"Юрист МАЛИКОВ Ш.К." — @konun Telegram-kanali

Юрист МАЛИКОВ Ш.К.

20 Dec 2024, 05:41

Тарбиячиларга сертификат учун устама тўланмайдими?

@Yurist_Xizmati 4871-савол:

Салом мен мактабгача таълим ташкилотида олий малумотли тарбиячи лавозимида ишлайман. Мактабларда чет тили сертификати бор укитувчиларга кушимча устама пули туланади. Мени Турк тилидан В2 даражали TYS сертификатим бор. Мактабгача ва мактаб таълими вазирлиги Наманган вилояти булими экономисти тарбиячиларга сертификат учун устама туланмайди деяпди бу канчалик тугри?

ЮРИСТ ЖАВОБИ:

Ҳақиқатдан ҳам шундай, сизга устама берилмайди.

Ўзбекистон Республикаси Президентининг 11.05.2022 йилдаги ПФ-134-сон Фармони 9-бандига кўра халқаро тан олинган сертификатга эга бўлган педагог кадрларга — уларнинг тариф ставкасига нисбатан 50 ва 20 фоиз миқдорида ҳар ойлик қўшимча устама тўланиши белгиланган.

Энди қаранг! Ўзбекистон Республикаси Олий таълим, фан ва инновациялар вазирлигининг 2024-йил 4-апрелдаги 4-қ/қ-сон ва Мактабгача ва мактаб таълими вазирлигининг 2024-йил 2-апрелдаги 3-мҳ-сон қарори (рўйхат рақами 3515)га иловада Хорижий тиллар ва умумтаълим фанларини билиш даражасини белгиловчи миллий ва халқаро тан олинган сертификатлар Рўйхати тасдиқланган.

Ушбу қарорга кўра устама тил ёки фан сертификати орқали фақат шу фан бўйича тегишли сертификатини олган ўқитувчиларга тўланади.

❌ Шундай экан сизга турк тили сертификати учун устама тўланмайди.

234 0 1

Юрист МАЛИКОВ Ш.К.

20 Dec 2024, 05:39

⚡️Мактаб ва боғчаларда Янги йил байрамини ўтказишга оид расмий кўрсатмалар берилди

Мактабгача ва мактаб таълими
вазирлигининг 2024 йил 17 декабрдаги 04-37-4269-сон кўрсатма хати билан таълим муассасаларида Янги йил байрами тадбирларини ўтказиш бўйича кўрсатмалар берилди.

Ушбу кўрсатмалар мактабгача таълим ташкилотлари, умумтаълим, ихтисослаштирилган, ижод ва Президент мактабларига нисбатан татбиқ этилади.

✅ Янги йил байрами муносабати билан қуйидагилар тавсия этилди

🔘Янги йил байрами муносабати билан таълим ташкилотлари ҳудуди, биноси ҳамда синф хоналарини тартибга келтириш, таълим ташкилотлари ҳовлисидаги табиий арчани (мавжуд бўлса) ўқувчи ва тарбияланувчилар қўл меҳнати билан ясалган турли безаклар билан безатиш;

🔘байрам тадбирларини таълим ташкилотлари ҳудудида, қизиқарли тарзда ташкил этиш ва таълим муассасаси ҳудудини байрамона безатиш;

🔘байрам тадбирларини таълим ташкилотларининг гуруҳларида ва бошланғич синф ўқувчилари учун синф хоналарида, дарс машғулотларига халақит бермаган ҳолда ўтказиш;

🔘таълим ташкилотларининг юқори синфлари ўртасида қўл меҳнати билан тайёрланадиган безаклар (қоғоздан ясалган қор парчалари ва бошқа Янги йил байрамига хос бўлган безаклар) танлови, Энг чиройли безатилган синф" ва "Энг яхши Янги йил табрикномаси" (синф номидан мактабга, ўқитувчиларга, ота-оналарга) каби кўрик-танловлар ташкил этиш;

🔘ўқувчилар томонидан Янги йил байрами билан боғлиқ турли хил эртаклар ва саҳна кўринишларини намойиш
этиш тавсия этилади.

❗️Қуйидаги ишлар амалга оширилиши лозим

➖ўқувчилар ҳамда ота-оналар ўртасида Янги йил байрамини оила даврасида ўтказиш юзасидан тарғибот-ташвиқот ишларини ташкил этиш;

➖ўқувчилар томонидан турли хил пиротехник воситаларни олиб келиш ҳамда улардан фойдаланишга йўл қўймаслик чораларини кўриш;

➖таълим ташкилоти раҳбарияти томонидан "Эрталабки сафланиш"лар давомида, синф раҳбарлари томонидан эса "Синф соатлари" ва "Ота-оналар мажлиси"да турли хил пиротехника воситаларидан фойдаланишнинг оғир оқибатлари ҳақида ўқувчилар ва уларнинг ота-оналари билан тушунтириш ишлари олиб бориш лозим.

❌ Қуйидагилар тақиқланади

🚫 байрам баҳонасида табиий арча дарахтларининг шох ва новдаларини синдириш ёки уларни бошқа жойга кўчириш;

🚫 Янги йил байрамини нишонлаш баҳонасида ўқувчилар ва педагог ходимлар томонидан ноқонуний пул йиғимларини ташкил этиш;

🚫 Янги йил байрамини ресторан, кафе ва бошқа умумий овқатланиш шахобчаларида ўтказиш, шунингдек, ўқувчилар, уларнинг ота-оналари томонидан байрам муносабати билан таълим ташкилоти раҳбарияти ва педагог ходимларга турли хил совғалар тақдим этиш қатъиян тақиқланади..

199 0 2

Юрист МАЛИКОВ Ш.К.

20 Dec 2024, 05:39

⚡️Эндиликда Темир йўлда йўловчиларга йўл давомида чой, ичимлик суви, шакар бепул берилади

“Темир йўл транспорти соҳасида давлат томонидан тартибга солинадиган ва бозор тамойиллари асосида кўрсатиладиган хизматлар рўйхатини тасдиқлаш тўғрисида”ги Ҳукумат қарори (851-сон, 18.12.2024 й.) қабул қилинди.

