Миллий жамоага тўғри мураббий танлаш ўта муҳим эканини қўшнимиз Қозоғистон мисолида яна бир бор кўрдик. Гап бу ерда натижаларда ҳам эмас, менимча.

Ҳатто алоҳида хусусий клубларда ҳам қандайдир қадриятлар, қандайдир талаблар бўлади, миллий жамоаларда эса айниқса. Мураббий уларни билиши, агар иши ва вазифаларига зид бўлмаса риоя қилиши зарур. Ўз атрофида соғлом (яхши ёки ёмон дейилмади) муҳит яратиши керак.

Станислав Черчесовнинг Қозоғистондаги фаолияти журналист ва мухлислар зиддиятлар билан ёдимда қолмоқда. Унга шартнома бекор қилиш сабабларини аниқ айтишмаган бўлсада, ишни давом эттиришга имкон бермайдиган қандайдир сабаблар борлигини айтишган.