Termiz tumani hokimligi

⚡️Surxondaryolik o‘quvchi muddatidan avval kirish imtihonlarida maksimal 189 balni yig‘ib bo‘ldi

Surxondaryo viloyati Termiz tumani 16-sonli AFCHO‘UMning 11-sinf o‘quvchisi Javoxir Rustamov 5 ta fan: kimyo fanidan A+, biologiya fanidan A+, matematika fanidan S+, o‘zbek tili va adabiyot fanidan B+, tarix fanidan B darajali milliy sertifikat olib, kirish imtihonlarida maksimal 189 ball to‘plash imkoniyatiga ega bo‘ldi.

Endi u mutaxassislik fani sifatida biologiya va kimyo fanlarini tanlasa kirish imtihonlarini topshirmaydi.

Telegram | Facebook | Instagram | YouTube | Web-site | Twitter

❗️Tomorqasini qarovsiz qoldirganlar uch karra ko‘proq soliq to‘laydi

Prezidentning 2025-yil 18-fevraldan kuchga kirgan Farmoniga asosan, aholi tomorqasi va dehqon xo‘jaliklariga ijaraga berilgan yer maydonlaridan samarali foydalanish holati bo‘yicha hokim yordamchisi tomonidan har chorakda o‘tkaziladigan monitoring natijasida ekin to‘liq ekilmagan yoki qarovsiz qoldirilganlik holati aniqlanganda:
 
❌ tomorqa yer egalari va dehqon xo‘jaliklariga davlat dasturlari doirasida imtiyozli kreditlar berilmaydi;

❌ ijtimoiy himoya yagona reestriga kiritilgan fuqarolar uchun nazarda tutilgan imtiyozlar to‘xtatiladi;

❌ ekin ekilmagani aniqlangan yil uchun yer solig‘i stavkasi uch karra miqdorida hisoblanadi.
 
Berilayotgan imtiyozlarni vaqtincha to‘xtatish, qayta tiklash va oshirilgan soliq stavkalarini qo‘llash mahalla "yettiligi" xulosasiga asosan amalga oshiriladi va tegishli ma’lumotlar "Online mahalla" elektron platformasiga kiritib boriladi.

Telegram | Facebook | Instagram | YouTube | Web-site | Twitter

Termiz tumanida "Surxondaryo viloyati hokimi kubogi" musobaqalarining sektor bosqichi o‘tkazilmoqda

Mahallalar yoshlari o‘rtasida "Surxondaryo viloyati hokimi kubogi" uchun mini futbol musobaqalari davom etmoqda. Jumladan, Termiz tumanidagi sektorlarda mahallalarning yoshlar futbol jamoalari o‘rtasida qizg‘in bellashuvlar davom etmoqda.

Musobaqa natijalariga ko‘ra, g‘olib jamoalar tuman bosqichida ishtirok etish huquqini qo‘lga kiritadi. Mazkur musobaqalar yoshlar o‘rtasida sog‘lom turmush tarzini targ‘ib qilish, sportga bo‘lgan qiziqishni oshirish va iqtidorli futbolchilarni kashf etishga qaratilgan.

Foto: Mobil tasvirlar

Telegram | Facebook | Instagram | YouTube | Web-site | Twitter

Prezidentimizning Surxondaryo viloyatiga tashriflari hamda o‘tkazilgan videoselektorlarda berilgan topshiriqlar asosida vohamizda turizmning turli yo‘nalishlari, jumladan, ekoturizmni rivojlantirish bo‘yicha qator vazifalar belgilab berildi.

Xususan, Termiz tumanida joylashgan "Uchqizil" suvombori qirg‘oqbo‘yi hududida ekoturizm loyihalarini amalga oshirish rejalashtirilgan. 51,6 gektar maydonni o‘z ichiga olgan ushbu hududda sanatoriylar, dam olish va ko‘ngilochar maskanlar, umumiy ovqatlanish nuqtalari kabi qator obyektlar tashkil etilgan. Shu bilan birga, suvomborga yaqin joylashgan M39 xalqaro avtomagistrali mazkur hududda turizmni rivojlantirish uchun qulay shart-sharoit yaratadi. Biroq mavjud imkoniyatlar hali to‘liq ishga solinmagan.