Унга кўра, қуйидагилар тасдиқланди:

➖Темир йўл транспорти соҳасида давлат томонидан тартибга солинадиган хизматлар рўйхати;
➖Темир йўл транспорти соҳасида бозор тамойиллари асосида кўрсатиладиган хизматлар рўйхати;
➖Темир йўл транспорти соҳасида истеъмолчиларга бепул кўрсатиладиган хизматлар рўйхати.

✅ Бунда истеъмолчиларга аравача, она ва бола хонасидан фойдаланиш, кутиш залида Wi-Fi, ногиронлар учун аравачалар, йўл давомида чой, ичимлик суви, шакар бепул тақдим этилади.

145 0 0

Юрист МАЛИКОВ Ш.К.

20 Dec 2024, 05:38

ДМТТ мусиқа раҳбари неча соат ишлаши керак?

@Yurist_Xizmati 4872-савол:

Assalomu aleykum. Men maktabgacha taʼlim tashkilotida musiqa raxbari boʻlib ishlayman. Bizni 1stavka uchun qonunda necha soat belgilangan. Menga 1stavkada ishlaganim uchun har kuni ( haftaga 5kun) soat 8:00dan 16:00gacha ish vaqting deb talab qiliyapti. Meni soat 8:00 dan ishga kechirgin kelganim uchun meni oylik ish maoshimdan noyabr oyida 625ming soʻm olib qolgan. Oʻzi qonunan maktabgacha taʼlim tashkilotlarida musiqa raxbarlari uchun 1stavkaga necha soat qilib belgilangan. Meni ishga kechirgin kelganligini sababli oyligimdan 625ming ushlab qilishga haqqi bormi? Menga shu masalada yordam bering.

ЮРИСТ ЖАВОБИ:

Вазирлар Маҳкамасининг 2018-йил 5-январдаги 10-сон қарорига 1-иловада /тасдиқланган Низом 12-бандига кўра давлат мактабгача таълим ташкилотида педагог ходимлар учун ҳафталик иш юкламасининг қуйидаги миқдорлари белгиланади:

▪️тил бўйича ўқитувчи — 18 соат;
▪️ўқитувчи-логопед, ўқитувчи-дефектолог — 24 соат;
▪️кўп тармоқли ихтисослаштирилган мактабгача таълим ташкилотларининг тарбиячиси, тарбиячи-методисти — 25 соат;
▪️тарбиячи, тарбиячи-методист — 36 соат;
▪️кўп тармоқли ихтисослаштирилган мактабгача таълим ташкилотларининг ёрдамчи тарбиячиси — 36 соат;
▪️жисмоний тарбия йўриқчиси — 30 соат;
▪️мусиқа ходими, хореограф — 24 соат.

☝️Демак, юқоридаги қоидага кўра ДМТТ мусиқа ходимлари (раҳбари ҳам) учун 1 ставка миқдоридаги иш ставкасига ҳафтасига 24 соатлик иш ҳафта белгиланган.

✅ Шундай экан, сиз ҳам ҳафтасига 24 соат ишлашингиз керак..

137 0 0

Юрист МАЛИКОВ Ш.К.

20 Dec 2024, 05:37

Ўқишни онлайн қилса бўладими?

@Yurist_Xizmati 4873-савол:

Assalomu aleykum. Xususiy universitetda sirtqi ta'limda 3-kursda oʻqiyman. 5 oylik farzandim bor oʻqishimni onlayn qilmoqchiman, lekin dekanat bunga ruxsat bermiyapti akademik ta'til olishim kerakligini aytyapti. Kontrakt to'lovimni 50 foizini to'laganman. O'qishimni onlayn qilsam bo'ladimi?
Bu borasida birorta qaror bormi?

ЮРИСТ ЖАВОБИ:

Вазирлар Маҳкамасининг 03.06.2021 – йилдаги 344 – сон қарорининг 11 – бандига кўра талабалар аризасига (ихтиёрига) кўра олий таълим муассасаси ректори (директори)нинг буйруғига мувофиқ, унинг ўқиши академик таътил муддатига таълимнинг сиртқи ёки масофавий таълим шаклига ўтказилиши мумкин.

💁‍♂ Бунда Олий таълим муассасасида ушбу таълим йўналиши учун масофавий таълим шакли мавжуд бўлган тақдирда талабанинг ўқиши аризасига кўра белгиланган муддатга ушбу таълим шаклига ўтказилади.

Бундан ташқари Вазирлар Маҳкамасининг 03.06.2021 – йилдаги 344 – сон қарорининг талаба сурункали касаллиги сабабли бир ойдан ортиқ вақт давомида дарсларда қатнаша олмаса, ўзи, ота-онаси ёки уларнинг ўрнини босувчи шахс томонидан ОТМ ректори номига академик таътил олиш учун ҳам ариза билан мурожаат этиши лозим.

Ушбу қарорга кўра қуйидаги ҳолларда талаба академик таътил олиши мумкин.

👉 саломатлигини тиклаш учун;
👉 ҳомиладорлик ва туғиш учун;
Ва бошқа ҳолатларда.

✅ Шунга кўра юқоридаги асослар бўлганда ва ОТМда масовафий таълим шакли бўлганда сиз ўқишни онлайн шаклга ўзгартиришингиз мумкин..

213 0 1

Юрист МАЛИКОВ Ш.К.

20 Dec 2024, 05:37

#Биласизми

Қайси ўқитувчиларга 50%, 70%, 100% миқдорида устама тўланади?

"Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги тизимидаги ихтисослаштирилган мактаблар тармоғини кенгайтириш тўғрисида" ги ПФ-106-сонли Фармонига кўра,

«Илғор ўқитувчи», «Устоз ўқитувчи» ёки «Профессионал ўқитувчи» даражали сертификатни олган педагог кадрларига қуйидаги миқдорда қўшимча ҳақ тўланади:

1️⃣«Илғор ўқитувчи» даражали сертификатни олган педагог кадрларга уларнинг базавий тариф ставкасига нисбатан — ҳар ойлик 50 фоиз миқдорида;

2️⃣«Устоз ўқитувчи» даражали сертификатни олган педагог кадрларга уларнинг базавий тариф ставкасига нисбатан — ҳар ойлик 70 фоиз миқдорида;

3️⃣«Профессионал ўқитувчи» даражали сертификатни олган педагог кадрларга уларнинг базавий тариф ставкасига — нисбатан ҳар ойлик 100 фоиз миқдорида устама тўланади..

179 0 2

Юрист МАЛИКОВ Ш.К.

7 Oct 2024, 15:00

Bandlik vazirligi dan repost

❗️МАЖБУРИЙ МЕҲНАТ УЧУН ЖАВОБГАРЛИК БОР

▪️Конституциянинг 44-моддаси ҳамда Меҳнат кодексининг 5-моддасида мажбурий меҳнатнинг тақиқланиши аниқ кўрсатилган.

▪️Маъмурий жавобгарлик тўғрисидаги кодекснинг 51-моддасига кўра, меҳнатга бирон-бир шаклда маъмурий тарзда мажбурлаш, — базавий ҳисоблаш миқдорининг эллик бараваридан юз баравари (37 500 000 сўм)гача миқдорда жарима солишга сабаб бўлади.

⚠️Мажбурий меҳнат ташкилотчиси бўлган шахс маъмурий жавобгарликка тортилганидан кейин яна шундай қилмишни такрорласа, Жиноят кодексининг 148²-моддасига асосан, жиноий жавобгарликка тортилади.

Ҳурматли юртдошлар!

Мажбурий меҳнат ҳолатларига гувоҳ бўлсангиз Давлат меҳнат инспекциясининг 1282 қисқа рақамига ёки @munosibmehnat_bot телеграм ботига мурожаат қилинг.

Эслатиб ўтамиз, “Жисмоний ва юридик шахсларнинг мурожаатлари тўғрисида”ги Қонуннинг 19-моддасига мувофиқ жисмоний шахснинг илтимосига кўра унинг шахсига доир бирон-бир маълумот ошкор этилмаслиги кафолатланади.

@mehnatvazirligi

689 0 7

Юрист МАЛИКОВ Ш.К.

30 Sep 2024, 07:49

⚡️Эртага, 1 октябрдан Педагог ходимларнинг оширилган ойликлари

Президентнинг куни кеча имзоланган фармонига мувофиқ, Оширилган маошлар бўйича ҳисобланганда, умумтаълим мактаби педагог ва бошқа ходимлари қуйидагича маош оладилар:

Мактаб директори:

• 4 млн 696 минг 805 сўм (400 ўқувчигача);
• 5 млн 015 минг 054 сўм (401-880 ўқувчигача);
• 5 млн 317 минг 901 сўм (881-1600 ўқувчигача);
• 5 млн 625 минг 394 сўм (1600дан ортиқ);

Директор ўринбосарлари: (ММИБДЎ, ЎТИБДЎ)

• 4 млн 386 минг 677 сўм (400 ўқувчигача);
• 4 млн 696 минг 805 сўм (401-880 ўқувчигача);
• 5 млн 015 минг 054 сўм (881 -1600 ўқувчигача);
• 5 млн 317 минг 901 сўм (1600дан ортиқ);

Директорнинг хўжалик ишлари бўйича ўринбосари:

• 1 млн 779 минг 871 сўм (400 ўқувчигача);
• 2 млн 030 минг 275 сўм (401-880 ўқувчигача);
• 2 млн 111 минг 025 сўм (881 -1600 ўқувчигача);
• 2 млн 286 минг 447 сўм (1600дан ортиқ);

ЧҲҚБТ раҳбари:

• Мутахассис – 3 млн 390 минг 824 сўм;
• Иккинчи тоифали – 3 млн 796 минг 213 сўм;
• Биринчи тоифали – 4 млн 230 минг 138 сўм;
• Олий тоифали – 4 млн 674 минг 594 сўм;

Психологлар:
• Олий маълумотли психолог – 3 млн 051 минг 742 сўм;
• Иккинчи тоифали психолог – 3 млн 268 минг 047 сўм;
• Биринчи тоифали психолог – 3 млн 489 минг 865 сўм;
• Олий тоифали психолог – 3 млн 702 минг 280 сўм;

Ўқитувчилар:
• Ўрта махсус маълумотли ўқитувчи – 3 млн 169 минг 623 сўм;
•

Олий маълумотли ўқитувчи – 3 млн 390 минг 824 сўм;
• Иккинчи тоифали ўқитувчи – 3 млн 796 минг 213 сўм;
• Биринчи тоифали ўқитувчи – 4 млн 230 минг 138 сўм;
• Олий тоифали ўқитувчи – 4 млн 674 минг 594 сўм;

Мактаб лаборанти:
1 млн 604 минг 647 сў

м;

Кадрлар бўйича менежер:
1 млн 598 минг 520 сўм;

Кутубхона мудири:
• Ўрта махсус маълумотли – 2 млн 135 минг 861 сўм;
• Олий маълумотли – 2 млн 330 минг 402 сўм;

Кутубхоначи:
• Ўрта мах

сус маълумотли – 1 млн 852 минг 107 сўм;
• Олий маълумотли – 1 млн 949 минг 589
сўм.

Юрист Хизмати | Расмий канал

⚡️Расман: Иш ҳақи, пенсия ва нафақалар миқдори 15 фоизга оширилди «Иш ҳақи, пенсиялар ва нафақалар миқдорини ошириш тўғрисида» Ўзбекистон Республикаси Президентининг Фармони имзоланди 🔹2024 йил 1 сентябрдан бошлаб пенсиялар ва нафақалар миқдори 15 фоизга оширилди. Бунда: ➖пенсияни ҳисоблашнинг б...

