voices within

Nimadir o'zgarsin, #eynafs !

Ramazonning ro'zasigagina aldanma.
Iftoriga, saharligiga, dasturxoniga aldanma.
Ochlikni ham his qilmayapsan-ku, axir!

Tilovatingga, darslaringga aldanma.
Amaling ziyoda bo'lmayapti-ku, axir!
Tarovehingga, tahajjudingga aldanma.
Shaytonlar kishanlanganiga aldanma.
O'zingning yomonliging o'zingga kifoya qilyapti-ku!

Ramazondan murod Allohga qurbat hosil qilish edi. Qalbingni yumshatish, poklanish edi...
Sen esa, hali ham muqaddas bir oydaligingni his qilolmayapsan. Eski odatlaring hali ham o'sha-o'sha.

Lekin boshidan boshlashga kechmas.
Kel. Tavba bilan kel. Gunohlaringni tan olib kel. O'zingni unutib, sinib kel...

Nimangdir o'zgarsin endi!

© ULUL ALBAB yozdi

Haqiqiy baxt bu qalbingning tub-tubigacha singib boradigan chin muhabbatni his qilishingdir.
Eng ulkan azob esa, shu muhabbatdan ayrilishning og‘riqli iztirobi…

Ovqatga yaxshi, sifatli maxsulotlarni solib, mehr bilan pishirsa shirin, yoqimli ovqat pishganidek
Qalbgayam shirin hayollar solih fikrlar kirsa, undan shirin soʻzlar, chiroyli gumonlar chiqadi…

Islom shunday goʻzal narsaki, u insonlarni hech qanday sabablarsiz, shunchaki Alloh roziligi uchun bogʻlab, ularni ulfat qila oladi. Bir-birlarini shunchaki goʻzal qalbi uchun yaxshi koʻrdira oladi.

Shu islomni bergan Alloh shunday goʻzal Zotki, Uning ismini tilga olsang bas, qalblar yana goʻzallashadi va hech qayerda topib boʻlmaydigan sakinatni his qiladi.

Ba’zan odamlar ishda yoki o‘qishda boshqalar o‘ylab topmagan, ko‘pchilik e’tibor bermagan narsalarni qilishga intiladi. Biroq, ba’zilarda bu yutuqni faqat o‘zida saqlash, boshqalarga ulashmaslik istagi paydo bo‘ladi. Chunki ular boshqalar ham xuddi shunday qila boshlasa, o‘zlarining yagonaligi yo‘qolib ketadi deb o‘ylashadi.

Aslida esa, biror yaxshi narsa ommalashsa, bu uning qiymatini kamaytirmaydi, aksincha, avval noto‘g‘ri yoki samarasiz bajarilayotgan ishlarning yaxshilanishiga sabab bo‘ladi. Kimdir bundan shaxsiy manfaat ko‘rishi mumkin, lekin kim nima qildi, qanday niyatda qildi – barchasini Alloh ko‘rib turadi va shunga yarasha mukofot yoki jazosini beradi.

Shuning uchun, agar o‘qish yoki ish joyingizda biror yangilik yoki yaxshilikka sababchi bo‘lish imkoniyati bo‘lsa, uni qo‘ldan boy bermang. Haqiqiy muvaffaqiyat bu “unique” boʻlish emas balki boshqalarni ham qaysidir ma’noda oʻzini darajasiga olib chiqish va butun jamiyat rivojiga hissa qoʻshishdir

#ustoz
Men ustozning tutgan yo'lidan juda katta hikmatni tushundim:
Ustoz o'zini oqlab bir og'iz ham yozmadilar, gapirmadilar.
Aybsiz inson o'zini oqlamaydi, o'zini poklashga harakat qilmaydi. Aslan aybsiz bo'lgan odam bunga majbur emas.
O'zingizni pok tuting, shubhali o'rinlardan uzoq turing, shunda na dunyoda, na oxiratda o'zingizni oqlashga ehtiyoj qolmaydi.

