Odiljon Mamatkarimov

Odiljon Mamatkarimov Uychi tumanidagi Beruniy mahallasida fuqarolar bilan uchrashdi

O‘zbekiston Respublikasi Oliy Majlisi Senati a’zosi Odiljon Mamatkarimov Namangan viloyati Uychi tumanidagi “Beruniy” mahallasida fuqarolar bilan uyma-uy yurib uchrashdi.

Senator mahalla aholisining kundalik hayoti, ularni qiynayotgan muammolar va qiziqtirgan masalalar bilan yaqindan tanishish maqsadida bevosita muloqot olib bordi. Uchrashuv davomida mahalla raisi bilan hududning ijtimoiy-iqtisodiy holati, aholi ehtiyojlari va mavjud muammolar bo‘yicha fikr almashildi. Joylardagi muammolarni hal etishga qaratilgan taklif va yechimlar muhokama qilindi.

Shuningdek, senator ijtimoiy himoyaga muhtoj oilalar, yolg‘iz keksalar va imkoniyati cheklangan fuqarolar xonadonlariga tashrif buyurib, ularning holidan xabar oldi va yaqinlashib kelayotgan yangi yil bayrami bilan samimiy tabrikladi.

Mazkur uchrashuv davomida fuqarolar tomonidan ko‘tarilgan masalalar va muammolar o‘rganilib, ularni hal etish uchun tegishli choralar ko‘rilishi ta’kidlandi. Ushbu tashrif senatorning fuqarolar bilan muntazam muloqot qilishga, muammolarni joyida hal etishga intilayotganidan dalolat bo‘ldi.

Yangi yil arafasida aziz ustozga ehtirom: Professor Ahmadjon Soliyev xonadoni yo'qlandi.

Yangi yil bayrami arafasida O‘zbekiston Respublikasi Oliy Majlisi Senati a’zosi Odiljon Mamatkarimov, Namangan muhandislik-texnologiya instituti rektori v.v.b Oybek Ergashev hamda institut prorektorlari professor Ahmadjon Soliyev xonadoniga tashrif buyurib, aziz ustozni bayram bilan tabrikladilar.

Tashrif davomida ustozning ilmiy sohadagi xizmatlari, yoshlarga bergan bilimlari va institut taraqqiyotiga qo‘shgan ulkan hissasi e’tirof etildi. Mehmonlar professor Ahmadjon Soliyevga chuqur hurmat va ehtirom izhor qilib, unga sog‘liq, uzoq umr va yangi yilda yangi zafarlar tiladilar.

Mazkur uchrashuv samimiy va iliq muhitda o‘tdi. Aziz ustoz bayram oldidan ko‘rsatilgan e’tibor uchun mehmonlarga o‘z minnatdorchiligini bildirdi. Bunday uchrashuvlar ustoz-murabbiylarga hurmat va milliy qadriyatlarni ulug‘lashning yorqin namunasi hisoblanadi.

Yangi yil barchaga ezgulik va baxt olib kelsin!

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

Ezgu tashrif, ehtiromga yo‘g‘rilgan uchrashuv: Mehnat faxriysi Muhammadali Xoldorov xonadoni yo'qlandi.

Yangi yil bayrami arafasida O‘zbekiston Respublikasi Oliy Majlisi Senati a’zosi Odiljon Mamatkarimov, Namangan muhandislik-texnologiya instituti rektori v.v.b Oybek Ergashev hamda institut prorektorlari uzoq yillar davomida institutning xo‘jalik ishlarida samarali mehnat qilgan Muhammadali Xoldorov xonadonini ziyorat qildilar.

Mazkur tashrif davomida Muhammadali Xoldorovning ilm maskanidagi uzoq yillik xizmatlari e’tirof etilib, uning zahmatli mehnati uchun minnatdorchilik bildirildi. Shuningdek, ularning hayotiy tajribasi va institut rivojidagi hissasi alohida ta’kidlandi.

Uchrashuv samimiy va iliq muhitda o‘tdi. Yangi yilni eshik qoqib kelayotgan kunlarda bunday e’tibor ko‘rsatish ulkan qadriyat va insoniylik belgisi ekanini yana bir bor yodga soldi. Muhammadali Xoldorov va uning oilasi mehmonlarni katta mamnuniyat bilan kutib olib, ularning e’tiboridan chuqur minnatdor ekanliklarini bildirdilar.

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

Yangi yil arafasida ustozga ehtirom: Dotsent A.Burxanov holidan xabar olindi.