3.7k 0 39

Юрист МАЛИКОВ Ш.К.

25 Sep 2024, 12:44

ТЕЗКОР ЎЗБЕКИСТОН 🇺🇿🌍 dan repost

01:39

Video oldindan ko‘rish uchun mavjud emas

Telegram'da ko‘rish

❗️“Ҳеч бўлмаса миллион бўлсин, конвертга солиб берардим”. Шайхонтоҳурдаги мактабларда ўқитувчилар байрами учун пул йиғиш бошланди

Шайхонтоҳур туманидаги умумтаълим мактабларидан бирининг 2-синфида таҳсил олувчи ўқувчиларнинг ота-оналари 1 октябрь — Ўқитувчи ва мураббийлар куни муносабати билан миллионлаб пул йиғмоқда.

Агарда сиз пул йиғиш билан боғлиқ ҳолатлар ҳақида хабардор бўлсангиз, Ўзбекистон Республикаси Мактабгача ва мактаб таълими вазирлигининг +998 (71) 202 09 09 рақамли «ишонч телефони»га мурожаат қилишингиз сўралади.

📊 Internet magazin 🛍

@TEZKOROZBEKISTON🔻
➥ https://t.me/joinchat/AAAAAEqs5qegbLFOoqyJ3A

645 0 8

Юрист МАЛИКОВ Ш.К.

25 Sep 2024, 12:44

ТЕЗКОР ЎЗБЕКИСТОН 🇺🇿🌍 dan repost

00:26

Video oldindan ko‘rish uchun mavjud emas

Telegram'da ko‘rish

#Диққат

❗️Диний қўмита Ўзбекистон фуқароларини инстаграм, тик-тoк ва умуман ижтимоий тармоқларда диний материалларга маърузаларга лайк босмасликка чақирди

Яқинларга юбориб, огоҳлантириб қўйинг!

📊 Internet magazin 🛍

@TEZKOROZBEKISTON🔻
➥ https://t.me/joinchat/AAAAAEqs5qegbLFOoqyJ3A

597 0 9

Юрист МАЛИКОВ Ш.К.

20 Sep 2024, 17:22

PATRUL UZ | РАСМИЙ КАНАЛ dan repost

01:29

Video oldindan ko‘rish uchun mavjud emas

Telegram'da ko‘rish

❗️"Статья билан бўшатаман!..." деб қўрқитадиган бошлиқларга аталган видео

Ўзбекистон ҳудудида ишловчи барча билиши зарур бўлган ҳуқуқлар

Ишхона группасига, яқинларга тарқатиб қўйинг

👉 @PATRUL_UZ

642 0 16

Юрист МАЛИКОВ Ш.К.

7 Sep 2024, 06:51

⚡️Айрим ўқитувчиларга кабинет мудирлиги учун ҳар ой қўшимча ҳақ тўланади

Мактаблардаги лаборант лавозими тугатилиб, физика ва кимё фани ўқитувчиларидан бир нафарига кабинет мудирлиги учун ҳар ой 525 минг сўм қўшимча ҳақ тўланади.

1k 0 3

Юрист МАЛИКОВ Ш.К.

6 Sep 2024, 20:27

Ўқитувчиларнинг фарзандларини боғчага қабул қилишда имтиёз борми?

@Yurist_Xizmati 4677-савол:

Assalomu alaykum. Kanalingizni anchadan buyon kuzatib boraman. Ancha manfaatli kanal. Savolim shundan iboratki, farzandim 3 yoshga to'ldi. Lekin davlat bogʻchasiga navbati kelmayapti. Navbatni farzandim tugʻilishi bilanoq 15 kun ichida onlayn qoʻyganmiz. Joriy yilning sentyabr oyidan pedagogik faoliyatimni boshlayman ya'ni maktabga o'qituvchi boʻlib ishga kirdim. O'qituvchilarning farzandlariga bogʻchaga qabul qilinishiga biror imtiyoz bormi? Javob uchun oldindan rahmat!

ЮРИСТ ЖАВОБИ:

Вазирлар Маҳкамасининг 2018-йил 28-мартдаги 244-сон қарорига 1-иловада тасдиқланган Болаларни давлат мактабгача таълим ташкилотларига қабул қилиш бўйича давлат хизматлари кўрсатишнинг маъмурий Регламенти 18-бандига кўра талабалар ва педагогларнинг болалари контингенти сўровномалари имтиёзли рўйхатга киритилади.

Бунда имтиёзли рўйхатга киритиладиган, шунингдек, махсус контингентга кирувчи болаларнинг ҳамда ижтимоий кўмакка муҳтож оилалар болаларининг сўровномалари давлат хизматлари марказларига бориб, устунлик ҳуқуқини ёки тегишли контингентга киришини тасдиқловчи ҳужжатнинг аслини нусхасини кўрсатган ҳолда расмийлаштирилади.

Ушбу регламентнинг 19-бандига кўра ариза берувчиларда ушбу бандга мувофиқ устунлик ҳуқуқининг мавжудлиги тўғрисидаги маълумот сўровномада кўрсатилади.

Ушбу жараёнда Имтиёзли рўйхатга киритиладиган, шунингдек, махсус контингентга кирувчи болалар ва ижтимоий кўмакка муҳтож оилаларнинг болаларига берилган йўлланмалар ҳамда уларнинг устунлик ҳуқуқини ёки тегишли контингентга киришини тасдиқловчи ҳужжатларнинг асл нусхалари болаларни ташкилотга қабул қилиш учун асос ҳисобланади.

✅ Шунга кўра сиз педагог бўлганингиз учун фарзандингиз ДМТТларга имтиёзли рўйхат асосида қабул қилиши лозим. Мазкур масалада сиз давлат хизматлари марказига (ДХМ) мурожаат қилишингиз лозим.

749 0 4

Юрист МАЛИКОВ Ш.К.

