Xushnudbek Xolmuhammad

#juma
⚡️Imom Ibn Qoyyim rohmatullohi alayh aytadilar:

"Kimning juma kuni to‘g‘ri bo‘lsa va yaxshi o‘tsa, uning butun haftasi sog‘-salomat o‘tadi. Kimning Ramazoni to‘g‘ri bo‘lsa va yaxshi o‘tsa, uning butun yili sog‘-salomat o‘tadi. Kimning haj ibodati to‘g‘ri bo‘lsa va yaxshi o‘tsa, uning butun umri sog‘-salomat o‘tadi."

Juma kuni — haftaning o‘lchovi,
Ramazon — yilning o‘lchovi,
Haj — umrning o‘lchovi.

⚡️Zad ul-Ma'ad, 1/386)

👍 Telegram

#fikrat
Tolibi ilm - ilm haqidagi g'ami kechalari unga uyqu bermaydigan, bu g'am saharlarda uni tahajjudga "uyg'otgichsiz" uyg'otadigan insondir..

⚡️Shams Muhammad Termiziy

(Suratda Ustoz Shayx Abdulmajid Juzjoniy)

👍 Telegram

#shukr
Ahnaf ibn Qoys rohimahulloh aytadilar:

"Allohim agar meni azoblasang men shunga haqliman. Agar meni kechirsang sen shunga haqlisan"

(Az-zuhd, Ahmad)

👍 Telegram

#olimlar #ilm # himmat
⚡️"Siz bilmagan ustunlar" turkumidan ustozlarimizning ustozi Shayx Abdurazzoq Halabiy

⚡️2012-yil 4-fevral kuni:
Hanafiy mazhabining ulug‘ allomasi, xos va ommaning diniy rahnamosi, qiroat va fiqh ilmining yetuk olimi, Damashqdagi Umaviy masjidining imomi va shayxi Shayx Abdurazzoq ibn Muhammad Hasan Halabiy ad Dimashqiy vafot etdi.

⚡️Shayx rohmatullohi alayh haqida eslanadigan ba’zi jihatlar:
U oltita mashhur hadis kitobini( "Sihoh sitta"), Imom Molikning "Al-Muvatto" asarini, "Mustadrak al-Hokim"ni, Qurtubiy tafsirini (ikki marta), Ibn Obidinning hashiyasini (uch marta) va yana ko‘plab boshqa asarlarni Umaviy masjidida talabalarga o‘qib berdilar.

Talabalarini o‘g‘illaridek yaxshi ko‘rardi, ularga mehribonlik bilan muomala qilardi. Ko‘pincha ularni o‘zi qo‘li bilan ovqatlantirar, hol-ahvolidan xabar olar, quvonch va qayg‘ularida sherik bo‘lardi.

Talabalar o‘z shaxsiy muammolari bo‘yicha undan maslahat so‘rashar va ularda Alloh nuri bilan ko‘ruvchi mo‘minning farosatini ko‘rishar edi. Bu borada ko‘plab ajablanarli voqealar rivoyat qilingan (ustozlardan eshitganmiz)

U zot Umaviylar masjidini Damashqda rofiziylar (shialar)ning ta’siridan himoya qilishda mustahkam qal’a bo‘lgan edi.

Ular masjidda o‘zlarining "ma’tam" va "latmiya: (o‘zini urish marosimlari)larini o‘tkazishga uringanlarida, shayx ularni qat’iyat bilan to‘xtatar, hatto ba’zida qo‘liga tayoq olib ularni tarqatib yuborar edi.

⚡️Nasihatlari va ilmiy merosi:
Odamlar undan zikr va tasbehlarning qaysi biri yaxshi deb so‘rashsa, u doimo:
"Ilm talab qiling va Qur’on o‘qing!" deb javob berardilar.

Ajablanarli jihati shundaki, u ko‘plab talabalarni o‘qitish jarayonida bir necha tilni o‘rgangan edi. Yer yuzida deyarli har bir mamlakatda uning shogirdlari bor edi.

U ko‘p asarlar yozmagan bo‘lsa-da, butun dunyoga yoyilgan talabalarni tayyorlab qoldirdi. Ular bugun yer yuzida ma'rifat chirog'ini yoqmoqdalar.

U kishi alloma Shayx Shuayb Arna’utning kitoblarini birinchi sotib olgan inson bo‘lib, bu orqali katta ilmiy merosning yuzaga chiqishiga sababchi bo‘lgan edi.

🟤U zot haqida men: "Haqiqat bilan aytamanki: ko‘zlarim u kishi kabi boshqa bir zotni ko‘rmagan!"

🟤Alloh u kishini rahmat qilsin, jannat ne’matlari bilan mukofotlasin, oilasi, zurriyoti va shogirdlariga baraka ato etsin!

(Muhammad Voil al Hanbaliy sahifasidan tarjima qilindi...)

👍 Telegram

#ilm #taqvo
Olingan ilm Allohdan qo'rquvini oshirmasa sohibining zarariga hujjat bo'ladi!!

⚡️Buyuk tobein Mujohid ibn Jabr al-Makkiy rohmatullohi alayh aytadilar:

⚡️Faqih (haqiqiy olim) — Allohdan qo‘rqadigan kishidir, garchi uning ilmi oz bo‘lsa ham.
Johil (haqiqiy nodon) — Allohga itoatsizlik qiladigan kishidir, hatto uning ilmi ko‘p bo‘lsa ham.

⚡️U kishi yana aytadilar:
"Agar banda Allohga qalbi bilan (haqiqiy) yuzlansa, Alloh ham mo‘minlarning qalblarini unga yuzlantiradi (odamlar oldida xurmatli bo'ladi."

⚡️Manba: Al-Bidoya va an-nihoya, 9/255

👍 Telegram