Kecha "Sukut saqlama" loyihasi tomonidan tashkillashtirilgan bookclubda bo'ldim. Keng fikrli ayol qizlar bilan bo'lganimiz uchun o'zimizni erkin his qilib, fikr alishdik, baxs-munozara qildik, sog'lom muhitni his qildik. Yana bu bookclub davom etadi, u haqidagi ma'lumotni @tillanisoen kanalidan olasizlar.

O'sha yerdagi erkaklarni ayollarga qaraganda sekinroq o'rganishi haqida fikrni bir kun o'yladim. Xa aqlli va saloyihatli erkaklar ko'p. Lekin umumiy olib qaraganda baribir ayollar yaxshiroq o'zlashtirishini hammamiz ko'rganmiz. Bunga bir necha sabablar bor.

Men o'ylagan va kuzatgan sabab, biz doim vaziyatdan chiqishga harakat qilamiz. Ya'ni juda ko'p holda bizga taqiqlar qo'yiladi. U taqiqlardan o'tish uchun bahonalar qilamiz, uydagilarimizga tushuntirishga harakat qilamiz. Mana shu vaziyatda biz savol berish ko'nikmasini rivojlantiramiz. Ya'ni "qanday qilsam, meni o'rtoqlarim bilan ko'rishishga ruhsat berishadi?", "kechikdim, nima desam ulardan gap eshitmayman?" Mana shularni o'zi bizda critical thinking va skeptiklikni oshirib yuboradi. Biz bu narsalarni yoshlikdan qo'llaymiz. Erkaklarga esa taqiq kam, ular bu narsalar haqida bosh qotirishi shart emas.

Ikkinchisi biz raqobatlashamiz. Biz uchun necha asrlardan beri imkoniyatlar kam berilgan. Ana shu ozgina imkoniyatga biz o'zimiz ega bo'lishimiz uchun borimizni berishga tayyor bo'lamiz. Lekin erkaklarga doim imkoniyatlar ko'p bo'lgan, ular bemalolroq harakat qilaveradi.

Mana shu ikki sabab meni kechadan beri o'ylantirdi. Balki yana boshqa sabablar bo'lishi mumkin. Ularni izohlarda yozib qoldiring.

@the_kami