Namangan viloyati hokimligi

#сарҳисоб

Муҳтарам Юртбошимиз томонларидан 2020 йил 8-октябрь куни “Жамиятда аёллар ва ёшларнинг ролини ошириш ҳамда бандлигини таъминлаш чора-тадбирлари” муҳокамасига бағишлаб ўтказилган видеоселектор йиғилишида берган топшириқларига асосан “Аёллар дафтари” жорий этилди.

2020 йилдан бошлаб ушбу тизимга 5 та босқич орқали 291 027 нафар (I-босқичда 35 275 нафар, II-босқичда 36 179 нафар, III-босқичда 53 571 нафар, IV-босқичда 81 002 нафар, V-босқичда 85 000 нафар) хотин-қизлар киритилиб, 289 мингдан ортиқ хотин-қизларга манзилли ёрдамлар кўрсатилди. Бу ёрдамларга 290 млрд.сўмдан ортиқ маблағ йўналтирилди.

Мисол тариқасида, жорий йилнинг ўзида 84 мингдан ортиқ хотин-қизларга 6 та тоифа бўйича Вилоят ҳокими раҳбарлигида секторлар, масъул ташкилот ҳамда бошқармаларни жалб этган ҳолда ижтимоий-иқтисодий, тиббий, хуқуқий ва психологик ёрдамлар берилди.
Дафтарга киритилган 85 000 нафар хотин-қизлардан 84 516 нафари(99,4 %)нинг муаммолари ўрганилиб, ҳал этилди. Жумладан, тегишли масъулларни жалб этган ҳолда 54 448 нафар ишсиз хотин-қизларни бандлиги таъминланди, 2 673 нафар тадбиркорлик қилиш истагида бўлган хотин-қизларга кредитлар чиқариб берилди, 11 089 нафар боқувчиси бўлмаган эҳтиёжманд хотин-қизларга бир марталик моддий ёрдам маблағлари ажратилди, 227 нафар хотин-қизларни уй-жойи таъмирлаб берилди, 11 103 нафар ижтимоий ёрдамга муҳтож I ва II-гуруҳ ногиронлиги бўлган хотин-қизларга бир марталик моддий ёрдам маблағлари ажратилди, 28 нафар хотин-қизлар уй-жой билан таъминланди, 203 нафар хотин-қизларни ижара конпенсацияси тўлаб берилди, 4 972 нафар қарамоғида ногиронлиги бўлган фарзандлари мавжуд хотин-қизларга бир марталик моддий ёрдам маблағлари ажратилган бўлса 53 нафар хотин-қизларга эса томорқадан унумли фойдаланиши учун имтиёзли ер берилди.
Ушбу ҳайрли ишларга 75 млрд.сўмдан ортиқ маблағ йўналтирилди. Бу ёрдамлар орқали ҳар бир эҳтиёжманд хотин-қизлар албатта “Президент меҳри”ни ҳис этмоқда.

"Аёллар дафтари" вилоят штаби.

Sayt | Telegram | Instagram | Facebook |Twitter | YouTube

ФОТОРЕПОРТАЖ

Наманган вилоятининг марказий арчаси атрофида байрамона кайфият ҳукмрон

Наманган шаҳрида янги йил байрами арафасида кўнгилочар тадбирлар давом этмоқда.

Вилоятимизнинг марказий арчасини кўриш учун келган ёшу катталарнинг кайфиятлари чоғ.

Қувноқ мусиқалар ва саҳна чиқишлари томошабинларни янада руҳлантирмоқда.

Байрам тадбирлари ҳар бир иштирокчининг юзида шодлик ва завқ уйғотган. Ёритилган арча остида ёшлар суратга тушиб, янги йил хотираларини тарихга муҳрлашмоқда.

Наманган шаҳар ҳокимлиги ахборот хизмати

#Об_ҳаво

"Ўзгидромет" Наманган вилояти бўйлаб 31 декабрь куни кузатиладиган об-ҳаво маълумотини эълон қилди.

Унга кўра:
Ҳаво бироз булутли бўлади, ёғингарчилик кутилмайди. Айрим жойларга туман тушиши мумкин. Ғарбий шамол йўналишини ўзгартириб, шарқдан 7-12 м/с тезликда эсади. Ҳарорат кечаси 2° совуқ-3° илиқ, кундуз 6-11° илиқ бўлади.

ТОҒЛИ ҲУДУДЛАРИ
Ҳаво бироз булутли бўлади, вақти-вақти билан ёғингарчилик (ёмғир, қор) бўлади. Айрим жойларга туман тушиши мумкин. Ҳарорат кечаси 2-7° совуқ, кундузи 2° совуқ-3° илиқ бўлади.

Sayt | Telegram | Instagram | Facebook |Twitter | YouTubeq