Hududning turistik salohiyatini to‘liq ro‘yobga chiqarish va bo‘sh maydonlardan samarali foydalanish maqsadida master reja ishlab chiqildi. Unga muvofiq, jami 62 ta loyiha, jumladan, 2 ta restoran, 32 ta savdo do‘koni, 28 ta xizmat ko‘rsatish nuqtalari barpo etilishi rejalashtirilgan.

Bugun Surxondaryo viloyati hokimi Ulug‘bek Qosimov Termiz tumaniga tashrif buyurib, "Uchqizil" suvombori bo‘yidagi loyihalar bilan tanishdi.

Mutasaddilarga iqtisodiy samarador, ekoturizm rivojiga hissa qo‘shadigan va daromadli ish o‘rinlarini yaratadigan loyihalarni tanlab olish yuzasidan tegishli ko‘rsatmalar berildi.

Surxondaryo.uz | Telegram | Facebook | Instagram | YouTube | X

Probatsiya nazoratidagi shaxslar bilan profilaktik uchrashuv o‘tkazildi

Bugun Termiz tumani Ichki ishlar bo‘limida Probatsiya guruhi nazoratida turgan shaxslar bilan profilaktik uchrashuv bo‘lib o‘tdi. Tadbirda tuman Ichki ishlar bo‘limi boshlig‘ining o‘rinbosari Usmon Do‘stqobilov, IIB JXX YHXG katta inspektori Zohid Samadov hamda boshqa mutasaddilar ishtirok etdi.

Uchrashuv davomida nazoratda turgan shaxslarning ijtimoiy reabilitatsiyasi, ularning huquq va majburiyatlari hamda jamoat xavfsizligini ta’minlash masalalari muhokama qilindi. Xususan, Prezidentimizning 2025-yil 3-yanvardagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida” PQ-1-sonli qarorining mazmun-mohiyati tushuntirilib, uning ijrosi bo‘yicha amalga oshirilayotgan ishlar haqida batafsil ma’lumot berildi.

Shuningdek, haydovchilik huquqidan mahrum qilingan shaxslar tomonidan belgilangan cheklovlarga qat’iy rioya qilish lozimligi ta’kidlandi. Uchrashuv davomida ishtirokchilarning huquqiy savodxonligini oshirish, ularni sog‘lom turmush tarziga yo‘naltirish bo‘yicha tegishli tavsiyalar berildi.

Telegram | Facebook | Instagram | YouTube | Web-site | Twitter

💰Usta dehqonlarga 100 million so‘mgacha subsidiya beriladi

“Tomorqa yer egalari va dehqon xo‘jaliklari faoliyatida zamonaviy tashkiliy tizimni joriy qilish va moliyaviy qo‘llab-quvvatlashning qo‘shimcha chora-tadbirlari to‘g‘risida”gi

Prezident Farmoni qabul qilindi.

📌Farmon bilan joriy etilayotgan moliyaviy qo‘llab-quvvatlash tartiblari dehqonchilikni rivojlantirishga, aholining oziq-ovqat ta’minotini yaxshilashga va eksportbop mahsulotlarni yetishtirishga yo'naltirilgan.

📝Moliyaviy qo‘llab-quvvatlash tartiblari:

✔️ Grantlar:
Har yili 500 ta mahallada bittadan aholi tomorqasida amalga oshirilgan eng namunali va innovatsion loyiha uchun BHMning 100 baravaridan oshmagan miqdorda grantlar ajratiladi.

✔️O‘quv kurslari:
Usta dehqonlar tomonidan qisqa muddatli o‘quv kurslarini tashkil etish bilan bog‘liq xarajatlarni qoplash uchun har bir kurs uchun BHMning 15 baravarigacha miqdorda subsidiya ajratiladi.

