tanga.uz — biznes va moliyaviy yangiliklar

Firibgarlar 8-mart yoki Ramazon oyidan "xo'rak" sifatida foydalanishi mumkin

Bloger va yurist Zafarbek Solijonov Rossiyada firibgarlikning yangi turi tarqayotgani haqida yozibdi.

"8-mart bayrami bilan sizga bepul sovg‘amiz yoki gul bor, sizga yetkazishimiz kerak. Raqamingizga kod boradi, shuni ayta olasizmi, tasdiqlash uchun" deya firib berishga harakat qilishadi. Kodni aytadigan bo'lsangiz, kartangizdagi mablag'lardan ayrilasiz.

Bu yangicha firibgarlik emas, balki eski usulning 8-mart yoki Ramazon oyiga moslashtirilgan versiyasidir. Baribir ogoh bo'lish zarar qilmaydi.

Telegram | Instagram | YouTube | X

Kapitalbank 6-7-mart kunlari UZCARD, HUMO, Visa Classic, Visa Gold, Mastercard Standard va Mastercard Gold kartalarini komissiyasiz ochish imkoniyatini taqdim etmoqda.

Ikki kun ichida filiallarga tashrif buyurgan barcha mijozlar aksiyada ishtirok etishlari mumkin. Taklif faqat ikki kun amal qilishi aytilgan.

Telegram | Instagram | YouTube | X

O‘zbek tilida xizmat ko‘rsatmagan Wizz Air xodimlariga nisbatan chora ko‘rildi. Bu Samarkand–Abu-Dabi yo‘nalishida ekipaj a’zolari tomonidan yo‘lovchiga xavfsizlik qoidalarini o‘zbek tilida tushuntirish rad etilgani va qo‘pol munosabatda bo‘lingani ortidan amalga oshirildi.

https://tanganews.uz/news/114

Telegram | Instagram | YouTube | X

Toshkentda 1 mlrd so‘m kredit olib berish evaziga 3,1 ming dollar olgan sobiq bank xodimi, Navoiyda 100 mln so‘m kredit uchun 30 mln so‘m talab qilgan shaxslar va Farg‘onada 100 mln so‘m kredit uchun 1 ming dollar olgan shaxslar ushlandi. Hozirda ularga nisbatan firibgarlik va pora berish bo‘yicha jinoyat ishi qo‘zg‘atilib, tergov harakatlari davom etmoqda.

https://tanganews.uz/news/115

Telegram | Instagram | YouTube | X

Rossiyaning yirik "Wildberries" marketpleysi O‘zbekistondagi faoliyatida soliq qonunchiligiga to‘liq rioya etmagani aniqlandi. Soliq qo‘mitasi o‘tkazgan tekshiruv natijasida kompaniyaga 51,2 mlrd so‘mlik soliq hisoblanib, bu mablag‘ davlat budjetiga o‘tkazildi.

https://tanganews.uz/news/113

Telegram | Instagram | YouTube | X

TEMU internet-do‘koni 20-martdan bloklanishi ma’lum qilingandi. Kompaniya O‘zbekistonda yuridik shaxs sifatida ro‘yxatdan o‘tib, faoliyatini davom ettirishi mumkin edi. Biroq, kompaniya rahbariyati o‘zlarining xalqaro platforma ekanligini va O‘zbekistonda soliq to‘lovchi sifatida ro‘yxatdan o‘tmasligini ma’lum qilgan.

https://tanganews.uz/news/109

Telegram | Instagram | YouTube | X

Toshkent shahridagi 1 076 ta savdo va xizmat ko‘rsatish nuqtalari 24/7 rejimiga o‘tkazilmoqda. Bu tajriba asosida joriy yil poytaxtda 3 mingga yaqin ish o‘rnini yaratish rejalashtirilgan. Shuningdek, 2025-yilda Toshkentda 1,5 mln aholining bandligini ta’minlash ko'zda tutilgan.

https://tanganews.uz/news/110

Telegram | Instagram | YouTube | X

6-mart uchun dollarning banklardagi eng maqbul kurslari:

Banklarga sotish kursi (USD — UZS):

🏦 Poytaxt bank — 12 880;
🏦 AloqaBank — 12 880;
🏦 O‘zmilliybank — 12 870.

Banklardan sotib olish kursi (UZS — USD):

🏦 ANORBANK — 12 905;
🏦 Poytaxt bank — 12 910;
🏦 Tenge Bank — 12 910.

Telegram | Instagram | YouTube | X

❗️Ertaga, 6-mart kuni soat 09:00 dan e’tiboran barcha hududlarda metan zapravkalar faoliyati bosqichma-bosqich yo‘lga qo‘yiladi. Bu haqda Energetika vazirligi xabar berdi.

Vazirlik keltirilgan noqulayliklar uchun uzr so'ragan.

Telegram | Instagram | YouTube | X

Ipotekani qayta moliyalashtirish kompaniyasi mablag‘lari hisobidan yangi uy-joy sotib olish uchun ajratib kelinayotgan ipoteka krediti foiz stavkasi yillik 19,5 foizgacha pasaytirildi.

Bunga qadar stavka 21,5 foizni tashkil qilardi. Mazkur ipoteka kreditlarini ajratayotgan banklar ro'yxati va kredit shartlari bilan quyidagi havola orqali bilib olish mumkin.

https://tanganews.uz/news/108

Telegram | Instagram | YouTube | X

Qurilish maydonlarida havoni ifloslantirganlik uchun jarima belgilandi

Qonunchilikka kiritilgan o'zgarishlarga ko'ra, endilikda qurilish maydonlarida atmosferaga havoni ifloslantiruvchi moddalarni ma'lum chegaradan ko'p miqdorda chiqarilsa, quruvchilar jarimaga tortiladi.

