Ҳикоянинг асл давоми:

Шифохонада ўзига келган Исмоил эртаси куни полициячилар билан суҳбатлашади, улар ҳужжатларни текширишга келганини, Исмоил қаҳрамон эканини таъкидлайди.

Суҳбатдан кейин уч кун ўтиб, шифохонадан чиққан Исмоилни судга олиб кетишади. У ерда у сўнгги икки ҳафта меҳнат шартномасини расмийлаштирмай яшаб келаётгани учун Россиядан депорт қилиш қарори чиқарилади. Қарор ижросига қадар россиялик қария ва ногиронларни кўпқаватли поликлиникадан қутқарган Исмоил “спецприемник”ка жойлаштирилади. У ерда бир ҳафта туриб, ватанига депорт бўлади.

Вазиятни ўнглаш учун Исмоил уни мақтаган полициялар билан суҳбатлашган, ёрдам беришларини сўраган. Лекин полициячилар бизнинг тепамизда бошлиқлар бор, сен жуда машҳур бўлиб кетдинг, агар сени текширмасак, бизни ишдан олишади, деб жавоб беришган.

Шу тариқа қаҳрамонлиги учун келган машҳурлик Исмоилга депортацияни ҳам олиб келди. Энди Исмоил ўз ватани президентидан депортни ечишда ёрдам сўрамоқда.

Воқеа реал, Султон Абдумаликов, Екатеринбургдаги қирғизистонлик таксистнинг ҳолати. Қизиққанлар ўқиб кўриши мумкин. Шунча ўзгартирсам ҳам дарров билиб қолдингизлар 😂

Лекин тўғриси айтаверай, сизларнинг фантазияларингиз манга кўпроқ ёқди. Болаликдан ҳинд кино кўриб, янги йил олди эртакларни кутганлар орамизда кўплиги билинаяпти. Яхшиларга беғуборлик ярашади 💚

Хўш, кимни ғолиб деб ҳисоблаймиз?

@zarnigor1