Президентимиз ташаббуслари O'zLiDePнинг ҳар бир оилани уй-жойли қилишдек эзгу вазифаси рўёбига хизмат қилади

Давлатимиз раҳбари раислигида ипотека дастури доирасида 2024 йилда амалга оширилган ишлар ва 2025 йил учун режалар муҳокамаси юзасидан видеоселектор йиғилиши бўлиб ўтди. Унда мен ҳам қатнашдим.

Йиғилишда “Янги Ўзбекистон” массивларини қуриш бўйича мутлақо янги тизим йўлга қўйилиши, массивга берилган ер бўйича лойиҳалашни 2 ойдан, қурилишни бошлашни эса 3 ойдан оширишга йўл қўйилмаслиги қатъий таъкидлаб ўтилди.

Шунингдек, йиғилишда жорий йилда 120 минг хонадонли кўп қаватли уйлар қурилиши ҳисоб-китоб қилингани, Янги Тошкентда қўшимча 15 минг хонадон барпо қилиниши ва бу уйларда “яшил” энергиядан фойдаланилиши қайд этилди.

Энергия барқарорлигини таъминлаш учун хусусий шериклик асосида 100 мегаватт-соат сиғимли электр сақлаш қуввати ўрнатилади. Янги Тошкентдаги уйларни иситиш ва совутиш марказлашган тригенерация тизими орқали бўлади. Барча бино-иншоотларга юқори энергия самарадорлик талаблари жорий қилинади. Транспорт, ёритиш тизимлари ва зарядлаш станциялари фақат “яшил” талаблар асосида бўлади.

Давлатимиз раҳбарининг мазкур ташаббуслари ЎзЛиДеП сайловолди дастуридаги устувор вазифалар ижросига хизмат қилади. Зотан партиямиз “Ҳар бир оила ўз уйига эга бўлсин” деган шиорни амалда татбиқ этишни ўзининг устувор вазифаси деб билади.

#uzlidep #munosabat

🖥 Расмий саҳифаларимизга уланинг