Сардор Умрзоқов “оддий одамлар қатори” Ҳаж рукнларини адо этмоқдаЎзбекистон президентининг махсус топшириқлар бўйича маслаҳатчиси Сардор Умрзоқов Саудия Арабистони подшоҳи Салмон бин Абдулазизнинг таклифига кўра Макка шаҳрида Ҳаж рукнларини адо этмоқда.
“С.Умрзоқов бугун ўзбекистонлик зиёратчилар жойлашган Al Ayam Elite меҳмонхонасига борган. У ерда Умрзоқов “Оддий одамлар қатори Ҳаж амалини бажаргани келдим”, деган. Уни муфтий Нуриддин Холиқназаров кутиб олган”,
деб ёзди “Uzdiplomat” нашри.
https://t.me/uzdiplomat/8200Маълумот ўрнида, 46 ёшли Умрзоқов 2022 йил июлдан 2023 йил августга қадар Президент администрацияси раҳбари лавозимида фаолият юритган. У ишдан бўшатилиши ортидан Президент администрацияси раҳбари лавозими ҳам тугатилган.
Сардор Умрзоқов юқори лавозимдан кетгач, ижтимой тармоқларда камнамо бўлиб қолгани, жамоатчиликка кўп ҳам кўриниш бермаслиги айтилади.