''Ogoh bo'lingki, Allohning valiylariga (do'stlariga) xavf-xatar yo'qdir"

Mubashshir Ahmad ustozning shogirdlaridan

Yashab qolish uchun hammasiga jimgina ko‘z yumishga majbursan. Bu hayotning adolatsiz qonunlari noqis insonlarning asari. Ammo shukrki, so‘nggi va abadiy manzilimiz mutlaq Adolat va Cheksiz Rahmat sohibining huzuri…

Robbing asalariga: «Tog'lardan, daraxtlardan va ko'tarilgan so'ritoklardan uy tutgin.
So'ngra hamma mevalardan yegin. Bas, Robbing oson qilib qo'ygan yo llardan yurgin», deb vahiy qildi. Ularning qorinlaridan turli rangdagi sharob chiqar. Unda odamlar uchun shifo bordir. Albatta, bunda tafakkur qiluvchilar uchun oyat-belgi bordir.

(Nahl surasi, 68-69)

Oldinlari asalni shamollab qolsam majburlab ichirishardi, yigʻlab yigʻlab tuflab tashlab, orqasidan suv ichib yuborardim. Alloh asalda shifo borligini aytganini oʻzimga uqtirib ichishni boshlaganimdan beri tongim asal choy ichib uyqumni qochirish va tetiklashish bilan boshlanadigan boʻlib qoldi

Asalning foydalari

1. Energiya manbai
Asal tabiiy shakarlarga boy bo‘lib, ertalab tez energiya beradi va tana faolligini oshiradi.

2. Immunitetni mustahkamlash
Asal tarkibidagi antioksidantlar va antibakterial moddalar organizmni infektsiyalarga qarshi himoya qiladi.

3. Hazm jarayonini yaxshilash
Iliq suv bilan aralashtirib ichilganda oshqozonni uyg‘otadi, hazmni yaxshilaydi va ichaklarni tozalaydi.

4. Miya faoliyatini yaxshilash
Tabiiy glyukoza miya uchun ozuqa bo‘lib, diqqatni jamlash va fikrlash qobiliyatini oshiradi.

5. Qon bosimini me’yorlashtirish
Ertalab asal iste’moli qon aylanish tizimini yaxshilaydi va qon bosimini me’yorda saqlashga yordam beradi.

6. Yog‘larni parchalash
Metabolizmni faollashtirgani uchun yog‘larni parchalash jarayonini tezlashtiradi, bu esa vaznni nazorat qilishga yordam beradi.

7. Uyquni yaxshilaydi
Yotishdan oldin bir qoshiq asal iste’mol qilish uyqu sifatini yaxshilaydi

Foydali iste’mol usullari:

• Iliq suv bilan: Ertalab bir stakan iliq suvga bir qoshiq asal qo‘shib ichish tanani tozalaydi va metabolizmni yaxshilaydi.
• Limon bilan: Limon va asal aralashmasi immunitetni mustahkamlaydi va toksinlarni chiqaradi.
• Yogurt yoki jo’xori bo’tqasi bilan: Energiya va oziqlantiruvchi moddalarga boy nonushta bo‘ladi.

#axloq

Jamiyatda erkaklar va ayollar birga tahsil olganlari va ishlaganlari sababli, tabiiy ravishda ular o‘zaro muloqot qilishlariga to‘g‘ri keladi. Bunday vaziyatda erkaklar o‘zlariga xos rijollikni saqlagan holda muomala qilsalar, ayollar esa hissiyotlarni chetga surib, jiddiylik bilan muloqotga yondashsalar, har xil noo‘rin holatlar va nomaqbul manzaralarning oldi olinardi.

Inson shunaqa gʻalati mavjudot ekan. Oʻzicha shoshilib bir nimalar qilmoqchi boʻlarkan, boshqalarni erishayotgan yutuqlarini koʻrib, hoh u dinida boʻlsin hoh u dunyosida boʻlsin, menda ham boʻlishi kerak deb shosharkan. Kamiga har bir olgan ilmini har bir qilgan amalini ehson darajasida qilishga harakat qilishni bir chetga surib, kimda nima yaxshilik koʻrsa hammasini birdaniga oʻzidayam boʻlishini hohlab qolarkan… 10 ta barmogʻini bittada ogʻziga solib olgandek, hech narsani eplay olmagach, nega boshqalarni qoʻlidan keladi, men eplay olmayman, nega meni Alloh suymaydi deb nolishga tusharkan… qiziq…
Keyin boshi toshga tekkanda aslida har bir yaxshi amal ham ilm ham Allohning fazli ekanligini tushunarkan, shundan keyingina hamma narsani odamlarga hasad yoki havas qilib emas, holis Alloh roziligi uchun chiroyli niyat bilan qilishni boshlarkan.
Keyin ichidagi tosh boʻlib qotib ketgan qalbini isloh qilishni ilhom qilarkan Alloh, chanqab holdan toygan ruhiga ozuqa berib e’tibor berishni boshlagach endi, boshqalar bilan ishi ham boʻlmay qoʻyarkan…
Muhimi Robbisi bilan munosabatlarini mustahkamlasa, chin oshiq boʻlsa, eng yaqin doʻstiga aylansa… ana endi inson yashashni boshlarkan, hayot shu yerda boshlanarkan, qalb hotirjamlik tuyarkan, endi baxtni his qilarkan…

