Jadid.uz

✅
JONLI OLAMNING HAYOT ZANJIRI
O‘zFA zoologiya instituti direktori, biologiya fanlari doktori, professor Baxtiyor Xolmatov bilan suhbat

Yaqinda Xitoyning Shinjon provinsiyasidagi tabiat qo‘riqxonasida bo‘ldim. Mazkur qo‘riqxona hududi taxminan 15 ming kilometr kvadrat, ya’ni qariyb Toshkent viloyatining umumiy maydoniga teng. Ikki soat davomida qo‘riqxonani boshidan oxirigacha kezgan bo‘lsak, birorta qushga ko‘zim tushmadi. Qushlarsiz osmon juda befayz tuyularkan odamga.

🔗 Batafsil: jadid.uz/?p=9096

📱 To‘liq video YouTube sahifamizda:
https://youtu.be/cXTR4mpzv24

Tilda, fikrda, ishda birlik!

Jadid.uz | Telegram | Facebook | Instagram | YouTube

✅
JASORATLI G‘OYALAR MINBARIGA AYLANSIN
Ibrohim GʻAFUROV

Men ushbu to‘plamga “Jadidnoma” degan nom har tomonlama munosib ekan, degan xayolga bordim. Kelgusida kitobning navbatdagi nashrlari ana shu umumiy nom ostida chop ettirilsa, ayni muddao bo‘ladi.

🔗 Batafsil: jadid.uz/?p=9084

Tilda, fikrda, ishda birlik!

Jadid.uz | Telegram | Facebook | Instagram | YouTube

✅
Fyodor Dostoyevskiyning “Telba” romanidan iqtiboslar

✍️ Odam bir koʻrgandayoq bir umr sevib qoladigan odamlarni hamisha uchratavermaydi.
✍️ Bittasi xudoga mutlaqo ishonmaydi, ikkinchisi xudoga shu qadar ishonadiki, ibodat qila turib odam soʻyadi.
✍️ Kolumb Amerikani ochgandan keyin emas, Amerikani ochayotgan chog‘da baxtli bo‘lgan.
✍️ Odamlar bir-biriga ozor berish uchun yaratilgan.
✍️ Goʻzallik dunyoni qutqaradi.

📱 Barcha iqtiboslar: jadid.uz/?p=6447

Tilda, fikrda, ishda birlik!

Jadid.uz | Telegram | Facebook | Instagram | YouTube

✅
“YOZGANINGIZ ULUSQA MARGʻUB BO‘LGʻAY”
Xayriddin SULTONOV

Yangi O‘zbekistonda jadidlik harakatini o‘rganish va targ‘ib etishga nima uchun bu qadar ulkan e’tibor qaratilmoqda?

🔗 Batafsil: jadid.uz/?p=9081

Tilda, fikrda, ishda birlik!

Jadid.uz | Telegram | Facebook | Instagram | YouTube

✅
“O‘Z YERNI QO‘YIB…” YOXUD MUSHTARAK MUHOJIRLIK
Mehmet Emin SHARXAN

XIX asrning ikkinchi yarmi va XX asr boshlarida Rossiya imperiyasining Turkiston hududiga bosqini natijasida minglab mahalliy aholi, jumladan, siyosiy va diniy yetakchilar, jadidlar o‘z vatanlarini tark etishga majbur bo‘ldilar. Turkiyalik dong‘il shoir Mehmet Emin Sharxan xotiralaridan quyida keltirilayotgan parcha bugungi kun yoshlarini doim harakatda bo‘lishga undashi bilan ham ahamiyatli.

🔗 Batafsil: jadid.uz/?p=9073

Tilda, fikrda, ishda birlik!

Jadid.uz | Telegram | Facebook | Instagram | YouTube

✅
BOBUR G‘AZALIGA MUXAMMAS

Jamoling vasfini, ey oy, necha eldin eshitg‘aymen,
Alar yanglig‘ misolingni necha ellarga aytg‘aymen,
Xayolimda malaksiymo go‘zal rasming yaratg‘aymen,
Muhabbat koridan ayr-u yumushlardinki kechg‘aymen,
Ne kun bo‘lgay, visolingga meni dilxasta yetkaymen.

