Farzand Tarbiyasi uchun tavsiyalar
🗯 Farzandingizning sochini tarasangiz, «Nabiy sollallohu alayhi vasallam «Kimning sochi bo‘lsa, uni parvarish qilsin», deganlar, o‘sha hadisga muvofiq tarab qo‘yyapman» deb ayting.
🗯 O‘g‘ilchangizga atir surtsangiz, Nabiy sollallohu alayhi vasallam «Menga bu dunyodan xushbo‘ylik ayollar mahbub qilindi. Namoz esa ko‘z quvonchim qilindi», deganlar, o‘sha hadisga muvofiq atir surtyapman» deb ayting.
🗯 Farzandingiz maktabga ketayotganda «Nabiy sollallohu alayhi vasallamning «Kim ilm talabida yo‘lga tushsa, Alloh unga jannat yo‘lini oson qilib qo‘yadi», degan hadislarini eslating.
🗯 Farzandingizga kulib qaraganingizda Nabiy sollallohu alayhi vasallamning «Birodaringning yuziga tabassum bilan boqishing ham sadaqadir», degan hadislarini eslating.
🗯 Farzandingizni maqtasangiz, Nabiy sollallohu alayhi vasallam: «Yaxshi so‘z ham sadaqadir», deganlarini eslating.
🗯 Farzandingizga ovqat berganda Nabiy sollallohu alayhi vasallamning «Chelagingdan birodaringning chelagiga suv quyishing ham sadaqa», degan hadislaridan olganingizni ayting.
🗯 Biror yig‘inda keksalar ham o‘tirgan bo‘lsa, farzandingizga ularni hurmat qilishni o‘rgatib, Nabiy sollallohu alayhi vasallam: «Kichiklarimizga rahm shafqat qilmagan, keksalarimizni e’zozlamaganlar bizdan emas», deganlarini ayting.
🗯 Shu tariqa farzand tarbiyasini sunnat va siyratga bog‘lab, hadislar asosida ta’lim-tarbiya bering
@Duo_yodlash
