International Islamic Academy of Uzbekistan

#Xalqaro_forum
0️⃣0️⃣0️⃣

Toshkentda VIII Xalqaro O‘zbekiston gidlari forumi bo‘lib o‘tmoqda

🗓Bugun, 21-fevral – Butunjahon gidlar kuni munosabati bilan Toshkentdagi “InterContinental Tashkent” mehmonxona majmuasida navbatdagi VIII Xalqaro O‘zbekiston gidlari forumining 1-kuni yakuniga yetdi.

🇺🇿O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi, Turizm qo‘mitasi va Turizmni rivojlantirish ilmiy-tadqiqot instituti hamda O‘zbekiston xalqaro islom akademiyasi hamkorligida tashkil etilgan forum “Turizm va ekskursiya faoliyati: yangi muammolar va rivojlanish yo‘llari” mavzusiga bag‘ishlandi.

✅Mazkur tadbirda O‘zbekiston xalqaro islom akademiyasi vakillari ham ishtirok etdi.

✔️Forumda davlat organlari vakillari, xorijiy va milliy ilmiy-tadqiqot va ta’lim muassasalarining taniqli olimlari va ekspertlari, ekskursiya va turizm faoliyati yo‘nalishi bo‘yicha xalqaro assotsiatsiyalar vakillari, xalqaro trenerlar, xususan, Belarus, Buyuk Britaniya, Misr, Isroil, Eron, Qozog‘iston, Latviya, Litva, Rossiya, Tojikiston, Turkiya, Yaponiya va boshqa mamlakatlardan taniqli spikerlar, shuningdek, respublikamizning Buxoro, Samarqand, Xorazm va boshqa viloyatlari hamda Toshkent shahridan gid-ekskursiya yetakchilari, gid-tarjimonlar, yo‘riqchi-yo‘l boshlovchilar, shu jumladan, oliy toifali gidlar qatnashmoqda.

⌛Forum doirasida “Zamonaviy turizm bozorida ekskursiya xizmatlarini ilgari surishning raqamli kanallari va usullari: keyslar, natijalar va xulosalar”, “Gidlarning shaxsiy o‘sishi: gid nigohida milliy imidj va destinatsiya brendi”, “Yangi ekskursiya yo‘nalishlari. Gidlar – sayyohlik maskanlari va yo‘nalishlari rejissyorlari” mavzusidagi sho‘balar o‘z ishini olib bordi.

✅Ma’ruzachilar respublika iqtisodiyotining strategik tarmog‘i sifatida turizm va mehmondo‘stlik sohasini yanada rivojlantirish, professional gidlar hamjamiyatini ko‘p tarmoqli va sifatli shakllantirish va boshqa dolzarb masalalar bo‘yicha o‘z fikr-mulohazalari bilan o‘rtoqlashishdi.

📍Eslatib o‘tamiz, forum ertaga, 22-fevral kuni O‘zbekiston xalqaro islom akademiyasida davom etadi.

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|✅Facebook|🌐Instagram|✅Telegram|📹YouTube

#Mutolaa_vaqti

Chodirxayol

Bu yerda hamisha shovullab tuproq to‘kilib turadi. Tepalik o‘yilgan joyda tikka devordan, belkurag-u ketmondan, sho‘r bosgan yelkalardan, cho‘kich zarbidan, kajava zambillardan shitirlab to‘kilardi. Bu shovullash o‘n besh-yigirma yil naridan kelayotganday, bo‘g‘iq, doim bir maromda allalab eshitiladi.

Tepalik o‘yilib, qo‘raday katta kovak hosil bo‘lgan, ichi nimqorong‘i, hurmat taxtasining tepasida yonib turgan ikkitagina lampochka bilan sal yorishib turibdi. Bu yerda ish tabiatning injiqliklariga qaramay, qor-u qirov, sel-u jalada ham, sovuqda ham, issiqda ham tinmay davom etadi, tuproq to‘kiladigan jargacha so‘qma yo‘l yaxshi shibbalangan, o‘sha yerdan tepalikning qovjiroq shumgiya-yu shilvi, bujg‘un cho‘kirtaklari chirmashib yotgan sirti bemalol ko‘rinadi.

🖌Asqad Muxtor,
O‘zbekiston xalq yozuvchisi

🌐Batafsil: https://telegra.ph/Chodirxayol-02-20

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|✅Facebook|🌐Instagram|✅Telegram|📹YouTube