Хориждаги ўзбекистонликлар Янги Тошкент қурилишига ишга чақирилмоқда

Ўзбекистоннинг Туркиядаги ва Россиядаги элчихоналари Тошкентда ўзбекистонликлар учун 15 млн сўмгача маошли иш борлигини эълон қилди.

Эълонга кўра, фуқаролар Янги Тошкент қурилишида иштирок этишга таклиф қилинмоқда. Ушбу лойиҳа доирасида хорижда меҳнат қилаётган юртдошлар учун 10 мингга яқин иш ўрни яратилмоқда.

Қайд этилишича, Ўзбекистон ҳукуматининг ташаббуси билан амалга оширилаётган ушбу лойиҳа доирасида хорижда меҳнат қилаётган ўзбекистонликлар учун 10 мингга яқин иш ўринлари яратилмоқда. Қурилиш соҳасида тажрибага эга бўлган фуқаролар қуйидаги 38 йўналиш бўйича ишга қабул қилинади:

бетончи;
сувоқчи;
сантехник;
электрик;
ғишт терувчи ҳамда бошқа қурилиш мутахассислари.

«Қўшимча маълумот олиш ва ишга жойлашиш учун хориждаги юртдошларимиз 0 800 0000 1176 рақамига ва мамлакатимиздаги юртдошларимиз 1176 рақамига мурожаат қилишлари мумкин»,

— дейилади хабарда.

👉 https://t.me/sirdaryoyangiliklari