Shaharses.uz | Rasmiy kanal

Tibbiy ko'rikdan o'tkazish bosqichlari nazorat qilinmoqda

Yuqumli kasalligini erta aniqlash va ularni oldini olish borasida maktabgacha ta'lim tashkiloti xodimlari tomonidan tibbiy ko'rikdan o'tish ishlari nazoratdan o'tkazilmoqda.

‼️Bugun Sanepidqo'mita Toshkent shahar boshqarmasi Mirobod tuman bo'limi mutaxassislari tomonidan tumanda joylashgan Sil kasalligi dispanserida maktabgacha ta'lim tashkiloti xodimlari tomonidan o'pka rentgenografiyasi orqali tibbiy ko'rik tekshiruvidan o'tish bosqichlari nazoratga olindi.

To'g'ri tashxis qo'yish uchun ishtirokchilarga tekshiruv buyuriladi, unga quyidagilar kiradi:

➖tashxisdan o'tuvchi shaxs haqida kerakli ma'lumotlarni to'plash (alomatlar, yuqtirish ehtimoli, ilgari boshdan kechirgan kasalliklari);
➖klinik tekshiruv (umumiy holat baholanadi, dominant alomatlar o'rganiladi);
➖ftiziatr bilan maslahatlashish (sil kasalligini davolash bilan shug'ullanadigan mutaxassis);
➖tekshiruv paytida shifokor chap/o'ng o'pkaning nafas olish funksiyasida kechikish mavjudligini aniqlash uchun ko'krak qafasini palpatsiya qiladi.

Sanepidqo'mita Toshkent shahar boshqarmasi
Mirobod tuman bo'limi

Telegram | Instagram | Facebook

Ta'lim muassasalarida tekshiruvlar davom etmoqda

‼️Sanepidqo'mita Toshkent shahar boshqarmasi Olmazor tuman bo'limi xodimlari tomonidan 181- va 233-sonli maktabgacha ta'lim tashkilotlarining Sanitariya qoida va me'yorlariga javob berishi hamda o'quvchilar o'rtasida yuqumli kasalliklarni oldini olish chora-tadbirlari olib borilayotganligi yuzasidan nazorat olib borildi.

181-sonli maktabgacha ta'lim tashkilotida olib borilgan nazorat davomida:

➖sabzavot saqlash omborxonasi joriy ta'mirga muhtoj bo'lib, ayrim mahsulotlar yerda saqlanayotgani;
➖muzlatgichlarda mahsulot saqlash qoidalari buzilgani;
➖taomnomada tushlikka kisel yozilgan bo'lib, lekin kompot berilganligi aniqlandi.

233-sonli maktabgacha ta'lim tashkilotida esa:

➖tashkilot oshxonasi va omborxonasining ta'mirga muhtojligi;
➖mahsulotga ishlov berish stollari yetishmasligi va o'z o'rnida ishlatilmayotgani;
➖muzlatgichlar bir qancha vaqt davomida tozalanmagani;
➖sifati o'tgan murabbo saqlanayotgani ma'lum bo'ldi.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

Sifatsizligi belgi berib turgan mahsulotlar savdosi to‘xtatildi

Ovqatdan zaharlanish holatlari asosan, sotilayotgan yoki xarid qilinayotgan mahsulotlar haqida to‘g‘ri va aniq ma’lumot berilmasligi, shuningdek, ma’lumot bilan to'liq tanishib chiqmasdan yaroqlilik muddati o‘tgan, sifat va xavfsizligi kafolatlanmagan mahsulotlarni iste’mol uchun xarid qilish natijasida kelib chiqadi.

‼️Chilonzor dehqon bozori hududida Sanepidqo‘mita Toshkent shahar boshqarmasi Chilonzor tuman bo‘limi mutaxassislari, Veterinariya-sanitariya ekspertiza laboratoriyasi mutaxassisi bilan hamkorlikda go‘sht va go‘sht mahsulotlari, sut mahsulotlari va sabzavot-meva mahsulotlari savdo rastalarida savdosi amalga oshirilayotgan oziq-ovqat xom ashyosi va mahsulotlari ko‘zdan kechirildi.

O‘rganish natijasida iste'mol uchun yaroqsiz bo'lgan:

➖6 litr depozitsiz PET butilkalarga qadoqlangan sut mahsulotlari;
➖10 kg pomidor qaylasi (tomat) mahsuloti;
➖15 kg mandarin mevasi;
➖4 kg yirik shoxli qoramol jigar mahsuloti;
➖6 kg yirik shoxli qoramol suyagi o‘rnatilgan tartibda brakeraj qilindi.

✅Eslatib o‘tamiz, epidemiologik ahamiyatga ega sut va sut mahsulotlari, go‘sht va go‘sht mahsulotlarini xarid qilish jarayonida ushbu mahsulotlarni xavfsizligini tasdiqlovchi hujjatlari va xulosalarini talab qilishni unutmang. Bu Sizning iste’molchi sifatidagi huquqingizdir!