Farog‘at chog‘i gulzorda o‘zing tanhomi yurg‘aysen,
Malohat gullariga ham raqobatlar yeturg‘aysen,
Javob tarzi savolimga na holing debki so‘rg‘aysen,
Tarahhum yuzidin yuzingni ko‘rmoqqa buyurg‘aysen,
Xush ulkim, orazing ko‘rg‘amen-u so‘zing eshitkaymen.

Demasmen, ey xumor ko‘z, sen menga zulmingni kam-kam qil,
Ki, zulming rohatim bo‘lg‘ay, sira kam qilmagin, zam qil,
Xayolim bog‘lading bundoq, yana boshimni ham xam qil,
Itingdurmen, soching zanjirini bo‘ynimga mahkam qil,
Ki, vodiyi firoqing ichra qo‘rqarmenki, yitg‘aymen.

Tarahhum qilmasang yo boqmay, istig‘no bila o‘tsang,
Nigoh aylarga qo‘ymay, ko‘zlarim yuzingga zor etsang,
O‘zing shodsen, meni g‘urbat aro tashlasang-u ketsang,
Vafoni va’da qilmay, ming jafolar dog‘i ko‘rsatsang,
Tazarru’ qilg‘amen yo yig‘lag‘aymen, o‘zga netkaymen?

Musharraf bo‘lmasam bormoqqa men qosh-u qabog‘ingga,
“Muborak” so‘zlarim yetmas esa hargiz qulog‘ingga,
Munosib ko‘rmasang Mannop yuzini ko‘z qarog‘ingga,
Muyassar bo‘lmasa boshimni qo‘ymoqlik ayog‘ingga,
Olib boshimni, ey Bobur, ayoq yetguncha ketkaymen!

Abdumannob EGAMBERDIYEV

Tilda, fikrda, ishda birlik!

Jadid.uz | Telegram | Facebook | Instagram | YouTube

✅
TADQIQ VA TANQID UCHUN TASHAKKUR!
Otabek BAKIROV

“Jadid” gazetasida teatr mavzusi davom etadi. Ikrom Bo‘riboyevning keng qamrovli “Teatr: u hozir ham ibratxonami?” (2025-yil 3-son) nomli tahlilidan keyin Xurshid Abdurashidning “Sahnadagi malikul kalom: fazilat va kamchiliklar” (2025-yil 6-son) maqolasining berilishi ayni muddao bo‘ldi.

🔗 Batafsil: jadid.uz/?p=9070

Tilda, fikrda, ishda birlik!

Jadid.uz | Telegram | Facebook | Instagram | YouTube

⏳⏳⏳⏳

22-fevral – shoir Azim Suyun tavallud topgan kun

Nima bo‘lsa bo‘lsin demang dunyoda,
Ko‘ngil g‘am toshlarin qilmang ziyoda.
Siz bugun otlisiz, bizmiz piyoda,
Diydor qiyomatga qolmasin, keling.

Yor, deb atamoqqa jur’atimiz yo‘q,
Zarimiz, zo‘rimiz, himmatimiz yo‘q.
Borimiz – sevgimiz, g‘iybatimiz yo‘q,
Diydor qiyomatga qolmasin, keling.

Rangimiz sarg‘aydi – zarg‘aldoq rangi,
Holimiz parishon – tuyoqning changi.
Umr deganlari qo‘ng‘iroq zangi,
Diydor qiyomatga qolmasin, keling.

Siz yor bo‘lmog‘ini kutgan Azim bu,
Vafo iforgulin tutgan Azim bu.
Sizsiz bu jahonni netgan Azim bu,
Diydor qiyomatga qolmasin, keling.

Tilda, fikrda, ishda birlik!

Jadid.uz | Telegram | Facebook | Instagram | YouTube

1️⃣2️⃣3️⃣4️⃣5️⃣

📰 Kunning muhim xabarlari

➡️ Prezident Shavkat Mirziyoyev 21-fevral kuni Mudofaa sanoati agentligining Innovatsion texnologiyalar markaziga tashrif buyurib, ishlab chiqarish quvvatlari, ilg‘or ishlanmalar, harbiy va ikki xil maqsadga mo‘ljallangan mahsulotlar bilan tanishdi.

➡️ O‘zbekiston xalq artisti, maqom ijrochisi Nafisa To‘xtayeva 83 yoshida vafot etdi.

