⚡️️Somsaxonaning ish faoliyati vaqtincha to’xtatildi

Tekshiruv davomida sanitariya talablarini qo'pol ravishda buzib, noto'g'ri sharoitda faoliyat yuritayotgan somsaxonaning ish faoliyati vaqtincha to'xtatildi.

‼️Sanepidqo'mitaning Toshkent shahar boshqarmasi Bektemir tuman bo'limi mutaxassislari tomonidan tuman hududida olib borilgan navbatdagi o‘rganishlar davomida Rohat ko‘chasida fuqaroga tegishli amaldagi sanitariya-gigiyena talablariga zid ravishda faoliyat yuritayotgan somsaxona faoliyati aniqlandi.

O‘rganishlar davomida quyidagi kamchiliklar:

➖somsaxonanining antisanitariya holati;
➖ishchi xodimlarning tibbiy ko’rikdan o’tmaganligi hamda sanminimmum o’quv kurslarida ta’lim olmaganliklari;
➖qo’l yuvish uskunalari nosozligi;
➖kanalizatsiya tizimi antisanitariya holatda ekanligi;
➖foydalanadigan idishlar yaroqsiz va tozalanmaganligi;
➖somsa tayyorlash uchun sharoitning talabga javob bermasligi;
➖somsaxona binosining ichida keraksiz buyumlar va chiqindilar to’planib, noxush hid chiqarayotganligi ma’lum bo’ldi.

📝O’rganishlar natijasida sanitariya talablarining qo’pol ravishda buzilishi yuzaga kelganligi sababli kamchiliklar bartaraf etish yuzasidan tushuntirish ishlari olib borildi va qonunda belgilangan tartibda maʼmuriy bayonnoma rasmiylashtirilib, somsaxonaning ish faoliyati vaqtincha to’xtatildi.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt