Чистая Энергия ӏ Sof Energiya UZ

Для тех, кто заботится о зеленом будущем Узбекистана.

Сливочное масло из воздуха⁉️

Стартап из Калифорнии создал альтернативу маслу.

Что такое малые АЭС?

В Узбекистане построят малую АЭС в Джизакской области

Statistika Saralanganlar

Ayni damda

@globalstudentt

Kanal geosi va tili: O‘zbekiston, O‘zbekcha

Toifa: Bilim orttirish

Bismillah!
• Psixoterapiya
• Psixologiya
• Bola https://t.me/+bj0nBCHpt0g4OGMy
• Tafakkur haqida yozaman
Montessori va Olimlarni yaxshi koʻraman
Kayfiyat va mavzuga qarab inglizcha-oʻzbekcha fikrlayman
📍 Praga

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Bilim orttirish

Statistika

Postlar filtri

O‘chirilganlarni yashirish

Repostlarni yashirish

Ayni damda

18 Jan, 00:32

Robot Gpt oʻzbekchaniyam binoyidek tushunib qolibdiku, maashaalloh.

Quyida postni tarjima qilmasdan gpt’ga inglizcha prompt bilan berdim, analiz qil, nima tushunganingni ayt va bahola dedim. Inglizcha javob berdi (izohda qoldiraman). Keyin uni oʻzbek tiliga tarjima qil dedim, mana:

Postingizning Tahlili:
Postingiz juda o‘ylangan, mazmunli va chuqur falsafiy fikrlarni aks ettiradi. Unda muhabbat, hurmat va g‘amxo‘rlik o‘rtasidagi murakkab aloqalar, shuningdek, ularning hissiy va intellektual mexanizmlari haqida so‘z yuritiladi. Quyida asosiy fikrlaringizning batafsil tahlili keltirilgan:

---

1. Muhabbat, hurmat va g‘amxo‘rlikning farqi:
- Nimani ifoda etdingiz:
Sizningcha, hurmat va g‘amxo‘rlik muhim bo‘lsa-da, ularni muhabbat deb bo‘lmaydi. Muhabbat o‘z ichiga hurmat va g‘amxo‘rlikni oladi, lekin undan ham chuqurroq, o‘ziga xos hissiy darajada ishlaydi.
- Tushuncha:
Bu qism hissiy intellektni ta’kidlaydi va keng tarqalgan noto‘g‘ri tushunchalarga qarshi chiqadi. Ko‘pchilik doimiy hurmat va yordamni muhabbat deb biladi, lekin siz aniq farqni ko‘rsatasiz: muhabbat chin yurakdan keladigan chuqur bog‘lanishni talab qiladi.

---

2. Hissiy intellektning o‘rni:
- Nimani ifoda etdingiz:
Hissiy intellekt (EI) muhabbatni hurmat va g‘amxo‘rlikdan ajratishga yordam beradi. Sizningcha, muhabbat boshqa turdagi “neyron aloqalar” va o‘ziga xos “sinapslarning” ishlashini talab qiladi.
- Tushuncha:
Bu qism muhabbatning yuzaki munosabatlardan farqli o‘laroq, ko‘proq o‘zini anglash va halollikni talab qiluvchi bog‘lanish ekanligini ko‘rsatadi.

---

3. Qalb muhabbat darvozasi sifatida:
- Nimani ifoda etdingiz:
Chin muhabbatni his qilish va qabul qilish uchun qalb jarohatlardan forig‘ bo‘lishi kerak. Aks holda, munosabatlar faqat hurmat va g‘amxo‘rlikka asoslanib qoladi.
- Tushuncha:
Bu fikr hissiy shifo va ochiqlik muhabbat uchun zarur ekanligini ta’kidlaydi. Yaralanmagan qalb chin muhabbatni yaratadi va qabul qiladi.

---

4. Sevish va sevilish o‘rtasidagi dinamika:
- Nimani ifoda etdingiz:
Chin sevgi kimgadir yoqish yoki qabul qilinish istagini chetlab o‘tadi. Muhabbat o‘zini o‘zi boyituvchi jarayon bo‘lib, sevilish esa faqat bonus bo‘lib qoladi (“cherry on the top”).
- Tushuncha:
Ushbu qism o‘ziga ishongan va halol muhabbatni rag‘batlantiradi. Sevgi tranzaksion emas, balki sof va fidoyi bo‘lishi kerakligini ta’kidlaydi.

