Бугун Элтузнинг юзи ва саси бўлган журналист¸ сиëсий фаол ва шоир Қудрат Бобожон олтмиш ëшга кирди. Табриклаб ташанглар оғангизни. Бугун саккизинчи морт Қудрат оғони ўртага торт. Қанот қоқиб ўйнасин. Кейинги бир ой Қудрат Бобожон троллар хужумига нишон бўлди. Лекин бу троллар Қудрат Бобожоннинг бир терминатор каби бардошли зирхга эга эканлигини билмайди. Оққан дарë оқаверади. Чунки ўзан бор. Элтуз жамоаси бугун шаклланмади. Бу жамоа сардори Қудрат Бобожон ҳали СССР бор пайтда "Эркин сўз" деган газета чиқарди. "Муносабат" деган илк мустақил газет ва "Эрк" нашрида ишлаб тобланди. Мухолифат оғалари элдан қувилган пайтда Қудрат Бобожон Тошкентдан минг км узоқдаги она юрт бағрига қайтди. Ака укалари билан қўшилишиб Ўзбекистондаги илк мустақил телеканал Эй ЭЛ Си телекомпаниясини очди. Телекомпания 4 марта ҳукумат билан сўтлашди. Икки марта ютди. Икки марта ютқазди. Бу канал 1999 йил декабр ойида ватан хоини Ботир тумсо деган замҳоким қўли билан ëпилди. Қудрат Бобожон Швецияга келиб "Исëнкор" ва "Пона" деган интернет нашрлари очиб режим тобутига пона қоқди. 2015 йилда эса Элтуз деган кўп тармоқли мултимедиа платформасини ташкил қилди. Терминаторнинг бир парчаси омон қолса бутун гавдасини тиклагани каби Қудрат оға йиқилган еридан бир қисм тупроқ олиб ўрнидан турди. Чунки Қудрат Бобожоннинг бир акаси ва икки укаси журналист. Чунки унинг отаси Ражаббой Бобожон республикадаги энг обрўли радиожурналист эди. Чунки унинг тоғаси Эгам Рахим шоир ва газета мухаррири эди. Чунки унинг аммаси Шодмонжон Бобожонова закий филолог эди.
Қудрат Бобожоннинг 1983 йил ëзган шеъри эса мана бу:
Бугун жангдан енгилиб қайтдим
Қиличимни синдириб қайтдим
Эртанг жангга кираман яна......
Сал олдин Элтуз сайти ўткан асрнинг тўқсонинчи йилларидаги ТВ АЛС ижодкорлари томонидан яратилган кўрсатувларни интернетга қўяди. Бугун томоқ йиртаëтганлар горшокда ааа қилиб ўтирган пайтда Қудрат Бобожон оқ арғумоқ устида қилич сармаб ўша давр матбуот жабҳасида чопарди. Одил Ëқубов хотиралар китобида ëзишича 1990 йилда президент Ислом Каримов унинг Дўрмондаги уйига ўзи келиб Қудрат Бобожондан шикоят қилган. Бугун ўша шикоят қилган одамни қурт қумурсқалар аллақачон еб бўлган. Қудрат Бобожон эса хануз дулдул от устида. (Бу гапларни Қудрат оғанинг курсдошларидан бирининг илтимосига кўра ëздим. Ҳукумат амалдори бўлган бу курсдош Қудрат Бобожонга ташланган троллар хужумидан маюс бўлибди)
Мақола охирида эса Қудрат Бобожонни хурмат қиладиган хопиз Жахонгир Отажонов қўшиғини ичимизда хиргойи қиламиз. Хеппи бўрстдей ту ю аааа¸ хеппи бўрст дей ту ю ааааааа.