SАRVINOZNING SAHIFASI

- Talaba qiz🎓🧑‍🎓
- Kanal mashhurlik uchun emas shunchaki Hobby💗
- Looklar🎀
- Foodlar🍔
- Kitoblar💨
- Va boshqa qiziqarli narsalar

ISROF
Isrof... Naqadar keng tushuncha. Chunki har bir narsaning isrofi bor. Ayniqsa bugungi zamonaviy hayotimizda isrof deganda faqatgina taom isrofini ko'z oldimizga keltirmasligimiz aniq. Keltira olmaymiz ham. Chunki "To'qlikka sho'xlik" deganlaridek, hamma narsamiz bor bo'lgan bir zamonda aynan o'sha hamma narsani isrof qilishgada ulguryapmiz. Ammo isrof haqida so'z borar ekan, oziqlanib hayot kechira olishimiz uchun berilgan ne'matlarni uvol qilinayotganiga e'tibor bermasak bo'lmaydi. Dunyo har yili ochlikdan vafot etayotgan 5 millionlab bola bilan yuzlashayotgan bir vaqtda biz har kuni ertalab axlat quti to'la non bilan yuzlashyapmiz. Ha, ko'pchilik kimlardir zor bo'lganni xor qilishdan or qilmayapti, nazdimizda. O'ylab ko'raylik,dunyoda aynan bir burda non topa olmaganligi uchun vafot etayotganlar bor. Biz bo'lsa uni axlat chelakka tashlaymiz. Biz uchun hech narsadek tuyilgan bu bo'lak aslida bitta hayotga teng.
To'ylarimizdagi isrof esa alohida bir mavzu. Ijtimoiy tarmoqlarimizni kelin-kuyovning ustidan sochilgan pullar aks etgan videolar kundan-kunga ko'proq bezamoqda. Shular bilan bir qatorda tarqalgan uysizlar, betob bo'lib yordamga muhtoj bo'lgan insonlarning videosi ham bo'lgan bir vaqtda bu holatni o'sha isrof egalarining vijdoni qanday hazm qila oladi deb o'ylaysiz?
Yuqoridagi kabi moddiy isroflarniku o'rnini to'ldirsa bo'ladi, ammo biz yo'l qo'yayotgan ma'naviy isroflarni hech qanday yo'l bilan oqlab ham, o'rnini to'ldirib ham bo'lmaydi. Masalan, kecha keraksiz so'zlarni so'zlab, bugun qaytarib ololmaymiz. Yoki bo'lmasa, ertalab ijtimoiy tarmoqda foydasiz videolarni ko'rib o'tirsak, tushdan keyin o'sha ertalabni qaytara olamizmi? Yo'q, albatta. Buning iloji yo'q. Qolaversa,biz hech qachon bugungidek yosh, sog'lom bo'la olmaymiz. Shunday ekan yoshlik va sog'lik ne'matlarini ham uvol qilishga haqqimiz yo'q.
Umuman olganda xoh moddiy bo'lsin, xoh ma'naviy umumiy nomi isrof bo'lgan tushunchani o'zimizdan qanchalik uzoq tutsak, shunchalik oilamizning ham, xalqimizning ham to'kis hayotining bardavomligiga hissa qo'shgan bo'lardik.
"O'zim ishlab topgan narsalar bo'lsa, boshqalarning nima ishi bor?" demang. Javob savolingizning o'zida aks etgan. O'zim topganman deysiz-a? Aynan shuning uchun isrof qilmang. Sog'ligingiz va mehnatingiz evaziga kelgan narsalarni va o'zingizni qadrlang.

KANALGA ULANISH:👇
@qalbga_yozilgan_ijod

XUSH KELDING O'N SAKKIZIM

"Tug'ilgan kun sohiblari emas, ularning onalari tabriklanishi, ularga rahmat aytilishi kerak" degan jumlani eshitgandim. RAHMAT, ONA. Meni dunyoga keltirganingiz uchun rahmat.
Senga esa xush kelding deyman, o'n sakkizim. Xayrlarga boy bo'lib, eng go'zal orzularim ro'yobi bo'lib kel. Seni oiladan uzoqda, begona shaharda kutib olish nasib qilibdi. Lekin roziman. Menga oliy dargohda o'qish baxtini bergan bu shahardan.
Qolaversa, bu yoshim uchun juda ko'p mukofotlar oldim. Seni tabassum bilan qarshi olar ekanman, senga yetkazgan Zotdan umidlarim ko'p.

KANALGA ULANISH:
@qalbga_yozilgan_ijod

Bir eshitib ko'ring. Rostan insonni o'yga toldiradi. Onamiz uchun nima qildik? Shu savolga javob izlab ko'raylik.

