Odiljon Mamatkarimov

Uychi tumanida Oila va xotin-qizlar maskani foydalanishga topshirildi

Uychi tumanida xotin-qizlarning huquq va manfaatlarini himoya qilish, ularni qo‘llab-quvvatlash hamda ijtimoiy faolligini oshirishga xizmat qiluvchi Oila va xotin-qizlar maskani binosi tantanali ravishda foydalanishga topshirildi. Mazkur zamonaviy markaz ayollar uchun yangi imkoniyatlar eshigini ochib, ularning kasbiy malakasini oshirish, tadbirkorlikni rivojlantirish va jamiyatdagi rolini mustahkamlashga xizmat qiladi.

Tadbirda Namangan viloyati hokimi, Oliy Majlis Senati a’zosi Shavkatjon Abdurazakov, sektor rahbari hamda Oliy Majlis Senati a’zosi, Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasi raisi o‘rinbosari Odiljon Mamatkarimov ishtirok etdilar. Ular o‘z chiqishlarida mazkur maskan oilaviy qadriyatlarni mustahkamlash, xotin-qizlarning huquqiy va iqtisodiy bilimlarini oshirish hamda ularni har tomonlama qo‘llab-quvvatlashda muhim ahamiyat kasb etishini ta’kidladilar.

Yangi maskan tuman xotin-qizlari uchun muhim ijtimoiy markazga aylanishi kutilmoqda. Bu yerda turli treninglar, seminarlar va maslahat xizmatlari tashkil etilib, ayollarning jamiyatdagi faolligini oshirishga ko‘mak beriladi. Ushbu tashabbus, o‘z navbatida, xotin-qizlarning turmush farovonligini oshirish hamda ularning ijtimoiy hayotdagi o‘rnini mustahkamlashga xizmat qiladi.

Fuqarolar murojaatlari tinglandi: muammolar yechimi bo‘yicha ko‘rsatmalar berildi

Oliy Majlis Senati a’zosi, Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasi raisi o‘rinbosari Odiljon Mamatkarimov Uychi tumanidagi "Ezgulik" mahallasida fuqarolar bilan uchrashib, ularning murojaat va takliflarini tingladi. Ochiq muloqot shaklida o‘tgan uchrashuvda mahalla aholisi tomonidan turli ijtimoiy va iqtisodiy masalalar ko‘tarildi.

Qabul davomida fuqarolar mahalla infratuzilmasini yaxshilash, ijtimoiy muhofaza, bandlik, tadbirkorlikni rivojlantirish kabi yo‘nalishlarda o‘z fikr va takliflarini bildirdilar. Senator murojaatlarni sinchkovlik bilan o‘rganib, ularning yechimiga doir mas’ullarga tegishli tavsiyalar berildi berdi hamda ayrim masalalar joyida hal etildi.

Bunday uchrashuvlar fuqarolarning dardini eshitish, dolzarb muammolarni o‘z vaqtida aniqlash va ularning yechimiga zamin yaratish uchun muhim ahamiyat kasb etadi. Aholi bilan to‘g‘ridan-to‘g‘ri muloqot qilish orqali mahalliy muammolar tezkor va samarali hal etilishi yo‘lga qo‘yilmoqda.

Qonunchilik, nuroniylar, yoshlar va taraqqiyot: Senator Odiljon Mamatkarimov Namanganda muhim uchrashuv o'tkazdi.

Namangan viloyati Ma’rifat markazida senator, nuroniylar va yoshlar ishtirokida mazmunli uchrashuv tashkil etildi. Tadbirda Oliy Majlis Senati a’zosi, Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasi raisi o‘rinbosari Odiljon Mamatkarimov qatnashib, mamlakatimizda amalga oshirilayotgan qonunchilik islohotlari va ularning ahamiyati haqida so‘z yuritdi. Uchrashuv, nafaqat qonunlar mohiyatini tushuntirish, balki jamiyat hayotidagi dolzarb masalalar bo‘yicha fikr almashish uchun ham muhim maydon bo‘ldi.

Uchrashuv davomida senator Oliy Majlis Senatining 3-yalpi majlisida qabul qilingan qonunlarning mazmun-mohiyati bilan yig‘ilganlarni tanishtirdi. Qonunlar aholi farovonligini oshirish, yoshlarning ijtimoiy-iqtisodiy hayotdagi faolligini qo‘llab-quvvatlash, investitsiyalarni jalb etish va turizm sohasini rivojlantirish kabi muhim yo‘nalishlarga qaratilganligi ta’kidlandi. Ishtirokchilar senator bilan ochiq muloqot qilib, o‘zlarini qiziqtirgan savollarga javob oldilar.

Bunday uchrashuvlar yosh avlodning qonunchilik jarayonlari bilan yaqindan tanishishiga, nuroniylarning esa jamiyat hayotida faol ishtirok etishda davom etishiga sharoit yaratadi. Ochiq muloqot muhitida o‘tgan tadbir yoshlarga motivatsiya berish bilan birga, ularning davlat boshqaruvida faol ishtirok etishiga zamin yaratishi bilan ahamiyatlidir.

Xalq deputatlari Namangan viloyat Kengashida muhokamalar: samaradorlik va qonuniylik masalalari diqqat markazida

Oliy Majlis Senati a’zosi, Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasi raisi o‘rinbosari Odiljon Mamatkarimov Xalq deputatlari Namangan viloyat Kengashi faoliyati bilan tanishdi.

Tashrif davomida mahalliy Kengashlar faoliyatining samaradorligini oshirish, qabul qilinayotgan qarorlarning qonuniyligini ta’minlash hamda doimiy komissiyalar rolini kuchaytirish bo‘yicha muhim tavsiyalar berildi.

Shuningdek, deputatlarning “mahalla yettiligi” bilan hamkorligini rivojlantirish, joylarda fuqarolarning muammolarini tizimli hal etish va 2025 yilga mo‘ljallangan ijtimoiy-iqtisodiy rivojlanish dasturlari ijrosi ustidan nazorat masalalari atroflicha muhokama qilindi.

Hududlarni kompleks rivojlantirish va mahalliy boshqaruv samaradorligini oshirishga qaratilgan bu kabi tashriflar tizimli islohotlarning amaliy natijalarga aylanishida muhim o‘rin tutadi.