Oliy Majlis Senati

Shuni ishonch bilan aytish mumkinki, xalqaro hamkorlarimiz islohotlarimizga xayrixoh va barcha jabhalarda bizni qo‘llab-quvvatlashga tayyor. Bu ham bo‘lsa hurmatli Prezidentimiz tomonidan qatʼiyatlik va dadillik bilan olib borilayotgan ochiq va pragmatik tashqi siyosat samarasidir.

Parlament o‘laroq milliy manfaatlarimizni xalqaro maydonda ilgari surishda Davlatimiz rahbariga yelkadosh bo‘lishimiz kerak.

– Yaqinda yoshlar parlamentining birinchi majlisi bo‘lib o‘tdi, unda Laylo Aslonova ushbu tuzilmaning raisi etib saylandi. Biz yosh hamkasblarimiz bilan oldimizda turgan ustuvor vazifalar, birgalikda eʼtibor qaratishimiz lozim bo‘lgan muhim yo‘nalishlarni atroflicha muhokama qilib oldik. Xususan, qonun ijodkorligi jarayonida faol ishtirok etish, ayniqsa yoshlar bilan muntazam muloqot qilib, ularning muammolarini aniqlash, tizimli tahlil qilish va bartaraf etish bo‘yicha qonunchilik takliflarini shakllantirishga alohida eʼtibor qaratish zarur, – dedi yuqori palata rahbari.

– “O‘zbekiston – 2030” strategiyasida belgilangan g‘oya va maqsadlar yo‘lidagi tizimli saʼy-harakatlar natijasida iqtisodiyotimiz yuksalmoqda. Ijtimoiy sohalar zamonaviy yondashuvlar asosida rivojlanmoqda. Yaqinda mazkur Strategiyani joriy yilda yaʼni, “Atrof-muhitni asrash va “yashil" iqtisodiyot yili"da amalga oshirish bo‘yicha keng qamrovli davlat dasturi qabul qilindi. Iqlim o‘zgarishlarining salbiy oqibatlarini yumshatish, soha va tarmoqlarni rivojlantirish va aholi turmush darajasini yaxshilashning “yashil rivojlanish” modeliga o‘tish bo‘yicha dasturiy vazifalar va aniq chora-tadbirlar belgilab olindi. Xususan, qayta tiklanuvi energiya manbalari ulushini hozirgi 16 foizdan 26 foizga oshirish belgilandi. Bu degani 20 dan ziyod yirik quyosh, shamol va gidro elektr stansiyalari ishga tushiriladi, - dedi Senat Raisi.