6 Sep 2024, 20:27

❗️Қисқартиришга тушган кутубхоначи ва психологларнинг ҳуқуқлари

Мактабгача ва мактаб таълими вазирининг 2024 йил 30 августдаги 288-сон буйруғи билан ХТВ 406-сон буйруққа ўзгартириш кирилди.

Унга кўра, мактабларда кутубхоначи ва психолог лавозимларининг штат жадвалида қисқартиришлар амалга оширилди.

Бу Республика бўйлаб барча мактабларда юқоридаги лавозимда ишлайдиган бир неча минг ходимлар ишсиз қолиши ёки ставкаси қисқариши демакдир.

Натижада ҳудудий адлия, меҳнат органлари ва фуқаролик судларида ишга тиклаш билан боғлиқ низолар анчагина кўпайишига олиб келиши мумкин.

Ушбу жараёнда иш берувчиларга меҳнат шартномасини ўзгартириш ёки бекор қилишда амалдаги меҳнат қонунчилиги нормаларига риоя қилишини сўраб қоламиз.

Шунингдек, қисқартиришга тушган ходимларга уларнинг бир қатор ҳуқуқлари борлигини ва улардан ҳеч иккиланмай фойдаланишни тавсия қиламиз.

Қуйидаги мақоламизда қисқартиришга тушган кутубхоначи ва психологларнинг ҳуқуқлари батафсил баён этилган.

Юрист Хизмати | Расмий канал

❗️Maktablardagi ayrim lavozimlar qisqartirildi Maktabgacha va maktab taʼlimi vazirining buyrug‘i (30.08.2024 №288) bilan umumiy oʻrta taʼlim sohasida bir-birini takrorlovchi samarasiz xarajatlarni maqbullashtirish hamda Davlat byudjeti hisobidan ajratilayotgan mablagʻlardan samarali va oqilona foyd...

613 0 2

Юрист МАЛИКОВ Ш.К.

6 Sep 2024, 20:26

⚡️Мактаб ўқитувчиларига қандай устама ва қўшимчалар тўланади? (2-қисм)

Ўзбекистон Республикаси Вазирлар Маҳкамасининг 2019 йил 30 сентябрдаги “Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида”ги 823-сон қарорига мувофиқ:

✅ Директор жамғармаси маблағлари ҳисобидан Умумтаълим муассасалари ходимларига жумладан, педагог, психолог ва кутубхона ходимларининг базавий тариф ставкаларига нисбатан 10 фоиздан — 40 фоизгача устама;

Ўзбекистон Республикаси Вазирлар Маҳкамасининг 2019 йил 24 декабрдаги “Илм-фан ва таълим соҳасидаги давлат ташкилотларида илмий, илмий-педагогик ва меҳнат фаолияти билан шуғулланувчи илмий даражага эга ходимларга қўшимча ҳақ тўлаш тартиби тўғрисида”ги 1030-сон қарорига мувофиқ:

✅ Илм-фан ва таълим соҳасидаги давлат ташкилотларида (кейинги ўринларда ташкилот деб аталади) илмий-педагогик ва меҳнат фаолияти билан шуғулланувчи ходимларнинг лавозим маошига нисбатан:
фан номзоди ёки фалсафа доктори (PhD) (ёки хорижий мамлакатларда уларга тенглаштирилган даражалар) (кейинги ўринларда фалсафа доктори деб аталади) илмий даражасига эга шахслар учун — лавозим маошининг 30 фоизигача;

✅ фан доктори (Doctor of Science) (ёки хорижий мамлакатларда унга тенглаштирилган даража) (кейинги ўринларда фан доктори деб аталади) илмий даражасига эга шахслар учун — лавозим маошининг 60 фоизигача устама;

Ўзбекистон Республикаси Вазирлар Маҳкамасининг 2008 йил 3 январдаги “Фахрий унвонлар эгаларига тўловларни тайинлаш ва амалга ошириш тартиби тўғрисидаги низомни тасдиқлаш ҳақида”ги 2-сон қарорига мувофиқ:

✅ “Халқ” ва “Хизмат кўрсатган арбоб” фахрий унвонлари эгаларига базавий ҳисоблаш миқдорининг 3 баравари;

✅ “Хизмат кўрсатган” фахрий унвони эгаларига (қолган касблар бўйича) базавий ҳисоблаш миқдорининг 1,6 баравари миқдорида устама;

Ўзбекистон Республикаси Вазирлар Маҳкамасининг 2005 йил 21 декабрдаги “Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида”ги 275-сон қарорига мувофиқ:

а) синфдаги ўқувчилар сонига кўра синф раҳбарлиги учун меҳнатга ҳақ тўлашнинг энг кам миқдорига нисбатан 26,4 фоиздан — 52,8 фоизгача синфдаги ўқувчилар сонига кўра қуйидагича:

✅ 15 нафар ўқувчигача — 26,4 фоиз;
✅ 16 нафардан 20 нафар ўқувчигача — 31,6 фоиз;
✅ 21 нафардан 25 нафар ўқувчигача — 36,9 фоиз;
✅ 26 нафардан 30 нафар ўқувчигача — 42,1 фоиз;
✅ 31 нафар ва ундан кўп ўқувчи бўлганда — 52,8 фоиз;

б) дафтарларни ва ёзма ишларни текширганлик учун ўқувчилар сонидан келиб чиқиб меҳнатга ҳақ тўлашнинг энг кам миқдорига нисбатан 8,8 фоиздан — 17,6 фоизгача;

в) информатика кабинети мудирлиги учун меҳнатга ҳақ тўлашнинг энг кам миқдорига нисбатан 17,6 фоиз;

Ўзбекистон Республикаси Вазирлар Маҳкамасининг 2003 йил 11 августдаги “Ўзбекистон Республикаси Вазирлар Маҳкамаси ҳузуридаги Тошкент ислом университети битирувчиларини молиявий жиҳатдан қўллаб-қувватлаш тўғрисида”ги 347-сон қарорига мувофиқ:

✅ Вазирлар Маҳкамаси ҳузуридаги Тошкент ислом университетини битириб, давлат идоралари ва нодавлат ташкилотларга ишга қабул қилинадиган бакалавр ва магистрларнинг лавозим маошларига 20 фоиз устама тўланади.

