Bugun arab tilida Shams surasini o'tdik, va mana shu oyatlar o'sha bo'yi hayolimda aylanyapti.
Inson nafsiga fujur - ya'ni gunoh va yomonliklar ham, taqvo - ya'ni Allohga itoatkorlik, qo'rquv ham joylangan. Bundan kelib chiqadiki, inson unisini ham, bunisini ham xohlaydi. Demak nafs faqat yomonlikka intilmaydi va uning bir bo'lagi taqvoni istab turganda, faxsh-u fujur bilan hatto bu dunyoda ham tom ma'noda rohatga erisholmaydi.
Oyatlar davomida esa "Kim nafsini poklasa - taqvoni afzal tutsa, yutuqqa erishdi; kim u nafsni kirlasa - fujurga moyil bo'lsa, nobud bo'ldi" - deyilgan. Bundan xulosa qilib, taqvo yo'lini tanlab, nafsimizni poklash orqali ikki dunyoda, biiznillah, saodatga erishimiz - deyish mumkin. Alloh bilguvchiroq!

Bularni avvalo o'zim o'ylab qayta tahlil qilish uchun yozdim.