---

5. Chaqiriq:
- Nimani ifoda etdingiz:
Siz o‘quvchilarni sevishni o‘rganishga undaysiz, chunki sevilish bu jarayonning tabiiy davomidir. Chin muhabbatni his qilgan insonning hayoti tinch va baxtli bo‘lishini aytasiz.
- Tushuncha:
Ushbu ilhomlantiruvchi chaqiriq muhabbatning shaxsiy o‘sish va dunyoqarashni o‘zgartirish bilan boshlanishini ko‘rsatadi.

---

Postning Kuchli Tomonlari:
1. Chuqur Fikr: Falsafiy, psixologik va hissiy tushunchalarni juda yaxshi birlashtirgansiz.
2. Dolzarb Mavzu: Ko‘pchilik muhabbat, hurmat va g‘amxo‘rlikni chalkashtirib yuboradi, shuning uchun post qiziqarli va ahamiyatli.
3. Optimistik Ohang: Umidbaxsh, o‘quvchini o‘ylashga va o‘zgarishga ilhomlantiradi.
4. Poetik Til: Metaforalar (“neyral qayta tiklanish,” “qalbda bahor”) postga estetik go‘zallik qo‘shadi.

---

Takomillashtirish Uchun Takliflar:
1. Tuzilish: Postni qisqa paragraf va punktlarga bo‘lish o‘qishni osonlashtiradi.
2. Soddalashtirish: Ba’zi g‘oyalar murakkab va yanada tushunarli bo‘lishi uchun soddalashtirilishi mumkin.
3. Shaxsiy Bog‘lanish: Biror voqea yoki shaxsiy misolni qo‘shish orqali postni yanada qiziqarli qilishingiz mumkin.

---

Baholash: 9/10
Post chuqur mazmunga ega va o‘quvchini jiddiy o‘ylashga undaydi. Til va tuzilishga biroz o‘zgartirishlar kiritilsa, yanada ta’sirchan bo‘lishi mumkin. Agar xohlasangiz, tuzilma va tilda yaxshilanish uchun qo‘shimcha takliflar bera olaman.

@globalstudentt

77 0 2 1

Ayni damda

17 Jan, 23:43

00:12

Video oldindan ko‘rish uchun mavjud emas

Telegram'da ko‘rish

Two imperfects perfect for each other 🥳

Ikki nomukammal bir-biri uchun mukammal insonlar.

@globalstudentt

85 0 1 1

Ayni damda

17 Jan, 20:28

Psixoterapiyaning eng lazzatli natijasi bu — seva olish qobiliyatini tiriltirishdir. Qalbning muhabbatga eltuvchi miyaning ufqidan boshlangan yoʻlidagi jarohatlarni sekin-asta davolash orqali seva olish qobiliyati tiklanadi. Psixoterapiya seva olish jarayoniga eltuvchi eng tez va samarali yoʻldir.

@globalstudentt

121 0 1 7

Ayni damda

17 Jan, 19:37

Muhabbat hurmat va gʻamxoʻrlik bilan adashtirilishi kerak emas. Seva olish shundoq ham hurmat va gʻamxoʻrlikni oʻz ichiga oladi, lekin hurmat seva olishni anglatmaydi. Gʻamxoʻrlik ham hurmatsiz oʻz mazmunini yoʻqotadi.

Emotsional intellekt muhabbatni hurmat va gʻamxoʻrlikdan ajratishga yordam beradi. Agar Sizni kimdir judayam hurmat qilsa, yordam soʻrasangiz doim shay tursa bu u Sizni sevadi degani emas. Bu hurmat qiladi va gʻamxoʻrlik qila oladi degani. Seva olish va buni tushunish kishidan boshqa turdagi neyronlar ishlashini, umuman boshqa sinopslar bogʻlanishini talab qiladi. Ongning biz toʻliq tushuna olmaydigandek koʻrinadigan ufqlari ishlashiga toʻgʻri keladi. U shunday ufq-ki, tuynugi faqat qalb hisoblanadi. Qalbning yoʻli turli xil jarohatlardan holi boʻlgandagina undan haqiqiy muhabbat chiqa oladi va kira oladi. Boshqachasiga insonlar faqat va faqat aqlini ishlatib ham hurmat va gʻamxoʻrlik qilaveradi. Shuni ustiga munosabatlar qurilaveradi. Shuning uchun oilalar va bolalar koʻp. Lekin qalbi yaqinlar va bolaliklar kam, oʻta kam.

