Umar_blog

АҚШнинг собиқ президенти Барак Обама 2024 йилдаги энг севимли китобларини маълум қилди

1. Intermezzo — Салли Руни
Ирландиялик ёзувчи Салли Рунининг ушбу романи икки ака-ука ва уларнинг ҳаётидаги севги ва йўқотишлар ҳақида ҳикоя қилади.

2. Orbital — Саманта Харви
Букер мукофоти совриндори Саманта Харви томонидан ёзилган бу роман космик станцияда 24 соат давомида бўлиб ўтадиган воқеаларни ўз ичига олади.

3. “Антропологлар” — Айшагул Саваш
Туркиялик муаллиф Айшагул Савашнинг ушбу романи хориждаги бир эр-хотиннинг янги хонадон излаш жараёнида ҳаётнинг чуқур фалсафий жиҳатларини англаши ҳақида ҳикоя қилади.

4. In Ascension — Мартин Макиннес
Ёш микробиолог Атлантика океанидаги чуқур океан хандақларини ўрганиб, ўзаро боғланган табиий мўъжизаларни кашф этади.

5. Someone Like Us — Динау Менгесту
Эфиопиялик муҳожирларнинг ўғли ўзининг отаси деб билган кишининг тўсатдан вафот этишидан сўнг оиласининг яширин сирларини суриштириб ўрганишга киришади.

6. The Anxious Generation — Джонатан Хайдт
Ижтимоий психолог Джонатан Хаидт замонавий технологиялар ва тенденциялар болалардаги руҳий саломатликка қандай таъсир кўрсатганини таҳлил қилади.

7. “Ватанпарвар” (“Патриот”) — Алексей Навалний
2024 йил февралда узоқ Арктика округидаги жазони ижро этиш колониясида вафот этган россиялик мухолифат етакчиси ва сиёсий маҳбус Навалнийнинг ҳаёти ва фаолиятига бағишланган “Ватанпарвар” мемуар китоби.

8. Stolen Pride — Арли Расселл Хочшилд
Беркли университетининг фахрий профессори Хохшилд ўзининг 2016 йилдаги "Ўз юртида бегоналар" китобининг давоми сифатида Аппалачиядаги ишчи табақага мансуб сайловчилар орасидан Трампнинг мурожаатини ўрганади.

9. Growth: A Reckoning — Дэниел Сасскинд
Британиялик иқтисодчи Сасскинд чексиз ўсишга интилиш бутун дунё бўйлаб қандай қилиб иқтисодий тенгсизлик, бузғунчи технологиялар, атроф-муҳитнинг вайрон бўлиши ва иқлим ўзгаришини келтириб чиқарганини тасвирлаб беради.

10. The Work of Art — Адам Мосс
New York журналининг собиқ муҳаррири Мосс 50 га яқин рассомлар, ёзувчилар, кинорежиссёрлар ва бошқалардан ижодий жараён сирларини тушуниш учун интервью олади.

Обама ушбу асарларни байрам мавсумида ўқишни тавсия қилган ва бу орқали чуқур фикрлаш, янги ғоялар ва илҳом олиш мумкинлигини айтиб ўтган.

@pressuzb

Mashhur olimga ikkita savol berishibdi:

— Insoniyatning qaysi harakati sizni hayratga solgan?

Olim birma-bir sanay boshladi:
— Bolalikdan zerikadilar va tezroq ulg‘ayishga shoshiladilar. Vaqti kelib, bolalikni sog‘inadilar;
— Pul topaman deb sog‘likni yo‘qotadilar, ammo sog‘likni qaytarish uchun yana pul sarflaydilar;
— Ertangi kunni o‘ylab xavotir oladilar-u, bugunni unutadilar. Shuning uchun ham na bugunni, na ertani deb yashaydilar. Dunyodan yashamagandek o‘tib ketadilar.

Gal ikkinchi savolga keldi:
— Siz ularga nimani tavsiya qilasiz?

Olim javob berdi:
— Hech kimni o‘zingizni yaxshi ko‘rishga majburlamang;
— Muhimi hayotda ko‘p narsaga ega bo‘lish emas, kam narsaga ehtiyoj sezishdir;
— Sizni yaxshi ko‘radigan insonlar ko‘pchilik. Ammo ular tuyg‘ularini qanday ifoda etishni bilmayotgan bo‘lishlari mumkin;
— Ba’zan boshqalar tomonidan kechirilibgina qolmay, o‘zingizni kechira olishingiz ham kerak.

📖 @kitoboqiuz