Savol: Assalomu alaykum, haydovchilik guvohnomasini olish uchun avtomaktabga qancha to‘lov qilinadi. Yana amaliy va nazariy imtihonlarga kirishga va agar imtihondan yiqilsa qayta imtihonga kirish uchun to‘lovlar va qayta imtihonga kirish muddatlari haqida ma’lumot berolasizmi?

Javob: Bugungi kunda avtomaktablarda o‘qitish uch, hatto to‘rt smenada olib borilmoqda. Toʻlovlar ham smenaning turiga , haydovchilik guvohnomasining toifasiga va avtomaktabning joylashgan joyiga qarab farq qilishi mumkin.

📌 O‘zbekiston Respublikasi ichki ishlar vazirining 2303-sonli buyrug‘ining beshinchi bobida haydovchilik guvohnomasini olish uchun o‘tkaziladigan imtihonlar  uchun to‘lovlar quyidagicha  belgilangan:

✅ Nazariy imtihon topshirish uchun --- bazaviy hisoblash miqdorining 10 foizi miqdorida (bugungi kunda 37 500 so‘m)

✅ Har bir qayta nazariy imtihon topshirish uchun --- bazaviy hisoblash miqdorining 15 foizi miqdorida (bugungi kunda 56 250 so‘m).

✅ Amaliy imtihon topshirish uchun --- bazaviy hisoblash miqdorining 10 foizi miqdorida (bugungi kunda 37 500 so‘m).

✅ Har bir qayta amaliy imtihon topshirish uchun --- bazaviy hisoblash miqdorining 15 foizi miqdorida (bugungi kunda 56 250 so‘m).

✅ Haydovchilik guvohnomasini berish uchun --- bazaviy hisoblash miqdorining 70 foizi miqdorida (bugungi kunda 262 509 so‘m).

‼️ Talabgor nazariy imtihondan o‘tganidan keyin 2 oy ichida amaliy imtihon topshirishi lozim. Agar 2 oyda amaliy imtihon topshirmasa yana qayta nazariy imtihondan o‘tishiga to‘g‘ri keladi.
Imtihonni qayta topshirishga avvalgi imtihondan  kamida 7 kundan keyin yo‘l qo‘yiladi.

👉 @yurist_turdimurotov