Surxondaryo viloyati hokimligi

Surxondaryo viloyati hokimi Tatariston delegatsiyasini qabul qildi

Viloyat hokimi Ulug‘bek Qosimov amaliy tashrif bilan Surxondaryo viloyatida bo‘lib turgan Tatariston Respublikasi Bosh vazirining o‘rinbosari – sanoat va savdo vaziri Oleg Korobchenko boshchiligidagi delegatsiyani qabul qildi. Uchrashuv “Termiz xalqaro savdo markazi”da o‘tkazildi.

Muzokaralar davomida ikki tomon o‘rtasidagi hamkorlik aloqalarini yangi bosqichda rivojlantirish, avvalgi tashriflarda erishilgan kelishuvlarni amalga oshirish, yangi loyihalar ustida ishlash bo‘yicha o‘zaro fikr almashildi. Ikki tomonlama tuzilgan bitim va shartnomalarni bosiqma-bosqich amalga oshirib borishga kelishilib olindi.

Shundan so‘ng, mehmonlar “Termiz xalqaro savdo markazi”da amalga oshirilayotgan loyihalar, yaratilayotgan qulaylik va imkoniyatlar bilan tanishtirildi. O‘zbekistonda ishlab chiqarilayotgan elektrotexnika va zargarlik mahsulotlari shourumlari ko‘zdan kechirildi.

Tatariston delegatsiyasining viloyatimizga amaliy tashrifi davom etmoqda.

Telegram | Facebook | Instagram | @surxondaryo_pressa' rel='nofollow'>YouTube | Web-site | Twitter

UzA | “Sayxunobod tajribasi” Muzrabotda ommalashmoqda

Muzrabot tumanidagi “Surxon-Agro majmuasi” mas’uliyati cheklangan jamiyatida ikki ming bosh qora molga mo‘ljallangan chorvachilik kompleksi bunyod etmoqda.

Zamonaviy majmua yangidan o‘zlashtirilgan ming gektarga yaqin maydonda qad rostayotir. Qiymati 110 milliard so‘mni tashkil etadigan loyiha chorvachilik kompleksi, sutni qayta ishlash korxonasi, 1 ming 200 tonna sig‘imga ega senvich panelli omborxona, ozuqa yetishtirish va saqlash joylari qurilmoqda.

Batafsil: https://uza.uz/posts/590401

Telegram | Facebook | Instagram | @surxondaryo_pressa' rel='nofollow'>YouTube | Web-site | Twitter

Surxondaryo viloyati Favqulodda vaziyatlar boshqarmasiga yangi boshliq tayinlandi

Bugun O‘zbekiston Respublikasi Favqulodda vaziyatlar vaziri general-mayor Abdulla Qo‘ldoshev va Surxondaryo viloyati hokimi Ulug‘bek Qosimov rahbarligida viloyat, shahar va tumanlar Favqulodda vaziyatlar va huquqni muhofaza qiluvchi organlar mutasaddilari hamda boshqa tashkilotlar rahbarlari ishtirokida yig‘ilish o‘tkazildi.

Yig‘ilishda dastlab tashkiliy masala ko‘rildi. Polkovnik Ismoilov Ilxom Ismoilzoda Surxondaryo viloyati Favqulodda vaziyatlar boshqarmasi boshlig‘i etib tayinlandi. I.Ismoilov 1975-yil Samarqand viloyati Samarqand tumanida tug‘ilgan. Tayinlovga qadar Samarqand viloyati Favqulodda vaziyatlar boshqarmasi boshlig‘i lavozimida faoliyat yuritgan.

Shuningdek, yig‘ilishda viloyat Favqulodda vaziyatlar boshqarmasining avvalgi boshlig‘i podpolkovnik Nurali Kadirovni Samarqand viloyati Favqulodda vaziyatlar boshqarmasi boshlig‘i etib tayinlangani bilan qutlanib, Surxondaryodagi samarali faoliyati uchun minnatdorchilik bildirildi.

Telegram | Facebook | Instagram | @surxondaryo_pressa' rel='nofollow'>YouTube | Web-site | Twitter

Tatariston delegatsiyasi Termizga tashrif buyurdi

Bugun Tatariston Respublikasi Bosh vazirining o‘rinbosari – sanoat va savdo vaziri Oleg Korobchenko boshchiligidagi delegatsiya Surxondaryo viloyatiga tashrif buyurdi. Delegatsiyani Termiz xalqaro aeroportida viloyat hokimining o‘rinbosarlari Sherzod Rajabov va Sherali Jo‘rayevlar kutib olishdi.

Shundan so‘ng, mehmonlar Al Hakim at-Termiziy maqbarasini ziyorat qilishdi va majmua bilan yaqindan tanishishdi.

Tashrif davomida erkin iqtisodiy zona va ishlab chiqarish korxonalari faoliyati bilan tanishuv hamda ikki tomonlama tashriflar davomida erishilgan kelishuvlarni amalga oshirish va kelgusidagi hamkorlik istiqbollari yuzasidan muzokaralar o‘tkazish belgilangan.

Eslatib o‘tamiz, joriy yil 27-mart kuni Tatariston Respublikasi Raisi Rustam Minnixanov amaliy tashrif bilan viloyatimizda bo'lgan edi.

Telegram | Facebook | Instagram | @surxondaryo_pressa' rel='nofollow'>YouTube | Web-site | Twitter

Davlat organlari va idoralari axborot xizmati rahbarlari uchun milliy konferensiya o‘tkazilmoqda

AOKA hamda Qoraqalpog‘iston Respublikasi Jo‘qori Kengesi hamkorligida 18-20-aprel kunlari Nukus shahrida vazirlik va idoralar matbuot kotiblari uchun “Axborot xizmatlari faoliyati: ochiqlik, tezkorlik va xolislik bosh mezon” mavzusida konferensiya tashkil etilmoqda.

Tadbirning ochilish marosimida Agentlik direktori A.Xodjayev ishtirokchilarni qutlab, sohadagi islohotlar, natijalar hamda muammo va yechimlar haqida raqamli ko‘rsatkichlar bilan batafsil to‘xtaldi.

Bugun o‘z ishini boshlagan konferensiya doirasida o‘tkaziladigan panel sessiyalarida:

🔘respublikada va hududlardagi axborot xizmatlarining o‘zaro hamkorligi: mavjud muammo va kamchiliklar hamda ularni bartaraf etish yo‘llari;

🔘tashkilot imijini yaratish, jamoatchilik bilan aloqalarni tashkil qilishda rahbar va axborot xizmati hamkorligi mavzularida taqdimotlar, keng munozarali suhbatlar bo‘lib o‘tmoqda.

Facebook | Instagram | @surxondaryo_pressa' rel='nofollow'>YouTube | Web-site