International Islamic Academy of Uzbekistan

#Mutolaa_vaqti

Kashta

G‘ira-shira kun botar vaqtida ayvonda ignaning yalt-yult etgani ko‘zga tashlanadi. Buni xuddi kumushrang yonar qo‘ng‘izlarga mengzash mumkin edi. O‘tirgan uch nafar ayolning lablari sassiz qimirlaydi. Tebranma stullar bir maromda ohista g‘ijirlab, ularning tanasi bir orqaga, keyin oldinga egiladi. Uchalasi ham unda o‘zlarining besaranjom urayotgan yuragini ko‘rayotgandek qo‘liga sinchiklab qarab turibdi.

– Soat necha bo‘ldi?

– O‘nta kam besh.

– Borib tushlikga no‘xat ivitish kerak.

– Lekin… – ulardan biri qarshilik ko‘rsatdi.

– To‘g‘ri, men butkul unutibman, xayolim qursin…

Birinchi ayol so‘zning yarmida to‘xtab, qo‘lidagi kashtasini tizzasiga qo‘ydi va ovozsiz nafas olib ochiq eshikdan shinam oshxonaga mo‘raladi. U yerda, stol ustida, qachon uning barmoqlari qo‘zoqdan ozod qilishlarini kutib, bir uyum dirkillama no‘xat yotgan edi. U hayotida shu vaqtgacha mirishkorlikning bu qadar yorqin timsolini ko‘rmagandek tuyuldi.

🖌Rey Bredberi

🌐Batafsil: https://telegra.ph/Kashta-04-24

O‘zbekiston xalqaro islomshunoslik akademiyasining rasmiy sahifalarini kuzatib boring!🔽

🌐iiau.uz|✅Facebook|🌐Instagram|✅Telegram|📹YouTube

0️⃣0️⃣0️⃣

Talabalar uchun dolzarb mavzuda davra suhbati o‘tkazildi

🟢O‘zbekiston Respublikasi Prezidentining joriy yil 3-yanvardagi “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi qarori ijrosini ta’minlash maqsadida mas’ul tashkilotlar tomonidan bir qator ishlar amalga oshirilmoqda.

🟢Qarorga muvofiq, 15-aprel kunidan 15-mayga qadar respublika bo‘ylab “Xavfsiz va sog‘lom yurt” keng qamrovli tezkor-profilaktik tadbirlar o‘tkazilishi belgilandi.

🟢Bugun O‘zbekiston xalqaro islomshunoslik akademiyasida ham oylik doirasida “Jinoyatchilikni oldini olish va narkotik moddalarning noqonuniy aylanmasiga chek qo‘yish” mavzusida davra suhbati bo‘lib o‘tdi.

🟢Unda Akademiyaning Yoshlar masalalari va maʼnaviy-maʼrifiy ishlar boʻyicha birinchi prorektori Habibullo Sadibaqosev, Toshkent shahar Shayxontoxur tumani Ichki ishlar organlari faoliyatini muvofiqlashtirish boshqarmasi boshlig‘i, polkovnik Otabek Jamolov, boshqarma Tergov bo‘limi boshlig‘i Jasur Shonazarov, fakultet dekanlari, professor-o‘qituvchilar hamda talabalar ishtirok etdi.

🌐Batafsil: https://iiau.uz/oz/news/3960

O‘zbekiston xalqaro islomshunoslik akademiyasining rasmiy sahifalarini kuzatib boring!🔽

🌐iiau.uz|✅Facebook|🌐Instagram|✅Telegram|📹YouTube