram | Facebook | Instagram | YouTube | Web-site | Twitter