Qashqirlar makoniga sayohat qilamiz.Qashqirlar makoni - Turkiyadagi mafiya, josuslik va siyosiy fitnalar mavzularini kuchli syujetlar orqali yoritib bergan serial. Qashqirlar makoni haqiqiy siyosiy va ijtimoiy voqealarni aks ettiruvchi hikoyalarni o'z ichiga olganligi bilan mashxur. Garchi buni badiiy to'qima va dramatik tarzda amalga oshirsa ham. Serial tarixiy hamda zamonaviy-siyosiy voqealardan o'z syujetlari uchun ilhom sifatida foydalangan. Serial o'zining dramatikligi, siyosiy fitnalarning borligi va musulmon tomoshabinlarga yaqin mavzularga, shu jumladan, milliy g'urur va g'arb ta'siriga qarshi kurash masalalariga e'tibor qaratishi bilan tomoshabinlarni o'ziga jalb qildi. Serialda ko'pchilik uchun notanish bo'lgan yashirin siyosiy tashkilotlar, ularning tutadigan yo'llari ochib berilgan va ko'plab faktlar oshkora keltirilishi bilan tomoshabinni o'ziga yanada tortadi. Germaniya kabi yirik turk diasporalarida o'z auditoriyasini topgan. Biroq ba'zi hollarda u G'arb davlatlarini yovuz ko'rinishda tasvirlashi, millatchilik va ba'zan g'arbga qarshi ritorikadan foydalanganligi uchun g'arbni e'tiroz va tanqidlariga sabab bo'lgan. Tanqidchilar ba'zida uning millatchilik va g'arbga qarshi tendensiyalariga ishora qilishgan. Ayniqsa g'arb davlatlari yoki ularning agentlari dushman yoki ontogonist sifatida tasvirlangan epizodlar e'tiborga tushgan. Serialning ba'zi epizodlari xalqaro tortishuvga va hatto diplomatik oqibatlarga sabab bo'lgan. Masalan, AQSH ning Iroqdagi harbiy operatsiyasini tanqid qilgan "Qashqirlar Makoni Iroq", Isroilning Falastinga qarshi jinoyatlarini yoritgan "Qashqirlar Makoni Falastin" filmlari AQSH, Isroil va ko'plab G'arb davlatlari tomonidan keskin reaksiya va norozilikni keltirib chiqardi. Qo'shimcha sifatida yana shuni ham aytish mumkin-ki, 2009-yilda Davosda boʻlib oʻtgan
forumdan soʻng, “Qashqirlar makoni” serialidagi isroillik agentlar bolalarni oʻgʻirlagani haqidagi epizod Isroil hukumatining noroziligiga sabab boʻldi. Serialda Mossadga o'xshash tuzilmalar tanqid qilingan bo'lsa-da, Erdo'g'anning Davosdagi pozitsiyasi yanada ortdi. Isroil bu vaziyatning jamoatchilik fikriga ta'sir qilganini ta'kidlab, diplomatik kanallar orqali o'z noqulayligini bildirdi. Tel-Aviv Turkiyaga qarshi strategik harakatlarni amalga oshirgach, bu voqea xalqaro inqiroz darajasiga yetdi. “Qashqirlar makoni”ning real dunyo bilan kesishgan dadil ssenariysi o‘sha davrdagi siyosiy keskinlikni bashorat qilgandek edi go'yo.
Serialning bosh qahramoni - ☝️Polat Alamdar aslida hayoliy bir personaj bo'lsa-da, turli siyosiy va yashirin operatsiyalarda ishtirok etadigan kuchli va xarizmatik rahbar, harakteri kuchli, zakovatli va mard qilib ko'rsatilgan. Bundan tashqari u Turkiyaning ichki va tashqi dushmanlariga qarshi kurashda vatanga muhabbatini so'zsiz ifodalaydigan bir shaxs sifatida tasvirlangan. Bu obrazning harakteri ko'pchilikni lol qoldirgan. Kuchli qat'iyat, vatanga cheksiz muhabbat, o'ta sovuqqon, doimo rejali bir lider qiyofasidagi shaxs.
Shu o'rinda, qiziq bir jihat yuzaga chiqadi. ☝️
Polat Alamdar xarakteri nega bu qadar xarizmatik?
1) U ega bo'lgan kuch va aura uni Turkiyaning eng xarizmatik obrazlaridan biri qildi (balki eng xarizmatigidir). Buning birinchi sababi, u ko'p gapiradiganlardan emas edi va ma'lum harakatga asoslangan yo'lda yuruvchi bir xarakterga egasi ekanligidir.
2) O'zi haqida, ichki olami haqida nimalarnidir ochiqlaganini, gapirganini hech ko'rmaysiz. Bu holat esa uni yanada sirli qiladi.
3) Xotirjamlik va ishonch bilan harakat qiladi. Bu uni xarizmatik qilgan eng kuchli jihatlaridan biridir.
Lekin baribir ming eshitgandan bir ko'rgan yaxshi-da! Serialni ko'rishingizni tavsiya qilaman.
Ayniqsa, yigitlarga!✅
@ManuchehrSafarov