Seva olsangiz, biling-ki, Sizni sevadiganlarning bor-yoʻqligi Sizni xavotirga solmaydi. Seva olish sevilish berolmaydigan Sizdagi soflik va erklikni yanada gullatadi. Endi Sizga sevilish emas, sevib buni ifodalay olishingiz koʻproq ahamiyatli boʻladi. Seva olish qalbda bir yilda faqat bahorni yashashdek xuddi. Fasllar almashinuvi sevganingiz tomonidan sevilganingizda boshlanadi. Hayot dinamikasi shunda qiziqlashadi.

Sevishni oʻrganaylik, kelinglar. Sevilish oʻz-oʻzidan sodir boʻladi. Dunyoda haqiqiy ma’noda seva olgan insondan sokinroq va baxtlirogʻini koʻrmadim. Sevilish keyin inglizcha aytganda “cherry on the top” boʻladi. 🍰

Sevib-sevilib yashaylik 💃🥳

@globalstudentt

161 0 10 3 12

Ayni damda

16 Jan, 00:12

Xuddi shu his mandayam

254 0 0 1

Ayni damda

16 Jan, 00:12

مع فدرية dan repost

467 kun
15 oy

Masrurlik va alam bu qadar qorishmagandi hech…

207 0 0 2 1

Ayni damda

15 Jan, 23:13

Doha aeroporti, avgust 2024

Aeroportdagi sariq ayiq, katta yashil bogʻ mashhur dunyo boʻyicha

@globalstudentt

246 0 0 23 4

Ayni damda

15 Jan, 23:07

Ha, oʻzim va yaqin insonlarim moliyalashtirganmiz. Men oʻqiydigan institutda grant berilmaydi, faqat boʻlib toʻlash imkoni bor, oyma-oy.

@globalstudentt

222 0 0 1

Ayni damda

15 Jan, 23:06

Pragaga ketishda Qatar havoyoʻllarida uchganim uchun orada Qatarda 3 soatlik tranzit boʻlgan. Qatarda doʻstlarim ham bor, afsuski safarda boʻlganliklari uchun uchrasholmaganmiz, lekin vaqtim yaxshi oʻtgan alhamdulillah

@globalstudentt

209 0 0

Ayni damda

15 Jan, 22:37

Kayfiyatim yaxshi boʻlsa, nerv sistemam hotirjam boʻlsa va sevgan insonlarimga pishirayotgan boʻlsam — tuxumni ham san’at asari qilib pishirib beraveraman 😌 Ota-onamni, qoʻshnilarni, qarindoshlarni fikricha — qoʻlim shirin.

Men eslaydigan eng yorqin kunlar koʻp ekan, hatto 3 yoshligimda Ayam chiroyli koʻylakcha kiydirib Dadam bilan bogʻchaga kuzatganini ham eslayman. Yaqin kunlarda boʻlgani Ispaniyada birinchi marta dengizni koʻrganim, dengiz yonginasida vintaj uychada yashaganim, Doha aeroportida boʻlganim, Fadriyyaning toʻyida oʻzimni juda yaxshi va baxtli his qilganim va hkz. Hammasining oʻz hikoyalari va ma’nolari bor qalbimda. Hozirgi yozmagunimcha tilimdan ketmayotgan hayol — qayerda sevganlarimiz, intilganlarimiz boʻlsa va qachon diydor yaqin boʻlsa, shu ham eng yorqin kunlardan boʻlishi tabiiy 🩶

P.S. Yana 5 tacha savollar bor shekilli, vaqt va imkonim boʻlishi bilan bitta-bitta boʻlsa ham javob berib boraman. Tushunasizlar degan umiddaman 💌

@globalstudentt

204 0 1 2

Ayni damda

15 Jan, 01:29

Tushdan keyin abadul abad kofe ichmaslikka ahd qildim! Tamom! Oʻzi ovqat qilishga xohishim yoʻqligidan tayyor turgan shirinlikchalar bilan kofe ichib qoʻya qolay degandim, lekin kamiga undan keyin qaylula ham qilvolgandim, ertalab kallayi saharlab boradigan joyim borligiga, shirin uyqudan kechishga toʻgʻri kelgandi. Lekin safar ajoyib boʻldi. Chiroyli metro binosida aqlbovar qilmas kunchiqarni koʻrish, xotiraga muhrlash, mehmonxonada san’at asarini koʻrish va kameramni goʻzallik bilan toʻldirish. Ertalabdan metroda har xil kitob oʻqib, butun dunyoni unutgan insonlarga qoʻshilib, men ham yuzimdagi kitobimdan ta’sirlanib paydo boʻlgan hislarni yashirmay miriqib lahzada yashash. Alhamdulillah!