Birinchi marta qoidabuzarlik uchun mansabdor shaxslarga BHMning 10 baravari (3,75 mln so‘m) miqdorida, agar bir yil ichida takrorlansa, BHMning 50 baravari (18,75 mln so‘m) miqdorida jarima qo'llanadi.

Qonun rasmiy e’lon qilinganidan 3 oy o‘tgach kuchga kiradi.

Telegram | Instagram | YouTube | X

20-martda HUMO to'lov tizimiga yangi rahbar tayinlanishi kutilmoqda

20-mart kuni "Milliy banklararo protsessing markazi" AJ (HUMO to'lov tizimi) aksiyadorlarining navbatdan tashqari yig'ilishi bo'lib o'tadi.

Unda amaldagi boshqaruv raisi bilan mehnat shartnomasini bekor qilish va yangi rahbarni tayinlash masalasi ko'rib chiqiladi.

Boshqaruv raisligiga nomzod "Paynet" AJ tomonidan taqdim etiladi.

Ma'lumot uchun, HUMO ishga tushirilgandan beri unga Shuxratbek Kurbanov rahbarlik qilib kelayotgandi.

Telegram | Instagram | YouTube | X

Fevral oyida O'zbekistonda eng ko'p yuklab olingan ilova Temu bo'lgandi.

Telegram | Instagram | YouTube | X

Raqobat qo'mitasi Toshkent shahrida reklama qonunchiligini buzgan 30 dan ortiq kompaniyaga nisbatan ish qo'zg'atdi. Bu kompaniyalar orasida Coca-Cola, Pepsi, Evos, Oqtepa Lavash va Safia kabi mashhur brendlar ham borligi qayd etilgan.

https://tanganews.uz/news/107

Telegram | Instagram | YouTube | X

Soliq xodimlari tomonidan sun’iy QQS qaytarilishidan 168 mlrd so’m o‘marilgan

O‘tgan yilning oxirida jinoyat ishlari bo‘yicha Shayxontohur tumani sudi Soliq qo‘mitasi Yirik soliq to‘lovchilar bo‘yicha hududlararo davlat soliq inspeksiyasi bosh inspektori Avazbek Sotvoldiyev va uning 29 nafar jinoiy sherigiga hukm chiqardi.

Inspektor o‘z vakolat va imkoniyatlaridan foydalanib, hamtovoqlari bilan o‘nta MCHJ orqali ishlab chiqarish, eksport bilan bog‘liq soxta amaliyotlar tashkil etadi, bu amaliyotlar bo‘yicha QQSning salbiy farqini davlat byudjetidan qaytarish sxemalarini bajaradi, qaytarilgan mablag‘lar esa jinoiy guruh a’zolari o‘rtasida taqsimlanadi.

Soddaroq qilib aytganda, sun’iy ravishda QQS salbiy farqi yaratilib, davlat byudjetidan milliardlab mablag‘lar olinib, talon-toroj qilingan. Jinoiy guruh a’zolari tomonidan hujjatlar qalbakilashtirilgan, "to‘g‘ri rasmiylashtirilib" tizimga kiritilgan, zarur bo‘lsa, pora berilgan, pora oldi-berdisiga vositachilik qilingan.

Jinoiy ish doirasida Avazbek Sotvoldiyevdan tashqari yana 29 kishiga ayblov e’lon qilingan. Ular orasida MCHJlarni tashkil etgan uddaburonlar, "qo‘g‘irchoq" direktorlar, Andijon viloyati Soliq boshqarmasining mas’ul xodimlari, hisobchilar va boshqalar bor.

Sudda aniqlashicha, jinoiy guruh xatti-harakatlari natijasida qariyb 168 mlrd so‘mlik mablag‘ transport vositalari, ko‘chmas mulk, tadbirkorlik subyektlari sotib olish yo‘li bilan legallashtirilgan.

Sud hukmiga ko‘ra, Avazbek Sotvoldiyev 11-yilga ozodlikdan mahrum etildi. Jinoiy guruhning boshqa a’zolari ham turli muddatlarga ozodlikdan mahrum etilib, ayrimlari shartli jazo olgan.

Jinoiy guruhning asosiy tashkilotchi va ijrochilari davlatga yetkazilgan qariyb 168 mlrd so‘mlik zararni ham solidar tartibda qaytarishi kerak bo‘ladi.

Telegram | Instagram | YouTube | X

Paynet'ning 2024-yildagi moliyaviy hisobotlarini "Deloitte va Touche" kompaniyasi audit qiladi. Auditorlik xizmati narxi 1,5 mlrd so'm etib belgilandi.

Telegram | Instagram | YouTube | X

Eng yuqori foizli omonat taklif qilayotgan banklar ro'yxatini tuzdik. Ro‘yxatda banklar taklif qilayotgan minimal omonat miqdori, eng kam muddati hamda ularning yillik foiz stavkalari haqida ma'lumot olish mumkin.

https://tanganews.uz/news/105

Telegram | Instagram | YouTube | X

Subsidiya uchun arizalar qabuli boshlandi

Bugun soat 9:00 dan boshlab ipoteka kreditlariga subsidiya olish uchun arizalar qabul qilinishi boshlandi. Arizalarni onlayn ushbu havola orqali topshirish mumkin.

Telegram | Instagram | YouTube | X

O'zbekistonda Pepsi, 7UP, Mirinda, Adrenaline Rush kabi ichimliklar ishlab chiqaruvchi kompaniya Baraka Market supermarketlar tarmog'ini sotib oldi. Ayni paytda ikkala kompaniyaning asosiy aksiyadori sifatida BAAning Holten Enterprise Holdings kompaniyasi ko'rsatilgan.

https://tanganews.uz/news/106

Telegram | Instagram | YouTube | X