Yangi yil bayrami arafasida O‘zbekiston Respublikasi Oliy Majlisi Senati a’zosi Odiljon Mamatkarimov, Namangan muhandislik-texnologiya instituti rektori v.v.b. Oybek Ergashev hamda institut prorektorlari "Texnologik mashinalar va jihozlar" kafedrasida uzoq yillar davomida samarali mehnat qilgan va yosh avlod tarbiyasiga katta hissa qo‘shgan dotsent A.Burxanov xonadoniga tashrif buyurishdi.

Tashrif davomida ustozning fidokorona faoliyati, bilim va tajribasi haqida iliq so‘zlar bildirilib, uning institutimiz va talabalar uchun katta boylik ekani ta’kidlandi. Shuningdek, A.Burxanovga yangi yil munosabati bilan samimiy tilaklar izhor qilinib, ustozning sog‘ligi va uzoq umr ko‘rishi uchun ezgu niyatlar bildirildi.

Bu tashrif ustozlar mehnatini qadrlash, ularning bilim va tajribasini yoshlarga yetkazish an’analarini davom ettirishga qaratilgan qadrli qadamdir.

Dotsent A.Burxanov kabi fidoyi ustozlarning ilm yo‘lidagi mehnatlari doimo e’zozda bo‘lib, yangi yil arafasida ularni qadrlash yoshlarga ibrat bo‘lib xizmat qiladi.

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

Yangi yil arafasida ustozni yodga olish: professor Umarjon Meliboyev xonadoni ziyorat qilindi

Yangi yil bayrami arafasida O‘zbekiston Respublikasi Oliy Majlisi Senati a’zosi Odiljon Mamatkarimov, Namangan muhandislik-texnologiya instituti rektori v.v.b. Oybek Ergashev hamda institut prorektorlari institut rivojiga ulkan hissa qo‘shgan, texnika fanlari nomzodi, professor marhum Umarjon Meliboyev xonadonini ziyorat qilishdi.

Tashrif davomida marhum ustozning haqqiga duo qilinib, uning ilmiy faoliyati, fidoyiligi va yoshlarga bergan saboqlari yodga olindi. Ziyorat davomida xonadon ahli bilan suhbatlashilib, ularning holidan xabar olindi va yangi yil bayrami munosabati bilan ezgu tilaklar bildirildi.

Mazkur tashrif ustozlarga hurmat va ehtiromning namunasi bo‘lib, ilm yo‘lida fidoyilik ko‘rsatganlar xotirasini abadiy e’zozlash milliy qadriyatimizning muhim bir qismidir.

Ustozni yodga olish va uning xonadonini yo‘qlash orqali yangi yil arafasida ezgu an’analarning davom ettirilgani yoshlarga ibrat bo‘lib xizmat qiladi.

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

Senator xalq bilan muloqotda: Odiljon Mamatkarimov Uychi tumanida fuqarolar bilan uchrashdi

O‘zbekiston Respublikasi Oliy Majlisi Senati a’zosi Odiljon Mamatkarimov Namangan viloyati Uychi tumanidagi “Shifokor” mahallasida bo‘lib, fuqarolar bilan bevosita muloqot qildi. Uchrashuv davomida senator mahallada uyma-uy yurib, yurtdoshlarimizning hayoti, muammolari va qiziqtirgan masalalari bilan yaqindan tanishdi.

Uchrashuv davomida “Shifokor” mahallasi raisi bilan mahallaning ijtimoiy-iqtisodiy holati, aholi ehtiyojlari va mavjud muammolar yuzasidan fikr almashildi. Mahalla raisi senator bilan birgalikda joylardagi muammolarni hal qilish bo‘yicha taklif va yechimlarni muhokama qildi. Bu fikr almashuv kelgusida mahalla aholisiga yanada qulay sharoitlar yaratish uchun muhim qadam bo‘ldi.

Shuningdek, mahallada istiqomat qiluvchi ijtimoiy himoyaga muhtoj oilalar, yolg‘iz keksalar va imkoniyati cheklangan fuqarolar xonadonlariga tashrif buyurildi. Senator ularning holidan xabar olib, ularni yangi yil bayrami bilan chin dildan tabrikladi.

Mazkur uchrashuv davomida fuqarolar tomonidan bildirilgan masalalar va muammolar o‘rganilib, ularni hal qilish uchun tegishli choralar ko‘rilishi ta’kidlandi. Ushbu tashrif senatorning aholi bilan muntazam muloqotda bo‘lishga intilayotganidan dalolat bo‘lib, muammolarni joyida hal qilishga xizmat qiladi.