Hamisha men tomonim,
To'g'rilaydi yomonim,
O'zimni qahramonim,
Hammadan zo'rsiz dada!

Baxtiyor yo'q menchalik,
Sizga qilay erkalik,
Suyansam tog' yelkalik,
Hammadan zo'rsiz dada!

Erkak bo'l deb, er bo'l deb,
Zoti toza sher bo'l deb,
O'g'lim mendan zo'r bo'l deb,
Hammadan zo'rsiz dada!

Shiddat qo'shib shaxtimga,
Omon bo'ling baxtimga,
Sulton bo'ling taxtimga,
Hammadan zo'rsiz dada!

✅ @ManuchehrSafarov