#thoughts

#tafsir #quron #dastur
O'zbek tilida tafsir ilmini o'rganuvchilar qay tartib asosida o'qishlari kerak ?

1️⃣ bosqich:
Tafsirga kirish bosqichi:
1.Tafsir ilmi va Qur'on haqida tushuncha hosil qilinadi,uning nozik jihatlari o'ganiladi.
🔘“Qur'on ilmlari( Ulumul Qur'on) -Shayx Muhammad Sodiq Muhammad Yusuf
2.Qur'onning ma'nolari tarjimasini o'qishga kirishiladi. O'qiladigan kitoblar bir nechta bo'lib, ixtiyorga ko'ra tanlanadi:
🔘Hoji Domla Mavlaviy Hindistoniyning "Tafsiri Hindistoniy" nomi bilan mashhur "Bayonul Furqon" kitobi (adabiyotni keng o'qiganlar uchun) 1 jild 900+bet
🔘Azizxo'ja Domla Buxoriyning (Inoyatov) - Qur'oni Karim oyatlari mazmun - ma'nosining izohli tarjimasi 1jild 638 bet.
🔘Shayx Muhammad Sodiq Muhammad Yusuf-Qur'oni Karim va o'zbek tilidagi ma'nolar tarjimasi 632 bet.
🔘Shayx Abdulaziz Mansur- Qur'oni Karim ma'nolarining tarjima va tafsiri 1jild 613 bet.

2️⃣ bosqich:
Boshlang'ich tafsir (Qur'onning izohi, ma'nolarining bayoni, hukmlari va qodir qilgancha Allohning murodini tushunish) bosqichi. Bu bosqichda ham bir nechta kitoblar bor va ularning barchasini o'qish tavsiya qilinadi.
🔘Usmonxon Temurxon Samarqandiy Alimov-Tafsiri Irfon 6 jild taxminan 4200 bet.
🔘Shayx Alouddin Mansur-Qur'oni Azim Muxtasar tafsiri (2 nusxa: biri 4 jild 1600 bet,ikkinchisi 2 jild 615 bet. O'qilishi shart!!!).
🔘Shayx Muhammad Sodiq Muhammad Yusuf-Tafsiri Hilol 6 jild 3800 bet.

3️⃣ bosqich:
Yuqori darajali yakuniy tafsir kitoblari:
🔘Shayx Alouddin Mansur-Qur'oni Azim tafsiri 20 jild taxminan 12 ming bet.
🔘Abu Mansur Moturidiy-Ta'vilot al Qur'on(hozirda 20-juzdan 30-juzgacha bo'lgan 7 ta qismi nashrdan chiqdi. Yuqoridagilarni tugatuningizcha qolganlari ham chiqib qoladi inshaalloh).

🗓️Ushbu dasturni qancha muddatda o'qib tugatish mumkin:
Umumiy jamlanma 28 ming bet, agar kuniga 50 betdan o'qilsa 560 kun, 70 betdan o'qilsa 400 kun,100 betdan o'qilsa 280 kun kifoya qiladi.
O'rtacha hisobda kunlik 60-70 betni 1-1.5 soatda o'qilsa va shu tarzda davom etilsa 2 yilda bemalol tugatsa bo'ladi. "Jahon tillari", "Sharshunoslik", "Islom akademiyasi" va madrasa talabalari uchun 4 yillik o'qish davrida Qur'on ichida yashashlari uchun yetarli imkoniyatdir. Noliyvermay imkon qidirgan,albatta o'z o'rnini topadi!!!
✔️Imkoniyatlar

o'zidan o'zi tug'ilmaydi, balki yaratiladi!!

