xyz

Daryo to'lqin, suvlar toshqin,
Undan kechib o'tolmayman.
Otim oriq, rangim sariq,
Manzilimga yetolmayman.
Bir qalam qosh, ham chilvir soch,
O'tov bezab kutar meni
Qandoq qilay, bu tog'lardan
Ko'ngil uzib ketolmayman.
Yurtim olis, shamollar ham
Yetolmayin holdan toyur,
Ilojim yo'q, oftob bo'lib
U tomonga botolmayman.
Otim oriq...
Rangim sariq...
Daryo to'lqin,
Suvlar toshqin...

"Jimjitlik", Said Ahmad

Oson deb o‘ylamang erkak zotiga

"Oson deb o‘ylamang erkak zotiga,
Bir umr mung'ayib o'tishi mumkin.
Gar minsa u G'azab otiga,
Shaytonni bo‘g'zidan bo‘g'ishi mumkin.

Azaldan podshoga berilmas buyruq,
Erkakni erkidan bo'ling ehtiyot.
Ehtimol ayolday 40ta joni yo'q,
Lek sabri sanalsa 40mingdan ziyod.

Oson tutmang sira erkak zotiga
Hayoti shamolday hayoldan tezroq.
Yuzga ajin tushar, aso beliga
Sochlari oqarar ayoldan tezroq.

Eh, biz ojizalar haqiqat qani
Deymiz mehr sizga bizdan yuqqan
Unutib gohida chap qovurg'ani
Aytamiz erkakni ayol tuqqan.

Siz onasiz, siz yorsiz, gulgunyanoqsiz
Chiroyingiz chandon oy bisotidan
Ehtimol podsholar chiqqan sanoqsiz
Lek Payg'ambar chiqmagan ayol zotidan.

Ermak qilmang sira erkak qalbini,
Ko‘nglidayin ko‘rkam bog' yo‘q siz uchun.
Kezing yetti dunyo qir-u adirni
Uning yelkasiday tog' yo'q siz uchun.

Tilsa faqat qalbin tilar u
Lek jafo jahtida tig'lay olmaydi
Azob uqubatni dardni bilar u
Lek bizdayin hech ham yig'lay olmaydi.

Oson tutmang sira erkak zotiga
Siz suyguncha ko'ngli so‘lib bulgandir.
Joni fido aylang g'azab otiga,
Kulib kulib har kun o‘lib yashaydi."

"Sen ko'rmayapsan, oshna, oy botib, yulduzlar so'nib-so'nib borayapti.
O'g'lim o'ktamligida yulduzlar yongani yongan bo'ldi. O'g'lim mag'lubligida so'ngani so'ngan bo'ldi...
Har bandaning ko'kda o'z yulduzi bo'ladi, oshna. Shu yulduzning yongani - shu bandaning yonganidir. Shu yulduzning so'ngani - shu bandaning so'nganidir.
Yo'q, oshna, yo'q!
Yulduzim hali yonadi! Davralarim hali davom etadi!
Nevaralarim davralarda:
-Yo, bobomning piri! -deya ayqirib-ayqirib olishga beradi!
Yulduzim mangu yonadi!"

"Yulduzlar mangu yonadi", Tog'ay Murod

Tugatildi✅

"Zo'rga taqlid qilib, o'shanday zo'r bo'lgilari keladi!
Zo'r-chi? Zo'r o'zgalarni bilmaydi. Ayniqsa, o'zidan kuchsizlarni bilmaydi!
Bilgisi-da kelmaydi! Boisi, ko'zga ilmaydi!
Zo'rning tag'in bir fojeasi - zo'r mag'lubiyat alamini kam totadi.
Zafar ketidan zafar... Zo'r - zafar og'ushida yashaydi!
Yo'q, zo'r mag'lubiyatlar alamini-da totib turishi lozim!
Ana shunda o'zi haqida o'ylab ko'radi! Ana shunda sergaklik bilan yashaydi! Zo'r uchun mag'lubiyat zafar qatori bab-barobar zarur!
Ayniqsa, o'ziga ishongan zo'rga! Mag'rur zo'rga!"

"Yulduzlar mangu yonadi", Tog'ay Murod

"G'alaba qozonish hamisha qiyin! Ayniqsa, bugun!
Negaki Bo'ri polvon faqat zafar qozonish uchun olishadi!
Faqat, faqat g'alaba uchun kurashilsa, g'alabaga yetish juda-juda mushkul bo'ladi! Ba'zan yetib bo'lmaydi!
Yo'q, polvon zafarni emas, zafar polvonni qidirsin! Zafar polvonni topsin!
Polvon xohish-iroda bilan olishsa, o'zining nimalarga qodirligini namoyish etsa, zafar o'z-o'zidan keladi!
Polvon o'z kurashidan o'zi zavqlansa, zafar o'z-o'zidan yor bo'ladi!"

"Yulduzlar mangu yonadi", Tog'ay Murod