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

Maktablarda sanitariya-epidemiologik nazorat olib borildi

📌Bugun Sanepidqo'mita Toshkent shahar boshqarmasi Mirobod tuman bo'limi mutaxassislari tomonidan tumandagi umumiy o'rta ta'lim maktablarida yuqumli kasalliklarga qarshi chora-tadbirlarning to'g'ri tashkil etilganligi hamda ertalabki filtrlash ishlari yuzasidan sanitariya nazorati olib borildi.

O'rganishlar davomida quyidagi kamchiliklar aniqlandi:

➖har kunlik ertalabki saralash bosqichlarini olib borishda maxsus moslamalarning mavjud emasligi;
➖ta'lim oluvchilar uchun tana harorat o'lchagichlar yetarli emasligi;
➖filtrlash ishlari o'tgan yilgi qaydlar bo'yicha qolib ketganligi;
➖foydalanadigan dori vositalarining muddati o’tganligi;
➖qo'l yuvish chanoqlarining yetarli emasligi ma’lum bo’ldi.

📝O'rganishlar natijasida Sanitariya qoida va me'yorlarining qo’pol ravishda buzilishi, filtrlash ishlarining to'g'ri tashkil etilmaganligi, muddati o'tgan dori vositalarining saqlanishi, shuningdek aniqlangan bir qator kamchiliklar yuzasidan mas'ullarga nisbatan ma'muriy bayonnoma rasmiylashtirildi.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt

#bilasizmi
#foydali_maslahat

❓Uyushgan jamoalarda virusli gepatit A bilan kasallanish holati ro'yxatga olinganda qanday yo'l tutiladi?

Virusli gepatit A kasalligi maktab yoki boshqa bolalar muassasalarida aniqlanganda quyidagi kompleks chora-tadbirlar amalga oshiriladi:

1️⃣Zararsizlantirish ishlari

🦠Virusli gepatit A kasalligi aniqlangan har bir holat bo‘yicha uyushgan muassasalarda va kasallik o‘choqlarida yakuniy zararsizlantirish tadbirlari muassasa xodimlari va dezinfeksiya bo‘limi mutaxassislari ishtirokida amalga oshiriladi.Bunda kasallik aniqlangan o'choqlarda, sinf va guruh xonalari, hojatxona va umumiy foydalaniladigan joylar, o‘rin oqliklar, idish-tovoqlar to‘liq dezinfeksiya qilinadi.

2️⃣Maktabning karantinga yopilishi

⛔️Uyushgan muassasalarda bir inkubatsion davrda bir biriga bog‘liq bo‘lgan o‘choqlilik holatlarini yuzaga kelishida shart-sharoitlar bo‘lsa, ya’ni

sanitar-gigiyenik tadbirlarpga rioya etilmasa, toza ichimlik suvi ta’minoti, zararsizlantiruvchi vositalar bilan to‘liq ta’minlanmagan bo‘lsa, shu muassasada kasallikni tarqalishi bilan bog‘liq epidemik xavf yuzaga kelsa, virusli gepatit "A" kasalligiga qarshi emlanmagan bolalar soni yuqori bo‘lib,

jamoaviy immunitet shakllanmagan holatlarda Sanepidqo'mitaning hududiy bo'limlari qarori bilan vaqtincha karantinga yopilishi mumkin. Karantin muddati virusning inkubatsiya davri (28-35 kun), muassasada sanitariya qoidalariga amal qilish uchun sharoit tiklangunga qadar va epidemiologik xavf holatiga qarab belgilanadi.


3️⃣Profilaktika va nazorat ishlari

✅Maktabda muloqotda bo‘lgan o‘quvchilar va pedagog xodimlar tibbiyot xodimlari tomonidan 35 kunlik tibbiy kuzatuvga olinadi.

✅Gepatit A virusining tarqalishini oldini olish borasida o'quvchilar, pedagog va boshqa xodimlarga shaxsiy gigiyena qoidalariga rioya qilish, sanitar-gigiyenik hamda zararsizlantirish tadbirlariga amal etish  bo‘yicha tushuntirish ishlari olib boriladi.

✅Zarur hollarda emlash ishlari olib borilmagan o‘quvchilar va xodimlarga  emlash tadbirlari o‘tkazilishi tavsiya etiladi.
Qabul qilinadigan choralar Sanepidqo'mitaning hududiy bo'limlari tomonidan belgilanadi, muassasaning rahbariyati bunga mas'ulligi tushuntiriladi va muassasaning xavfsizligini ta'minlashga qaratiladi.

Sanepidqo'mita Toshkent shahar boshqarmasi
Axborot xizmati

Telegram | Instagram |Web sayt