"Sen ko'rmayapsan, oshna, oy botib, yulduzlar so'nib-so'nib borayapti. O'g'lim o'ktamligida yulduzlar yongani yongan bo'ldi. O'g'lim mag'lubligida so'ngani so'ngan bo'ldi... Har bandaning ko'kda o'z yulduzi bo'ladi, oshna. Shu yulduzning yongani - shu bandaning yonganidir. Shu yulduzning so'ngani - shu bandaning so'nganidir. Yo'q, oshna, yo'q! Yulduzim hali yonadi! Davralarim hali davom etadi! Nevaralarim davralarda: -Yo, bobomning piri! -deya ayqirib-ayqirib olishga beradi! Yulduzim mangu yonadi!"