546 0 6

Юрист МАЛИКОВ Ш.К.

6 Sep 2024, 20:25

⚡️Мактаб ўқитувчиларига қандай устама ва қўшимчалар тўланади? (1-қисм)

Ўқитувчилар учун қандай турдаги устамалар бор? Уларнинг миқдори қанча? Қандай ҳолатларда устама тўланади? Ушбу саҳифада мактаб ўқитувчилари учун устама турларини кўриб чиқамиз.

Ўзбекистон Республикаси Президентининг 2021 йил 11 январдаги “Олис ҳудудлардаги бюджет ташкилотларига малакали мутахассисларни жалб қилиш чора-тадбирлари тўғрисида”ги ПҚ – 4940-сон қарорига мувофиқ:

✅ бир маъмурий-ҳудудий бирликлар доирасида бошқа туман ва шаҳарлардан келиб фаолият юритаётган ўқитувчи-педагогларнинг базавий тариф ставкаларига 50 фоиз;

✅ бошқа маъмурий-ҳудудий бирликдан келиб фаолият юритаётган ўқитувчи-педагогларнинг базавий тариф ставкаларига 100 фоиз устама.

Ўзбекистон Республикаси Президентининг 2021 йил 19 майдаги “Ўзбекистон Республикасида хорижий тилларни ўрганишни оммалаштириш фаолиятини сифат жиҳатидан янги босқичга олиб чиқиш чора-тадбирлари тўғрисида”ги ПҚ – 5117-сон қарорига мувофиқ:

✅ таълим муассасаларининг камида С1 даражадаги миллий ёки унга тенглаштирилган мос даражадаги халқаро тан олинган сертификатга эга хорижий тиллар (инглиз, француз, немис, испан, итальян, араб, хитой, япон, корейс, турк, форс, пушту, дари, урду, ҳинд) ўқитувчиларига уларнинг базавий тариф ставкасига нисбатан ҳар ойлик 50 фоиз устама.

Ўзбекистон Республикаси Президентининг 2019 йил 3 майдаги “Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида”ги ПҚ – 4306-сон қарорига мувофиқ:

✅ халқаро олимпиадалар ғолибларини тайёрлаган ўқитувчилар ва таълим муассасаси директорларига навбатдаги ўқув йили учун директор жамғармасидан олтин, кумуш ва бронза медаллари бўйича тегишинча 150, 175, 200 фоиз

Таълим муассасаларида ўқитувчи бўлиб фаолият юритаётган:

✅ халқаро олимпиадалар ғолиблари лавозим маошига 150 фоиз;

✅ асосий олимпиадалар республика босқичи ғолиблари лавозим маошига 100 фоиз устама

Ўзбекистон Республикаси Президентининг 2010 йил 1 апрелдаги “Қишлоқ жойлардаги болалар спорти объектларида банд бўлган аёл спорт устозлари меҳнатини рағбатлантириш чора-тадбирлари тўғрисида”ги ПҚ – 1315-сон қарорига мувофиқ:

✅ қишлоқ жойлардаги умумтаълим мактабларида жисмоний тарбия ўқитувчиси ҳамда спорт устози бўлиб ишлаётган аёлларнинг тариф ставкаларига ҳар ойда 15 фоиз устама

Ўзбекистон Республикаси Президентининг 2022 йил 11 майдаги “2022 — 2026 йилларда халқ таълимини ривожлантириш бўйича миллий дастурни тасдиқлаш тўғрисида”ги ПФ – 134-сон қарорига мувофиқ:

✅ халқаро стандартлар талабларига жавоб берадиган миллий баҳолаш тизимида олинган сертификатга эга бўлган педагог кадрларга — уларнинг тариф ставкасига нисбатан 50 фоиз устама

Ўзбекистон Республикаси Вазирлар Маҳкамасининг 2022 йил 2 августдаги “Халқ таълими вазири жамғармаси фаолиятини ташкил этиш чора-тадбирлари тўғрисида”ги 425-сон қарорига мувофиқ:

✅ касбий маҳоратини баҳолаш бўйича ўтказилган тест ва суҳбат натижаларига кўра энг юқори балл тўплаган малакали педагог кадрларга меҳнатга ҳақ тўлашнинг энг кам миқдорининг 5,5 баравари миқдорида устама

Ўзбекистон Республикаси Вазирлар Маҳкамасининг 2021 йил 12 октябрдаги “Алоҳида таълим эҳтиёжлари бўлган болаларга таълим беришга оид норматив-ҳуқуқий ҳужжатларни тасдиқлаш тўғрисида”ги 638-сон қарорига мувофиқ:

✅ инклюзив таълим синфлари ўқитувчиларига меҳнатнинг алоҳида шароитлари учун ҳар ойда тўланадиган устама ҳақи синфда алоҳида таълим эҳтиёжлари бўлган бир нафар бола учун лавозим маошининг 10 фоиздан — 40 фоизгача устама

Ўзбекистон Республикаси Вазирлар Маҳкамасининг 2019 йил 7 июндаги “Олис ҳудудларда жойлашган умумий ўрта таълим муассасаларида фаолият юритаётган педагог ходимларнинг меҳнатини янада рағбатлантириш тўғрисида”ги 471-сон қарорига мувофиқ:

✅ олис ҳудудларда жойлашган умумий ўрта таълим муассасаларида бошқа ҳудудлардан келиб фаолият юритаётган педагог ходимларнинг базавий тариф ставкаларига иш стажидан келиб чиқиб 10 фоиздан — 50 фоизгача устама.

