Namangan shahar hokimligi | Rasmiy telegram kanali

ЯНГИ ЙИЛДА МАҚСАД КАТТА, МАРРА БАЛАНД ОЛИНГАН

Янги кириб келган 2025 йилда ҳам Наманган вилоятида бир қатор йирик лойиҳалар амалга оширилади.

Хусусан, қурилиш соҳасида Пунгон-Наманган йўналишининг 0-75 км. қисми, яъни Попдаги патир бозоридан “Янги Наманган шаҳарчаси”гача бўлган асосий магистрал йўл 4 тасмали цементобетон қопламаси билан реконструкция қилинади.

Шунингдек, “Наманган халқаро аэропорти” давлат-хусусий шериклик асосида модернизация қилинади.

Бундан ташқари, 2025 йилда Инвестиция дастури доирасида:
744,7 млрд. сўмлик 64 та объект, жумладан 37 та (21 та мактаб, 8 та мактабгача таълим, 8 та соғлиқни сақлаш) ижтимоий соҳа, 8 та қирғоқ бўйи ва бошқа ҳимоя иншоотлари, 6 та ирригация, 2 та мелиорация, 2 та сув ва оқава, 2 та иссиқлик, 1 та автомобиль йўли ва 6 та бошқа соҳа объектлари қурилади.

Натижада, мактабгача таълим қамрови 77 фоиздан 78 фоизга ортади, мактабларда 94 та юқори сменали мактаблар 21 тага камаяди. Марказлашган ичимлик суви билан таъминланганлиги 84,9 фоиздан 86 фоизга етказилади.

Уй-жой қуриш соҳасида ҳам режалар катта олинган:
7220 хонадонли 132 та кўп қаватли уй-жойлар, шундан, “Янги Ўзбекистон” массивларида 1752 хонадонли 35 та уйлар ҳамда бошқа худудларда 5468 хонадонли 97 та кўп қаватли уй-жойлар барпо этилади.

Наманган вилояти ҳокимлиги Ахборот хизмати.

#Об_ҳаво

"Ўзгидромет" Наманган вилояти бўйлаб 2 январь куни кузатиладиган об-ҳаво маълумотини эълон қилди.

Унга кўра:
Ҳаво бироз булутли бўлади, ёғингарчилик кутилмайди. Айрим жойларга туман тушиши мумкин. Шамол шарқдан 7-12 м/с тезликда эсади. Ҳарорат кечаси 2° совуқ-3° илиқ, кундуз 0-5° илиқ бўлади.

ТОҒЛИ ҲУДУДЛАРИ
Ҳаво бироз булутли бўлади, баъзи жойларда ёғингарчилик (ёмғир, қор) бўлади. Айрим жойларга туман тушиши мумкин. Шамол шарқдан 7-12 м/с тезликда эсади. Ҳарорат кечаси 2-7° совуқ, кундузи 4° совуқ-1° илиқ бўлади.

Ўзбекистондаги энг баланд арча ва томоша чарахпалаги, байрам мушакбозлиги: Наманганда Янги йил шукуҳи

Наманганда Янги йил тантаналари ўзгача шукуҳ билан кечди. Бу ҳақда “Дарё” мухбири Азизбек Абдувалиев хабар бермоқда.

Байрам тадбирлари асосан Наманган шаҳридаги Бобур номли ва “Афсоналар водийси” истироҳат боғларида бўлиб ўтди.

Хусусан, “Афсоналар водийси” боғида ўрнатилган Ўзбекистондаги энг баланд Янги йил арчаси ва томоша чархпалаги барчанинг диққат марказида бўлди.

Намангандаги Янги йил тадбирларини байрам мушакбозлиги якунлаб берди.

“Дарё” ушбу жараёнлардан видео ва фотолавҳалар тайёрлади.

Оқилхон Мамажонов фотолари

@azizbek_abduvaliyev

📺 Расман: «Футбол ТВ» телеканали эфирга чиқди

▫️Бугун, 2025 йилнинг 1 январидан бошлаб янги «Futbol TV» телеканали фаолияти йўлга қўйилди. Янги телеканал Foreign Language ўрнида фаолият бошлади.

Ҳурматли ҳамшаҳарлар!

Сизларни кириб келаётган 2025 йил — «Атроф-муҳитни асраш ва “яшил” иқтисодиёт йили» билан чин қалбимдан муборакбод этаман!

Янги йил – янги марралар, катта умидлар ва эзгу мақсадлар йили бўлишига тилакдошман. Юртимиз тараққиёти ва халқимиз фаровонлигини таъминлаш йўлида барчангизга сиҳат-саломатлик, тинимсиз куч-ғайрат, шижоат ва улкан муваффақиятлар тилайман.

Янги йил уйингизга файзу-барака, қувонч ва хотиржамлик олиб келсин. Оилаларингиз доимо тинч, қалбларингиз меҳр ва муҳаббатга тўла бўлсин.

Эл-юрт равнақи, Ватан тараққиёти йўлида олиб бораётган барча ишларнингизда омад ва зафарлар ёр бўлсин!

Ҳурмат билан,
Наманган шаҳар ҳокими
Анваржон Отаходжаев

Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги
—
Новогоднее поздравление Президента Республики Узбекистан Шавката Мирзиёева народу Узбекистана

Prezident.uz|Facebook|Instagram|YouTube|X