➡️ Futbol bo‘yicha Yevropa Chempionlar ligasining pley-off bosqichi uchun qur’a tashlandi. Unda “Liverpul” “PSJ” bilan, “Real” esa Madridning boshqa jamoasi – “Atletiko” bilan bellashadi.

➡️ Bishkekda Qirg‘iziston va Tojikiston o‘rtasida umumiy chegarani delimitatsiya qilish bo‘yicha kelishuv imzolandi. Hujjatlarni endi ikki mamlakat rahbarlari imzolashi kerak.

➡️ Rossiya va AQSH vakillari so‘nggi oylarda Shveysariyada urush mavzusida norasmiy va yashirincha uchrashib turibdi.

Tilda, fikrda, ishda birlik!

Jadid.uz | Telegram | Facebook | Instagram | YouTube

#jadidlar

MAZHARIDDIN BURHONOV

⚫️ 1878-yilda Buxoro shahrida mudarris oilasida tugʻilgan. O‘zbekiston Respublikasi davlat madhiyasi bastakori Mutal Burhonovning katta amakisi.
⚫️ Saudiya Arabistonining Makka va Madina, Hindistonning Dehli va boshqa shaharlarida bo‘lgan.
⚫️ 1937-yil qamoqqa olingan va aka-ukalari bilan birgalikda 1937-yil 25-oktyabrda Toshkent shahrida otib tashlangan.

📱 BATAFSIL

Tilda, fikrda, ishda birlik!

Jadid.uz | Telegram | Facebook | Instagram | YouTube

✅
Muqaddas Ka’ba yopinchig‘ining bir parchasi Islom sivilizatsiyasi markaziga joylashtiriladi

Prezident Shavkat Mirziyoyev Saudiya Arabistoni Podshohligi haj va umra ishlari vaziri Tavfiq bin Favzon ar-Rabia boshchiligidagi delegatsiyani qabul qildi. Uchrashuv avvalida yuqori martabali mehmon davlatimiz rahbariga Saudiya Arabistoni Podshohi Salmon Ol Saud hamda Valiahd, mamlakat Bosh vaziri Muhammad bin Salmon Ol Saudning salomi va samimiy tilaklarini yetkazdi. Shuningdek, vazir Prezidentimizga Podshohning ko‘p millatli O‘zbekiston xalqiga hadyasi – muqaddas Ka’ba yopinchig‘i – Kisvaning bir parchasini topshirdi.

🔗 Batafsil: jadid.uz/?p=9062

Tilda, fikrda, ishda birlik!

Jadid.uz | Telegram | Facebook | Instagram | YouTube

✅
AXIR NAVOIY BOR...

So‘z ochsam, o‘zbekning mahobatidan,
Muqaddas bir ism tilimga yordir.
Baxt yog‘ar bu so‘zning salobatidan:
– Axir, Navoiy bor! Navoiy bordir!

Kimdir moziyni deb itday talashar,
Mening, ortga boqsam, ko‘nglim bahordir.
O‘tmishdan so‘zlamoq menga yarashar –
Axir, Navoiy bor! Navoiy bordir!

Asrlar bostirib kelmoqda qator,
Xudo qo‘llaganga mangulik xordir:
Vaqtning tahdidlari o‘zbekka bekor –
Axir, Navoiy bor! Navoiy bordir!

She’r aro yuribman dalli-devona,
Magar mag‘lub ersam – arzimas kordir:
Nazm falagiga yetmas paymona –
Axir, Navoiy bor! Navoiy bordir!

Xudoyo! Nechun she’r o‘qiyapman sha’n,
Nechun ohanglarim mardonavordir?
Chunki She’r bo‘stoni menga ham Vatan –
Axir, Navoiy bor! Navoiy bordir!

Usmon AZIM

Tilda, fikrda, ishda birlik!

Jadid.uz | Telegram | Facebook | Instagram | YouTube

✅
Agar kishi tijorat bilan mashg‘ul bo‘lsa, bu dunyoda farovon yashaydi, agar ibodat bilan shug‘ullansa, u dunyoda oxirati obod bo‘ladi, agar ilm bilan shug‘ullansa, u ikki dunyo saodatiga erishadi.

Abdurauf FITRAT

Tilda, fikrda, ishda birlik!

Jadid.uz | Telegram | Facebook | Instagram | YouTube