Юрист Хизмати | Расмий канал

Каналимиз № 0005006503 - сонли давлат рўйхатидан ўтган гувоҳнома асосида фаолият юритади. Саволларингизни каналимиз постларида кўрсатилган мурожаат ботларимиз орқали юборишингиз мумкин. Реклама бўйича: t.me/Yurist_Xizmati_reklama

411 0 3

Юрист МАЛИКОВ Ш.К.

6 Sep 2024, 20:23

Иккита дипломи бор ўқитувчи, икки фандан ҳам дарс олиши мумкинми?

@Yurist_Xizmati 4675-савол:

Ассалому алайкум. Мени саволим куйидагича. Мен укитувчиман иккита бакалавр дипломим бор. Биттаси физика фанидан, биттаси тарихдан. Мен битта мактабдан хам физика хам тарихдан дарс олишим мумкинми? Бу кай тартибда амалга оширилади. Жавобиз учун олдиндан рахмат

ЮРИСТ ЖАВОБИ:

✅ Ҳа мумкин.

Мактабгача ва мактаб таълими вазирининг 2024 йил 1 августдаги 238-сонли буйруғига 12-иловада тасдиқланган Умумий ўрта таълим мактаби (мактаб-интернат) раҳбар ва ходимларининг асосий лавозимларининг малака тавсифларига кўра ўқитувчи лавозимининг малака тавсифларига биноан:
а) бошланғич синф ўқитувчиси учун:

➖ бошланғич таълим ихтисослиги бўйича камида ўрта махсус педагогик маълумот ёки камида бакалавр даражасидаги олий маълумот ва бошланғич таълим ихтисослиги бўйича дарс бериш ҳуқуқи билан касбий қайта тайёрлов курсини тугатганлиги;

б) фан ўқитувчиси учун:

➖ фан йўналишига тўғри келувчи камида бакалавр даражасидаги олий педагогик маълумот ёки камида бакалавр даражасидаги олий маълумот ва фан йўналишига тўғри келувчи дарс бериш ҳуқуқи билан касбий қайта тайёрлов курсини тугатганлиги ёхуд фан йўналишига (хусусиятига) тўғри келувчи камида бакалавр даражасидаги олий маълумот ва педагогик фаолият юритиш ҳуқуқи билан қайта тайёрлов курсини тугатганлиги талаб этилади.

🤟Юқоридаги қоидага кўра фан ўқитувчиси шу фан бўйича олий педагогик маълумотга эга бўлиши кераклиги айтилмоқда.

Бу ҳолатда “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низомга (рўйхат рақами 3271) 15 ва 16-бандлари дарс тақсимотига нисбатан қўлланилади.

✅ Шунга кўра сиз икки фан бўйича олий педагогик маълумотга эга бўлсангиз, унда икки фандан дарс беришингиз мумкин.

439 0 0

Юрист МАЛИКОВ Ш.К.

3 Sep 2024, 20:35

Юриспруденсия йўналишида ўқийдиган талаба мактабда Ҳуқуқ фанидан дарс бериши мумкинми?

@Yurist_Xizmati 4672-савол:

Assalomu alaykum. Farg'ona Davlat universiteti yurisprudensiya yo'nalishi sirtqi 3-bosqich talabasiman. Maktabda huquq fanidan dars o'tishim mumkinmi? Yurisprudensiya -bu pedagogik yo'nalish emas, shuning uchun mumkinmas dars o'tishing, dars berish huquqing borligini qaysi asosga ko'ra isbotlab berasan, asoslab ber, deyishyapti. 275-qaror bo'yicha ishlasam bo'ladi, desang 275-bu pedagoglarga taalluqli, sen ayni vaqtda yurisprudensiya 3-kursda pedagog maqomida emassan, o'rta-maxsus maqomidasan, shuning uchun sen maktabda dars bera olmaysan. Qachonki yurisprudensiyani bitirib, keyin qayta tayyorlovda o'qibgina maktabda dars bersang bo'ladi, deyishyapti. Menga aniq qonuniy asos, javob kerak. Iltimos, shu masalada ko'mak bering

ЮРИСТ ЖАВОБИ:

❌ Йўқ, сиз ушбу йўналишни тамомласангиз ҳам мактабда ҳуқуқ фанидан дарс бера олмайсиз. Сабаби сиз педагогика йўналишида эмас, юриспруденсия йўналишида ўқийсиз.

Мактабгача ва мактаб таълими вазирининг 2024 йил 1 августдаги 238-сонли буйруғига 12-иловада тасдиқланган Умумий ўрта таълим мактаби (мактаб-интернат) раҳбар ва ходимларининг асосий лавозимларининг малака тавсифларига кўра ўқитувчи лавозимининг малака тавсифларига биноан:
а) бошланғич синф ўқитувчиси учун – бошланғич таълим ихтисослиги бўйича камида ўрта махсус педагогик маълумот ёки камида бакалавр даражасидаги олий маълумот ва бошланғич таълим ихтисослиги бўйича дарс бериш ҳуқуқи билан касбий қайта тайёрлов курсини тугатганлиги;
б) фан ўқитувчиси учун – фан йўналишига тўғри келувчи камида бакалавр даражасидаги олий педагогик маълумот ёки камида бакалавр даражасидаги олий маълумот ва фан йўналишига тўғри келувчи дарс бериш ҳуқуқи билан касбий қайта тайёрлов курсини тугатганлиги ёхуд фан йўналишига (хусусиятига) тўғри келувчи камида бакалавр даражасидаги олий маълумот ва педагогик фаолият юритиш ҳуқуқи билан қайта тайёрлов курсини тугатганлиги талаб этилади.

☝️Юқоридаги қоидага кўра фан айнан шу фан бўйича олий педагогик маълумот ёки олий маълумот + шу фан бўйича педагогик қайта тайёрловдан ўтган бўлиши талаб этилади.