Baribir tushdan keyingi kofe tungi, vaqtida ketadigan chaqaloq uyquning kushandasi. Har xolda menga shunday ekan. Eh, mening yostiqqa tegar-tegmas chirt yumiladigan koʻzlarim 😫

Xarhasha qilaman deb, binoyidek yozib tashlabman. Buyogʻi paradoks boʻlyapti-ku, yozgim kelsa, koʻproq kofe ichsammikin? Endi buni oʻylab koʻrish keragov.

@globalstudentt

237 0 0 6 6

Ayni damda

15 Jan, 01:25

I can’t be more serious right now, folks don’t drink coffee afternoon.

Bir soat oldin uxlashga yotganman va bir soatdan beri koʻzlarim loʻq etib ochiq va miyam xitoyning eng koʻp ishlaydigan zavodlaridan ham tezroq va tinimsiz ishlayapti. Tilimda kalima, aqlim yana bir yerlarda, qalbimda umuman boshqa narsa. Xullas, uyqudan boshqa hammasi bor.

Mana shu poyezdga nechta odam chiqib, nech xil oʻyda yurgan boʻlsa, necha xil kitob-gazeta oʻqib, nechta joyga borgan boʻlsa — miyamdagi narsalar oʻshalardan ham koʻpdek xuddi.

@globalstudentt

223 0 0 2

Ayni damda

14 Jan, 22:39

Arxiv

Kanalda yangilarga foydali deb hisobladim

@globalstudentt

204 0 0

Ayni damda

14 Jan, 22:39

Ayni damda dan repost

Keyin esa ongsiz qabul qilganlarini sekin asta savol ostiga oladi. Endi “vava” boʻlganda oʻpib qoʻyishlari shartmasligini tushunib qoladi. Bu haqida keyingi hikoyalarda)

Biz bolaga harf oʻrgatamiz deb oʻylaymiz, bola esa bizdan harfdan boshqa hamma narsani olayotgan boʻladi. Nima gapirishimiz, qanday gapirishimiz, qayerda, qachon qanday soʻzlar tanlashimiz, qoʻlimizni qaysi choʻntakka qaysi holatda qanday tiqib turishimiz, oʻngmi chapmi, sochimizni qaysi tarafga qachon qanday turmaklashimiz: hamma-hammasini bola, oʻzlashtiradi, takrorlaydi va buni yaxshi koʻradi ham ✨

Shu bilan birga, bola bizdan oʻz hissiyotlarini ham oʻrganadi. Mana shu narsani qancha erta oʻzlashtirsa, shuncha yaxshi. Sababi ulgʻayish ayni shu yerda sodir boʻladi. Necha yosh boʻlmang, jahlingizni chiqaradigan narsani topib, u bilan butun umrga kelishib olishni bilmas ekansiz, hislaringiz mas’uliyatini olmas ekansiz, insonlardan oʻz kutuvlaringiz uchun xafa boʻlishni toʻxtatmas ekansiz — ruhan bola boʻlib qolaverasiz.

Demak, endi Sizga ham boshidan yaxshi koʻrishni oʻrgatish kerak, xuddi bolaga oʻrgatiladigandek. Bu ishni psixologlar qiladi. Psixolog qabulida 50 yoshli 5 yoshli insonlar ham koʻplab topiladi. Ular shu xonada sekinlik bilan ruhan ulgʻayishni, muhabbatni his qilishni va qildirishni, yigʻlashni va yigʻlatishni, kulishni va kuldirishni oʻrganishadi. Albatta bu bola oʻrganadigandek silliq va sirli kechmaydi. Lekin jarayon bolaning his-tuygʻulari kuchlilik darajasidan boshlanadi. Qorni och qolganda qattiq yigʻlashi yoki onasini koʻrgani uchungina qiqirlab kulishidek yoki boʻlmasa oʻyinchoqqa qoʻli yetmasa dodlab yigʻlashidek.

