SultonUvaysbobo.uz

Оламларга раҳмат Набийнинг намоён бўлишлари

Набий соллаллоҳу алайҳи ва саллам айтадилар: «Барча инсонлар жамланиб менинг олдимга келадилар. Шунда “мен бораман..”» 

Субҳаналлоҳ! Ўша вақтда оламларга раҳмат қилиб юборилган набийнинг меҳрибонликлари намоён бўлади. Расули Акрам соллаллоҳу алайҳи ва саллам марҳамат қиладилар: «Шунда улар менинг олдимга келишади. Раббимнинг ҳузурига бориб изн сўрайман. Менга изн берилади. Раббимни кўрганимда саждага йиқиламан. Аллоҳ мени хоҳлаганича қўйиб беради, сўнг “Бошингизни кўтаринг ва сўранг, берилади. Гапиринг, тингланади. Шафоат қилинг, шафоатинг қабул қилинади!” дейилади. Бошимни кўтариб, Аллоҳ менга ўргатадиган ҳамд ила У Зотга ҳамд айтаман, сўнг шафоат қиламан. Кейин У Зот менга маълум чегара белгилаб беради. Уларни жаннатга киритаман. Сўнг яна У Зотнинг ҳузурига қайтаман”.  Субҳаналлоҳ! Бу Ҳабибимизнинг оламларга раҳмат эканликларидир. Чунки Раббул иззат у зотга бир марта икром қилиб, қанча-қанча гуноҳкор бандаларни жаннатга киргизди. Лекин икки олам сарвари Расули Акрам соллаллоҳу алайҳи ва саллам дўзахда ҳали қанча гуноҳкору хатокорлар борлигини кўриб тинч, хотиржам туролмайдилар ва айтадилар: “Мен Аллоҳ таоло ҳузурига яна бораман. Олдинги ҳолат яна такрорланади, мен шафоат қиламан. Аллоҳ менинг шафоатимни қабул қилади. Менга бир миқдоргача шафоат қилиш берилади ва улар ҳам жаннатга киргизилади, сўнг мен учинчи марта қайтиб келаман унда ҳам шу муомала бўлади, сўнг мен тўртинчи марта қайтиб келаман”. Набий соллаллоҳу алайҳи ва саллам айтадилар: “Тўртинчи марта борганимда менга айтиладики, жаҳаннамда икки гуруҳ кишилардан бошқаси қолмайди. Бири уни Қуръон тўхтатган киши, иккинчиси эса унинг жаҳаннамда қолиши вожиб бўлган киши”.

"Шарм ва ҳаё” китобидан.

https://t.me/sultonuvaysbobo

Уч нарсани ҳаргиз унутма:

1. Аллоҳнинг неъматлари олдингда кўринган заҳоти ҳамд айтишни;
2. Ризқнинг сенга келиши кечиккан пайтда истиғфор айтишни;
3. Бошингга машаққат тушганида "Лаа ҳавла ва лаа қуввата илла биллаҳ" (Куч ҳам, қувват ҳам фақат Аллоҳдандир) дейишни.

Шайх Муҳаммад Мутаваллий Шаъровий роҳимаҳуллоҳ

https://t.me/sultonuvaysbobo

ШАРЪИЙ ҲУКМНИНГ САБАБИ ҲАҚИДАГИ САВОЛГА ЭНГ ГЎЗАЛ ЖАВОБ

Бир киши Ҳакимул уммат, Мавлоно Ашраф Али Таҳонавий қуддиса сирруҳнинг ҳузурларига келиб: “Аллоҳ таоло фалон нарсани нега ҳаром қилган? сабаби нима? нима ҳикмати ва фойдаси бор?” деб сўрай бошлади. Ҳазрат Таҳонавий қуддиса сирруҳ: “Сиз бир нарсага жавоб беринг. Шунда, мен сизга унинг жавобини бераман”, дедилар.
“Нима нарса?” деди.
Шунда Ҳазрат: “Сенинг бурнинг нега орқага эмас, олдинга қўйилган?” деган савол билан жавоб қилдилар. Шу танбеҳ орқали Аллоҳ таоло ҳар бир ишни Ўзининг ҳикмати билан, Ўзи хоҳлаганидек қилишини, бандаси “нега?” деб сўрашга ҳаққи йўқлигини билдирмоқчи бўлдилар.
Ростан ҳам инсоннинг кўракдеккина ақли Аллоҳнинг бутун ишлари ҳикматини қамраб ололмайди. Бугунги даврда илм-фан тараққий топганига қарамасдан, мана шу кичкинагина ақлни ҳам буткул ўрганиб чиқа олгани йўқ. Шунчалар ожиз бўлишига қарамасдан, банда, фалон нарса нега ҳаром қилинган? бу нарса нега ҳалол? деб, Аллоҳ таолонинг бутун ҳикматларининг тагига етишни хоҳлайди. Ҳолбуки, у ўзининг хилқатидан бехабар... Бу каби саволлар Аллоҳ таолонинг буюклигини англамаслик оқибатида пайдо бўлади. Ҳазрат мазкур савол ила сўровчига ана шу маъноларни уқтирмоқчи бўлдилар.

“Насиҳатлар гулдастаси” китобидан.

https://t.me/sultonuvaysbobo