Қаранг! Вазирлар Маҳкамасининг 275-сонли қарори билан тасдиқланган “Халқ таълими ходимлари меҳнатига ҳақ тўлаш тўғрисида”ги низомнинг 8-бандига кўра Олий таълим муассасасининг кундузги, кечки, сиртқи таълим шаклларининг педагогика йўналишларида ўқиётган шахслар 3-курсдан бошлаб ўқишига халақит бермаган ҳолда педагоглик ишини амалга ошириш учун умумтаълим муассасаларида асосий иш жойи сифатида ишга қабул қилиниши мумкин ва уларга ўрта махсус, касбий маълумотга эга бўлган тегишли лавозимдаги ходимнинг базавий тариф ставкаси сингари базавий тариф ставкаси белгиланади.

❗️Эътибор берган бўлсангиз, қоидада педагогика йўналиши назарда тутилган.

564 0 2

Юрист МАЛИКОВ Ш.К.

3 Sep 2024, 20:33

⚡️Қонунчиликда 1 сентябрдан нималар ўзгаради?

➖ Пенсия ва нафақалар миқдори оширилади;
➖ Айрим мактаб ўқувчилари учун бепул автобуслар қатнови йўлга қўйилади;
➖ Суғурта полисларини қоғоз шаклида расмийлаштириш амалиёти бекор қилинади
➖ Оғир атлетика спорт тури янада ривожлантирилади;
➖ Тадбиркорларнинг маркировкаланадиган маҳсулотларни маркировкани ўқиш қурилмаларисиз сотиш ҳолатлари солиқ базасидан аниқланганда - батафсил;
➖ Айрим чет тиллари бўйича имтиҳон харажатлари қоплаб берилиши лозим бўлган балл бир поғона пасайтирилади;
➖ Йўл объектлари алоҳида рухсатнома олингандан сўнг қурилади ва таъмирланади;
➖ Давлат харидларида ногиронлар, хотин-қизлар ва ёшларнинг бандлигини таъминлаган тадбиркорларга устунлик берилади;
➖ Айрим лойиҳалар доирасида импорт қилинадиган асбоб-ускуналарни суғурталаш харажатлари қоплаб берилади;
➖ Ногиронликни белгилаш осонлаштирилади;
➖ Ов қилиш фақат овчилик хўжаликлари ҳудудида амалга оширилади;
➖ Ов туризмини ташкил қилганлар мол-мулк ва ер солиғини камайтирилган ҳолда тўлайди;
➖ Жойлардаги иқтисодиёт ва молия бош бошқармаларида саноатни ривожлантириш йиғма бўлимлари ташкил этилади.

Huquqiy axborot

#2024_йил_1_сентябрдан ▶️ Қонунчиликка кўра, тадбиркорлар томонидан маркировкаланадиган маҳсулотларни маркировкани ўқиш қурилмаларидан фойдаланмаган ҳолда сотиш ҳолатлари солиқ органлари базаси маълумотлари асосида аниқланганда, ушбу тадбиркорлар шахсий кабинети орқали ҳолат юзасидан огоҳлантирил...

486 0 2

Юрист МАЛИКОВ Ш.К.

3 Sep 2024, 20:33

⚡️2024/2025 ўқув йилидан мактабларда Ҳуқуқ синфлари ташкил қилинади

"Давлат таълим муассасаларида юридик таълимнинг узлуксиз тизимини жорий этиш ҳамда вояга етмаган ёшларнинг ҳуқуқий маданияти ва саводхонлигини ошириш чора-тадбирлари тўғрисида”ги Ҳукумат қарори (532-сон, 27.08.2024 й.) қабул қилинди

Унга кўра, 2024/2025 ўқув йилидан босқичма-босқич умумий ўрта таълим муассасаларида “Давлат ва ҳуқуқ асослари” фани чуқурлаштириб ўқитиладиган вариатив ўқув режалари асосида замонавий кўргазмали ўқитиш воситалари билан таъминланган “Ҳуқуқ синфлари” ташкил этилади.

Умумтаълим муассасалари ҳуқуқ фанидан дарс берадиган олий юридик маълумотга эга бўлмаган педагог ходимларни бепул асосда 2026 йил якунигача босқичма-босқич юридик мутахассислик бўйича қайта тайёрланади.

Ҳуқуқ фанидан дарс берадиган педагог ходимларнинг малакасини ошириб бориш мақсадида 2024 йил 1 ноябргача узлуксиз касбий ривожлантириш платформаси яратилади.

2024/2025 ўқув йилидан умумтаълим муассасаларида “Давлат ва ҳуқуқ асослари” фанидан дарс берадиган педагог ходимлар учун “Энг яхши ҳуқуқ ўқитувчиси” республика кўрик танлови ўтказилади.

“Ҳуқуқ синфи”га ўқувчилар “Давлат ва ҳуқуқ асослари” фанига қизиқувчи 8-синф ўқувчилари орасидан саралаб олинади.

2024/2025 ўқув йилидан бошлаб “мактаб-лицей-техникум-университет” узлуксиз таълим тизими асосида академик лицейларни муваффақиятли тугатган ўқувчилар тест синовларисиз тўғридан-тўғри юридик техникумларга қабул қилинади.

Huquqiy axborot

#Қонунчиликдаги_янгиликлар ❗️Мактабларда Ҳуқуқ синфлари ташкил қилинади "Давлат таълим муассасаларида юридик таълимнинг узлуксиз тизимини жорий этиш ҳамда вояга етмаган ёшларнинг ҳуқуқий маданияти ва саводхонлигини ошириш чора-тадбирлари тўғрисида”ги Ҳукумат қарори (532-сон, 27.08.2024 й.) қабул қ...

362 0 2

Продам канал с доходом 138090

Продам твой канал за сутки.

Telegram Analytics

Юрист МАЛИКОВ Ш.К.

Kanal geosi va tili

Toifa

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

Юрист МАЛИКОВ Ш.К.

445

Kanalda mashhur

Sayt tili

Продам канал с доходом 138090

Продам твой канал за сутки.

Telegram Analytics

Юрист МАЛИКОВ Ш.К.

Kanal geosi va tili

Toifa

445

Kanalda mashhur