🌟🌟🌟🌟🌟🌟

Аҳмаджон Алаходжаев Ўзбекистон Республикаси мудофаасига кўмаклашувчи «Ватанпарвар» ташкилоти Наманган вилоят кенгаши раиси лавозимига тайинланди

А. Алаходжаев 1970 йилда Наманган шаҳрида туғилган. Наманган саноат технология институтини тамомлаган. Мутахассислиги муҳандис-муаллим.

Меҳнат фаолиятини Наманган автомактабида ҳайдовчиликдан бошлаган. 1996-2014 йилларда МК «Ватанпарвар» ташкилоти Наманган автомобиль мактаби ўргатувчи устаси,  бошлиқ ўринбосари,  мактаб бошлиғи, 2014-2022 йилларда ташкилотнинг вилоят Кенгаши раиси,   Ўзбекистон “Миллий тикланиш” демократик партияси вилоят Кенгаши раиси, 2022-2023 йилларда вилоят маҳалла ва нуронийларни қўллаб-қувватлаш бошқармаси бошлиғи лавозимларида ишлаган.

Аҳмаджон Алаходжаев янги лавозимга тайинлангунга қадар Наманган вилояти  Камбағалликни қисқартириш ва бандлик бош бошқармаси бошлиғининг биринчи ўринбосари лавозимида ишлаб келаётган эди.

Мазкур тайинлов Ўзбекистон Республикаси мудофаасига кўмаклашувчи "Ватанпарвар" ташкилоти марказий кенгаши Раисининг тегишли буйруғига асосан амалга оширилди.

Тайинловга оид маълумотлар ва янгиликларни юбориш учун махсус бот @Tayinlovbot

Каналга обуна бўлинг:
➢ 三 𝙏𝙖𝙮𝙞𝙣𝙡𝙤𝙫.𝙪𝙯 三