✔️ Kreditlar:
Tomorqa yer egalari va dehqon xo‘jaliklari hamda ularga xizmat ko‘rsatuvchi subyektlarga tijorat banklari orqali qishloq xo‘jaligi mahsulotlarini yetishtirish, qayta ishlash, quritish, saqlash va qadoqlash loyihalari uchun 2 yilgacha imtiyozli davr bilan 7 yilgacha muddatga Markaziy bank asosiy stavkasidan 4 foizlik punkt yuqori stavkada kreditlar ajratiladi (shundan 5 foiz bank marjasi).

✔️ Subsidiya:
Muayyan mahalladagi 50 foiz xonadonlarning tomorqasida eksportbop mahsulot yetishtirishni yo‘lga qo‘yib bergan usta dehqonlarga 100 million so‘mgacha subsidiya ajratiladi.

✔️ Lizing:
Aholi tomorqalari va ijara yerlarida ixcham muzlatkichli omborxonalar, qadoqlash, quritish va qayta ishlash uskunalari, tayyor holdagi issiqxonalar 24 oylik imtiyozli davr bilan 5 yilda bo‘lib to‘lash sharti bilan lizingga beriladi.

Surxondaryo.uz | Telegram | Facebook | Instagram | YouTube | X

Termiz tumanida jinoyatchilik va huquqbuzarliklarni barvaqt oldini olish masalalari muhokama qilindi

Prezidentimizning "2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida"gi qaroriga asosan xavfsiz mahalla tamoyili asosida har bir mahallada huquqbuzarliklarning barvaqt oldini olish ustuvor vazifa etib belgilandi.

Bugun Termiz tumani hokimligida joriy yilning o‘tgan davri mobaynida jinoyatchilik va huquqbuzarliklar tahlili, ularning oldini olish borasida olib borilgan ishlar, yo‘l qo‘yilgan kamchiliklar tanqidiy muhokama qilindi. Unda tuman sektor rahbarlari, tuman hokimining o‘rinbosarlari, huquqni muhofaza qiluvchi organlar mas’ullari, aloqador tashkilot va idoralar hamda mahalla "yettiligi" a’zolari ishtirok etishdi.

Dastlab, tumanda jinoyatchilik va huquqbuzarliklar profilaktikasi borasida olib borilayotgan ishlarning tahliliy o‘rganish natijalari o‘qib eshittirildi. Ayrim jinoyatlarning oldini olish bo‘yicha mas’ullar tomonidan yetarli choralar ko‘rilmaganligi tanqid qilindi. Yo‘l qo‘yilgan kamchiliklar yuzasidan mas’ullarning axborotlari tinglandi.

Tumanda og‘ir va o‘ta og‘ir turdagi, ayniqsa oila turmush doirasida sodir etilishi mumkin bo‘lgan tan jarohati yetkazish, firibgarlik kabi jinoyatlarni oldini olish maqsadida, "fuqarobay", "oilabay" va "xonadonbay" ishlash tizimi bo‘yicha ishlash, "Xavfsiz hovli" tamoyili asosida keng qamrovli profilaktik tadbirlarni kuchaytirish yuzasidan aniq ko‘rsatma va topshiriqlar berildi.

Telegram | Facebook | Instagram | YouTube | Web-site | Twitter

Mehnat yarmarkasi ishsiz fuqarolar bandligiga ko‘makchi

Termiz tumani Kambag‘allikni qisqartirish va bandlik bo‘limida tuman Ichki ishlar bo‘limi tashabbusi bilan Probatsiya guruhi hisobidagi shaxslar uchun mehnat yarmarkasi tashkil etildi.

Yarmarkada ishtirokchilar bo‘sh ish o‘rinlari bilan tanishtirildi. Maqsad – ushbu fuqarolar bandligini ta’minlash, sog‘lom turmush tarziga qaytarish va kelgusida qayta jinoyat sodir etishining oldini olishdir.

Tadbir yakunida 5 nafar ishsiz fuqaro mehnat bozorida talab yuqori bo‘lgan ishlarga joylashtirildi.

Telegram | Facebook | Instagram | YouTube | Web-site | Twitter