Ангрен шаҳрида ҳуқуқбузарлик ва жиноятчиликларнинг барвақт олдини олиш, аҳоли осойишталигини сақлаш мақсадида профилактика тадбирлари тизимли давом эттирилмоқда.

Хусусан, шаҳар прокурори А. Хайриддинов, шаҳар ҳокими А.Райимов, ИИБ бошлиғи А. Мирходжаев, Солиқ инспекцияси бошлиғи Б. Шомирзаевлар "Карвон" маҳалласида тадбир ташкил қилдилар. Тадбир аввалида "Бир жиноят муҳокамаси"га бағишланган йиғилишида пластик карталаридан пул маблағларини рухсатсиз ечиб олинганлиги юзасидан қўзғатилган 2 та жиноят иши муҳокама қилинди.

Тарғибот тадбирида маҳалла фуқаролари ҳамда пробация ҳисобида турган шахслар қатнашдилар.

Шаҳар ИИБ бошлиғи пробация ҳисобида бўлган шахсларга тўғри хулоса чиқаришларини тушунтирди ва такроран жиноят содир этмасликка чақирди.

Тадбир давомида секторлар раҳбарлари мурожаатларни тингладилар.

Тошкент вилоят прокуратурасининг ижтимоий тармоқлардаги расмий саҳифалари:

Telegram | Instagram | Facebook | Youtube