Seljuk Bayraktar tomonidan asos solingan Fargani Uzay kompaniyasi Turkiyaning mahalliy ishlab chiqilgan eng yirik sun'iy yo'ldoshi FGN-100-d1 ni orbitaga muvaffaqiyatli chiqardi.

FGN-100-d1 102 kg og'irlikda bo'lib, taxminan 510 km balandlikda faoliyat ko'rsatadi. U sekundiga 7,6 km tezlikda harakatlanadi.

Seljuk Bayraktar:

Bugun biz birinchi sun’iy yo‘ldoshimizni orbitaga joylashtirdik. Ushbu sun'iy yo'ldoshlar joylashuvni aniqlash va aloqa xizmatlari uchun xizmat qiladi.

Besh yil ichida 100 ta sun'iy yo'ldoshdan iborat Ulug' Bey nomli global joylashuvni aniqlash tizimini butunlay o'z resurslarimiz bilan ishlab chiqishni maqsad qilganmiz.

Sun'iy yo'ldosh turkumimizni yakunlash bilan bir qatorda, biz orbitaga 1,5 tonna yuk ko'tara oladigan raketani ishlab chiqishni davom ettiramiz.

FGN-100-d1 ilg'or avionika va mahalliy dasturiy ta'minotga ega.

Ushbu loyiha Turkiyaning kosmik ekotizimini mustahkamlash va texnologik imkoniyatlarini rivojlantirishda muhim qadamdir.