«Zikr uz» Зул қаъда ойи ☪️ 1446

Муҳаммад ибн Каъб Қуразий айтади: Кимда қуйидаги учта сифат бўлса, унда бахиллик, макр ва нокаслик бўлади:

«Ёмон макр-ҳийла фақат ўз эгаларини ўраб ҳалок қилур!» (Фотир сураси, 143-оят.)

«Ким (қасамини) бузса, бас, фақат ўз зиёнига бузур». (Юнус сураси, 23-оят.)

«Эй одамлар, тажовузингиз фақат ўзингизнинг зиёнингизгадир».
(Фатҳ сураси, 10-оят.)

•┈┈•⊰✿🍃🌺🍃✿⊱•┈┈•
⤵️ Яқинларингиз билан баҳам кўринг👉
Ⓜ️анбаа➤ @ZIKR_UZ
✅Каналга обуна бўлинг👇
🌐 (https://t.me/zikr_uz)

КЎРАСАН

Зулм кўрган мазлум инсон унга зулм қилган золимга шундай ёзди:
“Сен ҳали мени сенга оқ бўлган фарзандларингда, атрофингдагиларнинг сенга хиёнатида, дўстларингнинг ташлаб кетишида кўрасан…
Сен ҳали мени қабул қилинмайдиган дуоларингда, барбод бўлган орзуларингда, касалликларинг, ожизликларинг ва муваффақиятсизликларингда кўрасан.
Сен мени энг қадрли нарсаларингдан маҳрум бўлишингда кўрасан.
Энг муҳими, мени барбод бўлган охиратингда кўрасан!!!”.

•┈┈•⊰✿🍃🌺🍃✿⊱•┈┈•
⤵️ Яқинларингиз билан баҳам кўринг👉
Ⓜ️анбаа➤ @ZIKR_UZ
✅Каналга обуна бўлинг👇
🌐 (https://t.me/zikr_uz)

Ҳозирги замон олимларининг тадқиқотларига кўра, АҚШда 50 миллион америкалик тушкун кайфиятида яшайди. Бунинг асосий сабаби ноумидликдир. Биз баралла айта оламизки, мусулмонлар тушкунлик, ғамгинлик ва ноумидликдан йироқ кишилардир. Қуръон оятлари ҳақида фикр юритсак, келажакка умид, Аллоҳнинг раҳмати билан шод бўлиш ҳолатларини топамиз. Қуръони каримнинг кўпгина оятлари мўминларни ғамгинликдан, ноумидликдан қайтаради. Яъқуб алайҳиссалом узоқ йиллар фарзандларидан айрилиқда қолганларида хам Аллоҳдан умид узмадилар, аксинча, ноумид бўлган киши Аллоҳга кофир бўлиб қолади, дедилар. Аллоҳ таоло шундай марҳамат қилади:

«Аллоҳнинг раҳматидан ноумид бўлманглар. Аллоҳнинг раҳматидан фақат кофир қавмларгина ноумид бўлурлар» (Юсуф сураси, 87-оят).

"Саодатга етакловчи ҳикматлар" китобидан.

•┈┈•⊰✿🍃🌺🍃✿⊱•┈┈•
⤵️ Яқинларингиз билан баҳам кўринг👉
Ⓜ️анбаа➤ @ZIKR_UZ
✅Каналга обуна бўлинг👇
🌐 (https://t.me/zikr_uz)

Бузругмеҳр деди: «Энг қувватли ҳайвон ҳам йиқилишдан, энг оқила аёл ҳам эрга тегишдан, энг уддабурон эркак ҳам маслаҳатлашишдан беҳожат бўлолмас».

Изоҳ. Қуръони каримда шундай оят бор: «(Ер) юзидаги барча жонзот фонийдир. Буюклик ва карам соҳиби бўлган Парвардигорингизнинг Юзи – Ўзигина боқий мангу қолур» Раҳмон сураси, 26-27-оятлар.
Яъни, дунё ҳаётидаги ҳамма нарса ўткинчи, фақат Оллоҳгина абадийдир. Донишманд Бузругмеҳр ўз сўзлари билан айни маънога ишора этяпти. Куч-у қудратда ер юзини титратган ҳайвон ҳам бир куни қулайди, қудратидан ном-нишон қолмайди. Ақлда жамики жинсдошларига намуна энг оқила аёл ҳам вақти келиб бир эркакка муҳтож бўлади. Шунда у ҳақиқатни англайди, яъни ёнида эри бўлсагина мукаммаллик ҳосил бўлишини, усиз ҳар қандай ақлий даражанинг нуқсонли эканини тўла ҳис қилади. Киши қанчалик ўз кучига ишонган закий, ҳар қандай вазиятдан чиқиб кета оладиган устамон бўлмасин, вақти етиб ўзгаларнинг фикрига, маслаҳатига эҳтиёж сезади.
Демак ҳолатларнинг боқий эмаслигини сидқи дилдан англаган инсон ер юзини даҳшатга солган махлуқдан эмас, балки ўша махлуқни айни тарзда, яъни бутун даҳшатлари билан яратган Холиқдан қўрқади. У оқилликни тан олади ва айни пайтда ақлни васф этувчи ҳар қандай олий сифатларнинг нисбий, нуксонли эканини билади. У атрофидагиларидан қанчалик баландлаб кетмасин, айни ҳолда ўзи ҳам ўша пастдагилардан бири, шунинг учун ҳам доимо уларга муҳтож эканини унутмайди.

***
Бузругмеҳр – Сосонийлар ҳукмронлиги даврида милодий 531-579-йиллар подшоҳлик қилган Ануширвони одилнинг вазири.

“Унвонул баён”дан.

•┈┈•⊰✿🍃🌺🍃✿⊱•┈┈•
⤵️ Яқинларингиз билан баҳам кўринг👉
Ⓜ️анбаа➤ @ZIKR_UZ
✅Каналга обуна бўлинг👇
🌐 (https://t.me/zikr_uz)