KANALGA ULANISH:👇
@qalbga_yozilgan_ijod

Mandat chiqdi, azizlar. Biz kutgan kunlar🥹. O'zjoku unversitetining jurnalistika yo'nalishiga grand bilan talabalikka tavsiya etilibman. Ijodiy imtihonda baland ball olishimga yordam bergan bu mo'jazgina kanalchamda meni qo'llab-quvvatlab turgan barchaga rahmat. Barchangizning qadringiz men uchun baland.
Oxirgi vaqt mandatni kutib kanalimga post yozishga ham ko'p qo'l urmadim. Endi sahifamda bizga sodiq qolganlar bilan ijodni davom ettiramiz nasib🫠.
Talabalik baxtiga yetkazgan Allohga shukr. Barcha talaba bo'lganlarni tabriklayman. Bu yil omadi kelmagan abituriyentlar, xafa bo'lmang. Hammasi yo yaxshi bo'ladi, yo yaxshilikka bo'ladi. Zero, Allohning har bir ishida hikmat bor.

KANALGA ULANISH:👇
@qalbga_yozilgan_ijod

Hayotiy va qiziqarli narsalarga boy kanal👆. Ayniqsa, kanal egasi juda samimiy qiz. Shaxsiylikka qiziquvchilar uchun😊

SIZNI KUTISHYAPTIMI, DEMAK BAXTLISIZ

Atrofingizda insonlar koʻp boʻlsa baxtlisiz. Agar ular orasida yoʻqlashingizni, qoʻngʻiroq qilishingizni kutadigan yaqinlaringiz bor boʻlsa, ikki karra baxtlisiz. Chunki sizni qadrlaydiganlar bor. Ammo biz ba'zida dunyoda insondan azizi yo'qligini unutib qoʻyamiz. Oʻzingiz ayting yaqinim deganingizni qanchalik tez-tez yoʻqlaysiz? Bahonamiz ham tayyor: " Ishim koʻpayib ketdi ". Afsus, sizga ham oson emas. Ishingiz koʻpayib ketgan boʻlsa, tushlik qilishga ham uxlashga ham vaqtingiz yoʻqdir xohnahoy. Shunday qilib yoʻqlash degan mas'uliyatni ham oʻzimizdan osongina forigʻ qilaqolamiz. Inson zoti borki, e'tiborni, mehrni sevadi. Shuning uchun ham oʻylab koʻring, sizning bir bora eslashingizdan, qoʻngʻiroq qilib boʻlsada ahvolini soʻrashingizdan xursand boʻladigan kishilar bor. Ularga sizga kerak ekanligini, siz uchun qadrli ekanligini his ettirishingiz kifoya. Aslida ularni sizdan boshqa qadrlaydiganlar ham koʻp. Faqat sizning oʻrningiz boʻlakcha. Ular sizni doʻst, qondosh,opa-singil, balki, aka-uka yoxud undan ham yaqin biri deb hisoblagan. Siz esa oʻz hayotingizga oʻralashib qolgansiz. Oʻylab koʻring, axir shu insonlar emasmi sizning hayotingiz?
Qolaversa, virtuallashyapmiz. Tobora kuchliroq oʻt qalayapmiz bu oʻchoqqa. "Bir marta internetga kirib chiqay, qandaydir muhim xabar kelmadimikan" deymizu, kamida oʻn minut qolib ketamiz ijtimoiy tarmoqda. Lekin fikr qilsak, vaqtimiz tigʻiz boʻlganda ijtimoiy tarmoq uchun topgan oʻn daqiqamiz bir kishini yoʻqlashga yetmaydimi? Menimcha, biz ajratib olishimiz kerak, bizga vaqt yetmayaptimi, xohishmi?
Balki, bu fikrimdan keyin koʻpchilik:" Meni rostan vaqtim yoʻq"- deb, oʻzini oqlar, fikrimga qarshi boʻlar. Lekin men oʻz kuzatishlarimni yozdim. Atrofga nazar solib shuni tushundimki, yaqinim deganlarini yoʻqlashini intizorlik bilan kutadiganlar koʻp ekan. Eng yomoni kutiladigan insonlarining vaqti ular bilan hisoblashmaydi. Balki, xohishidir. Hammaning oʻz vijdoni ichida soʻzlab turibdi haqiqatni.
Koʻp kuttirmang. Yaxshi koʻrgan insonlaringizni yaxshi ekanligini bilish uchun vaqtingizni ayamang. Zero, baxt bu sizning e'tiboringiz qaysidir yaqinlaringizning yuziga tabassum yugurtira olishi, kulgichlarida quyosh kabi porlay olishidir.

KANALGA ULANISH:👇
@qalbga_yozilgan_ijod