📝Kuniga 2 soat telefon cheklovi 28 ming bet kitob,2 yil muddat va siz Qur'on ichida bir umr yashaysiz!!

@xushnudbek_xolmuhammad

Do'stim, ko'p rost deb sezganing yolg'on!
Ko'p rost qildim deb qilganing yolg'on!
Har muslim o'rniga qo'ymasang o'zni,
O'zingni "muslim" deb aytganing yolg'on!
O'zganing dardini chekmay tanangda,
O'zgani tushundim deganing yolg'on!
Dunyoni yolg'on deb, unga aldansang,
Oxiratdan gap-so'z sotganing yolg'on!
Millat najotiga bir ish qilmasang,
"Millatim" deb bong urganing yolg'on!
G'azab ko'zgusidir asling ko'rsatar,
Boshqa payt o'zingni ko'rganing yolg'on!
Birovning pok yuzin bulg'agan holda,
Dilingni pok tuysang, tuyganing yolg'on!
Bilganingga amal qilmasang jondan,
"Bildim" deganingu bilganing yolg'on!
Husayn oxiratdir bilsang chin hayot,
Dunyoda yurganing, turganing yolg'on!

✍️Husayn Buxoriy

“Ramazonda yashaymiz” darslari
-by Ustoz Mubashshir Ahmad


P/s: alohida vaqt ajratish imkonsiz boʻlsa, yoʻl-yoʻlakay “ashula” oʻrniga eshtib qoʻysayam boʻladi))

#shabon

🌙Sha'bon oyi – ba’zi ulug'larimiz uni “qorilar oyi” deb atashgan, chunki bu oyda ular "Qur’on oyi"ga tayyorgarlik ko‘rishar edi.

🟤Anas roziyallohu anhu aytgandilar: “Musulmonlar Sha’bon oyi kirganda mushaflarga yopishib olib, uni o‘qishga kirishib ketardilar...”

🟤Siz o‘zingizga mos keladigan xatm jadvalini tuzing (har 3 kunda, 5 kunda yoki 10 kunda…). Agar ko‘proq rag‘bat topsangiz, yanada yuqoriroq darajaga intiling.

🟤Qalb bilan o‘qing... tilovat qilar ekansiz, tafakkur qiling…Tafsirlarga qarang.. Qiyomul layl (tahajjud) namozida qoim bo'ling, Qur’on yod olmagan bo‘lsangiz ham, mushafingizni olib o‘qing, yodlashga intiling, harakat qiling.

🟤Har bir sahifada taxminan 5000 ta hasana (savob) borligini unutmang. Alloh xoxlasa savobni sizga bundan ham ortiq qilib yanada ko‘paytiradi.Siz uni ola biling, shunga tayyorgarlik qiling!!

@xushnudbek_xolmuhammad

#happines

Hasan Basriy rohmatullohi alayh bir kishining masjidda qilayotgan nutqidan foyda topmadilar. Keyin oldiga borib, dedilar:
"Yo sening qalbingda kasallik bor, yo mening qalbimda".

Har safar ustozamning darslarini tinglar ekanman shu voqeani eslayman, Alloh ularni qalblarini shunchalik qattiq muhofaza qilib qoʻyganki har bir gaplari yuraklarni teshib oʻtadi… Aslida tahqirlanganda eng oliy darajaga koʻtariladigan shu oʻtkinchi dunyo tomon qalbim og’ishni boshlagan chogʻda Alloh oʻz fazli ila shu ustozim orqali yana asliyatga chorlaydi, qalbimni ochib yuvib qoʻygandek boʻladilar…
Rosululloh sollallohu alayhi vasallamning shunday merosxoʻrlari borki biz haliyam yashayapmiz, yer ostun-ustun boʻlib yoʻq boʻlib ketmadi. Ulardan Alloh rozi boʻlsin, Oʻzining vajhini, Firdavs jannatini, Oʻzining sevimli bandalari qatorida boʻlishlikni nasib qilsin, shunday ne’mat bilan siylaganiga hamd-u sanolar boʻlsin, bizlarni ham solihlaridan qilsin…