O'zsanoatqurilishbank Prezident qarori asosida 100 mln so’mgacha ajratilayotgan garovsiz kreditlar portfelini sug‘urtalash uchun sug‘urta tashkilotini aniqlash bo'yicha tender e'lon qildi.

Tender texnik talabiga ko'ra, bank 120 mlrd so'mlik kredit portfelini 8,4 mlrd so'm sug'urta mukofoti evaziga sug'urtalamoqchi.

Sug'urta kompaniyasi ushbu faoliyatni olib borish uchun kerakli hujjatlarga hamda aktivalari kamida 50 mlrd so'm bo'lishi lozim. Tanlov ishtirokchisi bosh kelishuv imzolanganda kamida 5 mlrd so'mdan kam bo'lmagan miqdorda depozit qo'yishga rozilik bildirishi lozim.

Tender 6-noyabr soat 14:45 ga qadar davom etadi. Ishtirok etishni xohlovchilar shu vaqtga qadar o'z takliflarini yuborishi kerak bo'ladi.

Obuna bo'ling: @tangauzb