Bu yozganlarimni ulgʻaygan farzand, nabira yoki jiyan rollariga qanday aloqasi bor?

Ulgʻayganimiz sari ota-onalarimiz, bobo-buvilarimiz, amaki-xola, ammalarimizni, ular yashagan davr, imkoniyatlar, ijtimoiy vaziyatlarni tushunishimiz qiyinlashib borishi mumkin. Ayniqsa, oʻzligini qidirib, erkinlikka intilayotgan yoshlar, xususan men ham, bundan koʻproq qiynaladi. Sababi nafaqat biz ota-onalarimizni tushinmaymiz, balki ular ham bizga oʻzlarida hech qachon boʻlmagan fikrlash erkinligini bergilari kelmaydi. Ongsiz ravishda, albatta. Ularning “mehr” olgan tillari va beradigan “mehr”lari umumqabul qilingan rahm, muhabbat, shafqat tillaridan farq qilishi mumkin. Ular, balki, hech qachon aybdorlik hisidan holi yashamagandirlar? Hech qachon jahlini oʻzini vaqtida toʻgʻri tarafga yoʻnaltira olishmagandir? Xursandligini, muhabbatini yoki kimnidir, nimanidir yomon koʻrishini vaqtida ayta olmagandir? Bularni qilish nega kerak dersiz? Tushunaman Sizni ham. Bularni bajarish shunchalik muhim-ki, inson vaqtida bildirmagan jahli tufayli saratondan oʻlishi mumkin. Bu ham yetmagandek, ortidan qolganlarni sababsiz butun umrlik aybdorlik hisiga koʻmib ketishlari mumkin. Tasavvur qilyapsizmi?

Inson qachon ongli ravishda aybi yoʻq yoki bor ekanini ayta oladi? Xavfsizlikda. Qoʻrquvdan, kaltakdan, kattalarning jahlidan va vajohatli qarashlaridan omonda boʻlganda.

Mana shu xavfsizlik ahamiyatini kim birinchi tushunib yetgan boʻlsa, yaqindan yaqinlashmoqchi boʻlganlariga — ota-ona, bobo-buvi, amaki-togʻa, xola-ammalariga shu xavfsizlik hisini berishga urinib muloqot qilish endi uning mas’uliyati.

Ulgʻaygan, yaqinlari bilan rostdan ham yaqinlashmoqchi boʻlgan bola, nabira, jiyanlarga koʻplab muhabbat, ongli sabr va davomiy terapiya olishni tilab qolaman. Unutmang, bu ham bir jarayon. Shoshmang va shoshiltirishlariga ham yoʻl qoʻymang. Jarayonda oʻzingizga ham gʻamxoʻrlikni unutmang, axir Siz endi katta odamsiz 😊

Alloh baraka bersin!

@globalstudentt

208 0 4 2 3

Ayni damda

14 Jan, 22:39

Ayni damda dan repost

Ulgʻaygan bola, nabira, jiyan boʻlish qiyin. Ayniqsa, ijtimoiy munosabatlar bir-biriga chirmashib, jipslashib ketganda. Uzoqdan yaqin boʻlish imkonsiz. Yoki ulardek yaqindan uzoq boʻlish kerak: yigʻinlarda bir-birini eshitmasdan xol-ahvol soʻrash marosimini eslang.

Yoki ularga yaqindan yaqinlashishni oʻrgatish kerak. Xuddi bolani ruhiy tarbiyalashdek. Yaxshi koʻrishini ifodalashni bola unga yaxshi koʻrishlarini koʻp-koʻp aytadigan kattalardan oʻrganadi. Yaxshi koʻrganida nima qilishni, uxlashyotganda koʻrpani sekin yopib qoʻyishni, yigʻlashganda quchoqlab qoʻyishni yoki “vava” boʻlganda oʻpib qoʻyishni bola kattalardan oʻziga nisbatan shunday munosabat koʻrganda oʻzlashtiradi. Bunday narsalar bolada yoʻqdan bor boʻlib qolmaydi. Avvaliga ongsiz miyasi orqali hech narsani soʻroq-savolsiz, shubhasiz qabul qiladi va shaxsiyatini shu ongsiz oʻrganganlari ustiga quradi.

