Янги Ўзбекистон – ҳар бир фуқароси учун ғамхўрлик қиладиган ижтимоий давлат ва адолатли жамиятдир. 2024 йил 27 декабрь куни Янги йил байрами муносабати билан Ўзбекистон маданият, спорт ва туризм ходимлари касаба уюшмаси Республика кенгаши раиси А.Мусаев, Республика кенгаши раиси ўринбосари О.Ахмедова ва масъул ходимлари томонидан Республика марказий кўзи ожизлар махсус кутубхонасига ташриф буюриб кутубхона жамоасининг 40 нафар ишчи—ходиимларини байрам билан табриклаб уларга озиқ-овқат маҳсулотлари тўплами топширилди. Маълумот учун: Кутубхона 1951 йилда шаҳар кўзи ожизлар кутубхонаси сифатида ташкил этилган.
1966 йилда кутубхона Республика марказий кўзи ожизлар кутубхонасига айлантирилган. Кутубхона шу даврдан бошлаб кўриш қобилияти чекланган фуқароларга кутубхона хизматини кўрсатиш бўйича методик ва мувофиқлаштириш маркази ҳисобланади.
Кутубхона кўзи ожиз китобхонларнинг оила аъзоларига, кўзи ожизлар жамияти тизимидаги ташкилот, муассаса ва корхоналарда хизмат қилувчиларга, кўз касалликлари бўйича фаолият кўрсатувчи шифокорлар, кўзи ожиз болалар, мактаб ўқувчилари ва ўқитувчиларига хизмат кўрсатади. Шу билан бирга уйда ўтирадиган юролмайдиган ногиронларга кутубхона томонидан китобларни уйларига етказиб бериш йўлга қўйилган.
Кутубхона фонди Луи Брайль алифбосидаги нашрлар, аудио китоблар, бўртма ҳарфдаги китоблар ва вақтли нашрлардан иборат.
O'zbekiston madaniyat, sport va turizm xodimlari kasaba uyushmasi Respublika кengashi
Телеграм/Фейсбук