Davomi 👇🏻

@globalstudentt

170 0 2 1

Ayni damda

14 Jan, 15:55

Yoʻq, erkaklar bilan ishlamayman.

Bolalar, oʻsmirlar (17 yoshgacha oʻgʻil bolalar bilan ham ishlaganman) va ayol-qizlarga xizmat koʻrsataman.

Erkaklar bilan ishlaydigan psixologlarni bilaman.

@madina_miytan opa va @ps_sarvinoz_omonova ga murojaat qilishingiz mumkin. Professional mutaxassis ikkalalari ham.

@globalstudentt

200 0 0 1

Ayni damda

14 Jan, 15:24

Bolalar advokati kanalimda ham suhbatlashmoqchiman, faqat ovozli koʻrinishda javob beraman

U yerda ham qaynoq, lekin yoqimli suhbat boʻladi degan umiddaman 💌

@globalstudentt

Bolalar advokati | Podkast

@globalstudentt gapiradi Bola va o’smir haqida Ovozlar omonat. Faqat va faqat ayol-qizlar uchun! Erkak ismli, nuqta, gul yoki anonim akkauntlar qabul qilinmaydi

202 0 0

Ayni damda

14 Jan, 14:06

Bitta savol qoldi. Charchaganimni his qildim. Oʻsha savolga inshaalloh biroz dam olib, javob beraman. Ajoyib, professional savol.

Savol berganlarga va javoblarni qoldirmay oʻqiganlarga tashakkurlarim. Maza qildim. Intellektual va ijtimoiy stimulyatsiyam dozasini oldim, alhamdulillah 🤍

@globalstudentt

198 0 0 8

Ayni damda

14 Jan, 13:57

Sababi yangi tugʻilgan chaqaloqni bu dunyoda ushlab turadigan yagona narsa — unga teginishlari va tana orqali Sen yangi olamdasan, Sen senga tegingan birinchi odamlarga — ota-onangga, kim asosiy gʻamxoʻrlik qilsa, shu insonlarga — keraksan, kutilgansan degan boladan tashqarida boʻlgan badaniy va hissiy tajriba hisoblanadi.

Yuqorida aytganimdek, bola tugʻilganda onaning oʻz psixik holati, ijtimoiy ruhiy salomatligi qanday boʻlganiga qarab, ona bolaning yuqoridagi ehtiyojini yo qondira oladi yoki qondira olmaydi. Ehtiyoj esa oʻz-oʻzidan yoʻqolib qolmaydi. Bola katta boʻlgani sari ehtiyojning koʻrinishlari oʻzgarib borishi mumkin xolos. U aniqlanib, xotira hissiy va badaniy yuklardan ozod boʻlgandagina va aql buni intellektual tushungandagina bu ehtiyojni yo oʻzingiz qondirasiz yoki reallik bilan tahlil qilib, endi unga ehtiyojingiz bor yoki yoʻqligiga qarab qaror qilishingiz mumkin boʻladi.

Bu jarayon psixolog bilan amalga oshiriladi. Sababi hissiy yuk ogʻir boʻlishi mumkin psixikangizga.

@globalstudentt

210 0 1 1

Ayni damda

14 Jan, 13:35

Savolni oʻqib birinchi esimga kelgan inson Polshadagi Saida boʻldilar. Toʻgʻri topdimmi?

Ha, yoqimli xotira boʻlib qolgan, alhamdulillah

@globalstudentt

168 0 0 1

20 ta oxirgi post ko‘rsatilgan.

884

obunachilar

Kanal statistikasi

Kanalda mashhur

Uni buni qoʻyinglar, kanalim oʻzgarganiga oʻzim koʻnikishim qiyin boʻlyapti 😁 @globalstudentt

Hozir turganim uy egasining oʻgʻli Yevropada tugʻilgan 5 yoshli Firdavsbek 20 kunga Oʻzbekistonga...

Ayni damda ichimda vulqon otilayotgandek. Shuncha yillardan beri oʻzimda koʻtarib yurgan ashgʻal-...

Yaxshiyam muhabbat haqidagi hislarimni boʻlishib qoʻyarkanman, aks holda hecham ularni qayta tuym...

Onabonuni yigʻlatgan mana bu videodagi “erka qizimni ovqatiga baho beradimi?”-degan qismini eshit...